مساعده في ترتيب نظام غذائي....

معلومات المتقدم بالاستفسار :
العمر : 22 , الجنس : ذكر

الطول :181 متر
الوزن : 99 كيلوجرام

نسبة الدهون : !!!

و الاستفسار كالتالي :
السلام عليكم ورحمه الله وبركاته
كيفكم ياابطال؟؟؟

محتاجكم في ترتيب نظام غذائي يناسبني لاني شفت انظمه كثير وماتناسبني صراحه فااتمني تساعدوني وحده وحده لاني ناوي هالمره بقوه اني ارتب نظام وارجع النادي .......... بقولكم يومي وابغي يكون النظام حواليه ........

فتره الصباح بعد الفجر(الي 7 في البيت) .......وبعدها الجامعه <>>>>>>>>هنا الفطور بس شي يكون متوفر (انشاء الله فهمتوني)

بعدها الساعه 3 ارجع البيت <>>>>>>>>هنا الغداء

بعدها راحه والساعه 5 ><<<<النادي

وبعدين العشاء باي وقت بعده

*كنت ادخل النادي واقطع مااطول ...اتمني تساعدوني لانه هالمره لازم ادخل ...آآآآآسف ع الاطاله


شكرا مقدماااااا

؟؟؟؟؟؟؟؟؟؟؟؟؟؟؟؟؟؟؟!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!!

الفطور: 4 بيضا بيض مسلوق 1 صفار او بدون صفار + حبة توست بر أو ربع رغيف بر+حليب منزوع الدسم او قليل الدسم+حبة خيار خل فطورك قبل الجامعة
بعد ساعتين من الفطور إلى ثلاث ساعات خذ لك حبة فاكهه تفاحة وبرتقالة إذا تقدر في الجامعة لأني أتذكر إنه فيه نظام تغذية وأكثر من شرب الموية
الغدا:صدرين إلى ثلاثة من الدجاج مع رز أسمر وإذا مافيه رز أسمر مايحتاج خل مع الدجاج خس وخيار وطماط (سلطة)
بعد التمرين:تونة علبة صغيرة صفها من الزيت أو الموية واغسلها عشان يروح الملح الزايد فيها ومع ربع رغيف اسمر او حبة توست مع سلطة او شوربة خضار
العشا: زبادي منزوع الدسم+فاكهه أو خيار
(أكثر من شرب الماء)

انا ياخوي وزني مثل وزنك وطولي 180 وماشي ع نظام غذائي للتخسيس وانزال نسبة الدهون ... بكتبه لك وان شاء الله يفيدك :
الفطور: من 2 الى 3 بياض بيض مسلوق + من 40 الى 60 غرام شوفان او كورنفلكس من حليب خالي الدسم .
وجبة خفيفه : تفاحه خضره أو برتقاله + كوب من حليب خالي الدسم أو زبادي
الغذاء: صدر دجاج بدون جلد وعضم او سمك السلمون او ستيك لحم + سلطه (خس+خيار+بقدومس+جلجلان+نعناع+فلفل حلو) + جبة توست بر +زبادي خالي الدسم
العشاء:2 بياض بيض مسلوق أو تونا بالماء أو جبنه قليلة الدسم أو شيش طاووق + سلطه
وجبة خفيفه: زبادي منزوع الدسم +خيار أو خس

ملاحظات : يمكنه اضافة زيت الزيتون والفلفل الاسود والليمون الى السلطه أو صلصة Balsamic يتحصلها في الجمعيات .
التمرين بعد وجبة الغداء بساعتين .
شرب الكثير من الماء من 6 الى 8 اكواب

jkd1 و faisalabdulaziz الف شكر وماقصرتوووو

طيب قبل التمرين وبعده
وبالنسبه انا كنت اروح النادي بس متقطعه هل اسبوع تمارين شامل كااافي؟؟؟

ست ايام تمارين ويوم راحة
الراحة نتايجها مثل التمارين لان العضلات محتاجة راحة عشان تبني نفسها
وكل اسبوعين اكسر برنامج الحمية حقك عشان مايتعود جسمك عليه يعني في يوم الراحة من كل اسبوعين كل الي تبي

jkd1 انت مجرب هالنظام والطريقه؟ومتي تبان النتيجه؟
والتمارين حديد ؟؟يحددهاا المدرب؟؟
طيب قبل التمرين مباشره وبعده ايش اكل؟؟

اي نعم مجرب هالنظام وجايب معي نتيجة الحمد لله
بس انت إذا هدفك ازالة دهون
أول ماتدخل النادي سخن جسمك سير عشر دقايق او نط حبل خمس دقايق بعدين خش حديد
بعد الحديد ادخل اللياقة سويدي وغيره من تمارين عشان وقت الحديد الجسم يحرق سعرات حرارية ويكون فيه طاقة لرفع الاوزان
اللياقة يكون الجسم استهلك السعرات الحرارية الي اكلتها ويبدى يستهلك الدهون الي في الجسم
بعد ماتخلص ان كان فيك حيل خذ لك سباحة من ربع لنص ساعة
بالنسبة للوجبات الي كتبتها على حسب وقت تمرينك م بس بشرط بعد الوجبة بساعتين عشان الدم يكون متركز في المعدة للهضم ممكن تتمرن ويحصل دوخة لان مافيه دم يتوزع على العضلات والمخ والمعدة

بالنسبة للحديد اتفق مع المدرب على تمارين وغالبا اذا في البداية تكون من 3-6 تمارين لكل عضلة للصدر يوم مع الباي والظهر مع التراي والاكتاف مع السواعد والارجل لحال وكل مدرب له طريقته
بالنسبة للنتيجة راح تطلع معك وتحس بفرق من اول شهر جسمك يبدى يتغير لكن النتيجة الي بتوصل لها من ناحية خفة وزن ولياقة ثلاث شهور وفوق ونتائج الحديد من ست شهور وفوق
بخصوص وش تاكل قبل التمرين مانصحك تاكل شي على معدة فاضية احلى وبعد التمرين حسب جدولك اذا تمرينك العصر بيكون بعد التمرين وجبة الي بعد الغدا وعلى هالشي قسم وجباتك ووقت تمرينك بالي يناسبك

ما شاء الله عليك اخوي jkd1 كفى ووفى وبيض الله وجهك ...
كروش 2 اشكثر صالك تلعب ؟؟

jkd1 مشكورررررررررررر يابطل وانشاءالله ببدا السبت وراح اتواصل معاك لابلاغك بالنتايج وازعاجك بالاستفسارات :09: خلاص انت صديقي هههههههه

faisalabdulaziz بديت قبل 3 سنوات بس ادخل اسبوع وتصير ضروف ومااكمل اكثير وع هالحال لليوم . باذن الله السبت ببدا واحاول استمر >>>دعواتكم .