شوفو جدولي الغذائي للجسم الفرنسي لو سمحتور

معلومات المتقدم بالاستفسار :
العمر : 16 , الجنس : ذكر

الطول :167 متر
الوزن : 58 كيلوجرام

نسبة الدهون : قليل

و الاستفسار كالتالي :
السلام عليكم ورحمة الله وبركاته ..
أما بعد ..

بخبرك جدولي الغذائي وشوفو يا كباتن اذا كان مناسب للجسم الفرنسي

الفطور = 3 او 4 بياض البيض + كورن فليكس مع شاي بالحليب
بعد ثلاث ساعات = موزه + كوب حليب قليل الدسم + مكسرات
الغذاء = لحم او سمك او دجاج مع شوية رز ومرات مع خبز ابيض
بعد التمرين = موزه و كوب حليب قليل الدسم + كم حبة تمر
العشاء = تونة او استيك لحم او بطاطس

هذا جدولي الغذائي هل هو مناسب للجسم الفرنسي ؟؟

انتضر الجواب من الكباتن الكرام ودمتم...

اخوي انت ماتقدر تحكم مناسب للجسم الفلاني والجسم الفلاني


الجسم الفرنسي على حسب تمارينك او بعض البروتينات ماتكون موصله للدرجه الي في بالك



بعدين اخوي الجسم الفرنسي صعب السكس باك راح تتعبك مثل ماهي متعبتني الحين انا مو راضيه تطلع فيه طبقه دهون


بس انت ماشاء الله وزنك مناسب على عمرك وطولك وراح تلاحظ فرق باذن الله


بس اذا بغيت مكملات غذائية خذلك
1-نايتروتك
2-انيمال كت
3- ال-كرنتين 1500 < عشان يشيل النسبه البسيطة من الدهون
4-سوبر امينو 10000
5-جلوتامين


ركز على غذائك بلش بالسلطات ابتعد عن النشويات خلك مع المشاوي

وتبي نصيحتي وقف البطاطس في العشا انا اسمعها انه تآدي الى السمنه بقوة

ولما تلعب لا تلعب بسرعه تبي تخلص لا ولاتشيل وزن اكبر من قدرك شيل الي انت تقدر عليه بتركييييز قوي لانه

الجسم الي انت مفكر انك تبنيه صعب الحفاظ عليه

واذا في اي اخطاء ان شاء الله الاخوان بيعدلونها

وان شاء الله موفق

اقتباس:

---

المشاركة الأصلية كتبت بواسطة Dr.7zn;7225300[COLOR=#222222

بس اذا بغيت مكملات غذائية خذلك
1-نايتروتك
2-انيمال كت
3- ال-كرنتين 1500 < عشان يشيل النسبه البسيطة من الدهون
4-سوبر امينو 10000
5-جلوتامين


[/COLOR]

---

؟ !

اخي الكريم
نظام الغذائي جيد جدا
بس ضيف وجبة لقبل التمرين حبة بطاطس متوسطة الحجم مسلوقة او كوب حليب بالشوفان
ووجبة العشاء ابعد عن البطاطس مثل ماتفضل الاخ وخليها غنيه بالبروتين كثر لحووم وبيض وخليها بعد وجبة مابعد التمرين بساعه وحده
اما اذا كنت تتمرن مقدم فلازم تخلي وجبة مابعد التمرين غنيه بالبروتين

بالتوفيق يالغلا

والمكملات ابعد عنها اطلاقا ماتناسب عمرك

تسلم اخوي بردان وما قصرت
انا اصلا ما افكر فالمكملات ولا اخذها
وتسلم يعني قبل التمرين حبة بطاطس مسلوقة او حليب بالشوفان حلو وانا اتعشى متأخر بخلي وجبة بروتينيه بعد التمرين وتكون هذي اخر وجبة ولا كيف ولا بعد في وجبة ثانيه انزين شو بتكون ؟؟ وتسلم

يعني الفطور = كورن فليكس مع شاي بالحليب + موزه + مكسرات وبعدين اروح المدرسة وفي الفسحة اكل سندويش جبن من المقصف و عصير فواكه
ارجع البيت الغداء = لحم او سمك او دجاج مع شوية رز ومرات مع خبز ابيض وبطاطس مسلوقة
بعد التمرين = 3 او 4 بياض البيض + كوب حليب قليل الدسم
بعد ثلاث ساعات = موز + كوب حليب قليل الدسم
حلو ولا لا ؟؟

كلما قرب وقت النوم حاول ان تبتعد عن النشويات و السكريات و لا تنام بعد ماتاكل اصبر ساعة على الأقل