لمن يريد لعبة معربة..............

إذا كنا نريد لعبة معربة فالحل بسيط وهو خطوة واحدة بس تحملوها وهي عدم شراء أي لعبة منسوخة والإتجاه نحو الأصلية ساغتها الشركات مثل كابكوم ونامكو وكونامي بتعرب ألعابها لأن الفلوس بتطير من عندنا لعندهم

يمكن حد ما تعجبه الفكرة بس أنا متأكد بنسبة 85% انهم بيعربوها

والقرار يعود لكم.

حتى لو شرينا العاب اصليه ماراح تنزل العاب عربيه من الشركات

اخوي ما اعتقد انه يبيتعرب حتى لو كنا نشتري اصلي :)

نجرب أول مرة 4مليون مثلا يشترون الأ صلي ب150 درهم للشريط الواحد نضرب 150 في4000000 كم بيطلع؟ رقم كبير مرة ما يغري الشركات شوفوا الدول اللي تمنع الكوبي والاعبين فيها يشترون الاصلي.
في الألعاب تنزل بلغتهم مثل ألمانيا وهولندا وفرنسا... ولو تدرون بعد قوانين ذي الدول متشددة مرة ضد الكوبي ويحاسبون أي واحد ينسخ أي لعبة أصلا أي شيء مقلد يلطش سمعة البلد الإقتصادية لو تدرون ;) :واو: :( ?: :) :cool:

صعبة شوي ... :( وطبعا نحن في كلا الحالتين خسرانين .

ليش ؟
هذا هو الصح اللي لازم يصير :(

لمتى نبقى نشتريها ؟ وبعدين أصلا في أوروبا واليابان وأمريكا لاتوجد ألعاب كوبي ...

لأنهم يعتبرونه مثل التزوير .... ولما كنت بأمريكا كنت مجبور أشتري ألعاب أصلية ب 40 دولار أو أكثر ...

والحين مو معقولة أنت عندك لعبة 10 دراهم تروح تشتريها 150 درهم من أجل لا شيء .. وكثري أنا ما تلاقي أحد عنده لعبة أصلية .. وما في فرق شاسع بينهم ... والناس أحرار ... تشتري اللي يعجبها :)

انا وعن نفسي ماقمت اتعامل مع الكوبي ابدا فجميييع الالعاب الموجده عندي اصليه سواء كانت علا الابلاي ستيشن2 او الكيوب او الاكس بوكس

خلالالالالاص بعد المعاناه الي عانيته من الكوبي خلالالالالاص لاكوبي بعد اليووووم عشان بصراحه الكوبي ماينفع مع اجهزه الجيل الثالث يمكن اتقبله مع الاجهزه السابقه لااكن الاان اقتنعت ان الكوبي فشل فشل ذريع اما اجهزه الـ 182 بت


يعني العب لعبه او ث لااث العاب اصليه في الشهر وانا مرتاح احسن من لاا العب عشرين لعبه كوبي موكامله وتعلق في سبوع

قدروا ظروف الشركات وشوفوا فوايد الأصلي ولا تشوفوا الفلوس واحمدوا ربكم انه الشركات تطلع الألعاب على سي دي مب نظام الكارتريدج الغالي مرة ولو تدرون الشركات ترخص الألعاب الأصلية أول كان الشريط الواحد 270 درهم الحين أحلى شريط للإكس بوكس يساوي 170درهم بس وكمان لو واحد فيكم رئيس لشركة ألعاب شهيرة بيرضى انه يشوف جهده ينباع ب10 دراهم أو 15ريال ؟لا، صناعة الألعاب لاتفتكروها سهلة مرة فارحموا الشركات على الأقل وبعدين نصير المتحكمين فيها لأنها بتتسابق نحو 300 مليون عربي وشوفوا بعدها

أعتقد أن هذا سوف ينجح لكن:

الحل الأمثل أن تكون هناك ألعاب عربية نشتريها أصلية ونشجع المبرمجين العرب

أفضل من أن نشتري لعبة معربة أن نشتري لعبة عربية الأصل

انا انصح بالأصلي لكن من اللي يشترون كوبي بس صراحة الأصلي احسن على البلاي ستيشن 2 عندي رزدنت ايفل وميتل جير وفاينل فانتسي اصلي ومرتاح

والله كلامك عدل



لو اننا نشتري الاصلي بهبل أكيد بينزلوا العاب بالعربي

انا اتوقع حتى لو شرينا اصلي (وهذا افضل لنا )احتمال ضئيل انهم ينزلون بلغتنا لعده اسباب
1-صراع الغرب ضد العرب ( مع اننا مثلهم بس الفرق هو النقطه )
2-رغبتهم في تهجين ثقافتنا وهذا اللي قاعد يصير من فتره طويله واحنا نايمين
3- نظرتهم لنا كاننا متخلفين وارهابيين وهذ اللي يشاع في وسائل الاعلان الغربيه (احداث 11سبتمبر)
4- ماعندنا شي نفتخر فيه مثل تكنولوجيا
ووجهتي نظري وكلمتي الاولى والاخيره
(((((((((((((الحمدلله ان بيل جيتس فكر بالعالم كله ببرامجه وعطى لكل لغه حقها واحنا معاهم)))))))))))))
ولا انتم عندكم اعتراض
انا اتمنى ان يكون هناك مبرمجين مبدعين عرب وهذا اللي بيصير عاجلا ام اجلا وهذي حسنه بيل جيتس اللي سوى لنا برامج عربيه حتى لو كان قصده مادي برضوووو نشكره :D :p :p

بصراحه الواحد لازم يوقف دقيقه حداد على الى تكتبونه .
كيف تتوقعون انهم بعربون العابهم لكم والله تذكروني بالمثل الى يقول (انطر يا حمار لين ما ييك الربيع )
يعني معقوله انهم ما يعربون الا لان العرب يشترون كوبي !!!!
الاصلي صعب الحصول عليه وسعره خيالي

خذو واحد (الله يستر عليه ) مثال لكم :
كل ما ينزل شريط جديد ( يسمع عنه منكم )ينتظر لين ما ينزل في البلاد ويدق الموتر سلف ويخذ في الدرب تقريبا ساعه ونص عشان يحصل محل يبيع الشريط أذا حصله يكون الشريط اقل شي ب 200 درهم\ريال (يعني تقريبا 20 ريال عماني او دينار كويتي )وطبعا اذا كان جديد يكون 280

شوفو كيف الريال يتعب لين ما يشتري شريط وانا يالس في البيت مرتاح اذا سمعت ان في شريط يديد اتصل في محل يبيع الالعاب واسأله عنه
موجود اشتريته مو موجود انتظر لين ما ينوجد يعني بصراحه اذا سويتم مقارنه منو متهني ومرتاح ومنو يشقى ويتعب

والله اني لين الحين ما عندي شريط اصلي كل اشرطتي كوبي

وتعالو قولوا لي منو يسوي الاشرطه الكوبي نحن !!! طبعا لا هم الى يسونها وهم يشترونها (طبعا نحن نشتري معاهم )

ومنو قالكم ان عندهم مافي كوبي صح ان مخالف للقانون بس فيه كوبي واكثر واحسن من الى عندنا

وعيب عليكم ما تدرون ان اكثر من 50% من عرب تحت خط الفقر يعني عيب عليكم تبون الناس يشترون شريط ب200 درهم حرام عليكم

ملاحظة اخيره للعضو Spiky:
***** خمس نجوم لك ":" ":"

حنا عندنا بالسعوديه صار الكوبي ممنوع
وانتم عارفين ان السعوديين 25 مليون
ويوجد حوالي 10% من السعوديين عندهم ps2
وأكيد الالعاب القويه مثل رزدنت ايفل راح يضحوا الناس بفلوسهم ويشتروا اصلي وبذلك تاخذ الشركات الفلوس وما بتحول الالعاب عربي راح تحولها فرنسي او الماني او اسباني






خذوها من عندي :هم اعدائنا ما راح يسوون بلغتنا