أريد صالة حديد بشرق الرياض .. بنظام الزيارة
معلومات المتقدم بالاستفسار :
العمر : 23 , الجنس : ذكر
الطول :157 متر
الوزن : 51 كيلوجرام
و الاستفسار كالتالي :
السلام عليكم و رحمة الله و بركاته
أنا أروح زيارة للرياض كل شهر تقريبا ً و تختلف مدة الزيارات و ممكن تصل لحد 10 - 15 يوم
أنا أسكن في حي الرياض شرق الرياض بين مخرج 14 -15
و فيه كم صالة قريبة من بيتنا لكن كلهم بنظام الثلاث أشهر ما في زيارة مثل (وقت اللياقة - النادي اللياقي - بودي ماستر)
فحبيت استفسر منكم إذا فيه صالات قربية من مخرج 13 - 15 أو في الأحياء (الريان - الروابي - الربوة - السلام - الروضة) أو شوارع (الحسن بن علي - خالد بن الوليد (إنكاس)) و تكون بنظام الزيارة أو نصف شهر
و شكرا ً
رد: أريد صالة حديد بشرق الرياض .. بنظام الزيارة
ما أبي أجلس 10 أيام في الرياض بدون تمرين :bigeyes:
رد: أريد صالة حديد بشرق الرياض .. بنظام الزيارة
افضل حل لك ,, انك تشترك في بدي ماستر او وقت اللياقه ,,
عشان تقدر تدخله في مدينتك وفي الرياض ,,
وشف عندك نادي اد في مخرج 15 على شارع هارون الرشيد ,, يمكن يكون عنده زياره
رد: أريد صالة حديد بشرق الرياض .. بنظام الزيارة
مشكور أخوي Dr.H.A.E
المشكلة أني في الطائف .. و لا في وقت اللياقة و لا بودي ماستر
فيه قولد جيم بس حتى ما أدري وين موجود في الرياض
و الظاهر أنه في كل مدينة وكيل .. يعني فرع الطائف ما له دخل في فرع الرياض أو ممكن يعطيك 14 زيارة بس خارج منطقة مكة
و زيارات مفتوحة داخل منطقة مكة
قولد جيم له فرعين أو أكثر في جدة .. و بعض مرات أحد الفروع يرفض أنك تجيه و أنت مشترك في فرع ثاني لقولد جيم
و سلامتكم
رد: أريد صالة حديد بشرق الرياض .. بنظام الزيارة
بودي ماسترز فيه نظام الدخول اليومي بسعر رمزي
وسبق لي ودخلتها بــ 50 بس الفرع الذهبي
ممكن الفروع الثاني بــ 30 او 20
رد: أريد صالة حديد بشرق الرياض .. بنظام الزيارة
مشكور أخوي kook2211 على المعلومة الجديدة بالنسبة لي
رد: أريد صالة حديد بشرق الرياض .. بنظام الزيارة
طيب انت ممكن تشترك فترة طويلة في قولدز جيم وتتمرن بالطايف والرياض واي فرع لهم طبعا موقعهم بالرياض شارع التحلية جنب مطعم تشيلز
رد: أريد صالة حديد بشرق الرياض .. بنظام الزيارة
اخوووي [[^^الرعد^^]] حياك الله بمناسبه سؤالك فيه نادي علي طريق الامير بندر اسمه الرجل القوي عندهم نظام زيارات وانت خلفك الاستاد الدولي متجه لانكاس يجيك علي يمينك قبل ثانويه اجيال اليرموك ومدربين الحديد وحوووووش اتمني لك التوفيق
رد: أريد صالة حديد بشرق الرياض .. بنظام الزيارة
اقتباس:
المشاركة الأصلية كتبت بواسطة Azo0oz88
طيب انت ممكن تشترك فترة طويلة في قولدز جيم وتتمرن بالطايف والرياض واي فرع لهم طبعا موقعهم بالرياض شارع التحلية جنب مطعم تشيلز
مشكور أخوي عزوز على الرد
لكن لاحظ ردي رقم 4 وضحت مشكلة وكالات صالات قولدز جيم
وبرضو .. أنت عارف زحمة الرياض و ما عندي استعداد أصك مشوار يومي إلى التحلية
عشان كذا سألت عن شرق الرياض بالأخص
على العموم يعطيك ألف عافية
رد: أريد صالة حديد بشرق الرياض .. بنظام الزيارة
اقتباس:
المشاركة الأصلية كتبت بواسطة عبدالله الفيصل
اخوووي
[[^^الرعد^^]] حياك الله بمناسبه سؤالك فيه نادي علي طريق الامير بندر اسمه الرجل القوي عندهم نظام زيارات وانت خلفك الاستاد الدولي متجه لانكاس يجيك علي يمينك قبل ثانويه اجيال اليرموك ومدربين الحديد وحوووووش اتمني لك التوفيق
مشكور أخوي عبد الله على الإفادة