عدة مشكلات صحيّة واستشارة في الفيتامينات

معلومات المتقدم بالاستفسار :
العمر : 20 , الجنس : ذكر

الطول :170 متر
الوزن : 61 كيلوجرام

نسبة الدهون : 00

و الاستفسار كالتالي :
السلام عليكم،

اسمحولي أول شي أسوي ميكس أو كم موضوع فـ موضوع واحد عشان ما اتعبكم وأكثر مواضيع

----

المشكلة الأولى هي الركبة اليسرى عندي فيها ألم خفيييف لما أمشي ولما أهرول يزيد شوي بس مو مرة، أنا خايف إنها إصابة ياليت ادلوني كيف اعالجها وهل احذف يوم الأرجل لين ماتتعافى ركبتي اليسرى ولا عادي اتمرن ؟
عندي إحساس إنها من السير الكهربائي والله أعلم

المشكلة الثانية هي كتفي الأيمن يطقطق عندي أي حركة أقوم يطق اقعد يطق ارفع يدي يطق وش الحل ؟

المشكلة الثالثة هي إنّي تفلسفت شوي ورحت الصيدلية واشتريت عدة فيتامينات وانا الي أعرفه الفيتامينات مفيدة حتى زيادتها مفيدة بس الإفرااااط فيها مضر، مرة اخذت عدة فيتامينات مع بعض بعد الأكل
حسيت بغثيان مو طبيعي ودوخه قلت يمكن داخلني برد يمكني مصخن أكيد مو من الفيتامينات،
اليوم بعد الغداء اخذت فيتامينات مع بعض ومباشرة بعدها جاني الغثياااااان والدوخه وعرفت إنها من الفيتامينات والله يكرمكم زاد الغثيان وجريت للحمام وانتو بكرامة واستفرغت الله يعزكم

الفيتامينات الي اخذتها بعد الغداء :
حبتين Orange triad
حبة Zinc 100mg من GNC
حبتين خميرة البيرة من GNC

وعندي مجموعة فيتامينات وأنا سمعت إذا فيتامين اجتمع مع فيتامين يسبب ضر أو يقل امتصاصه وأنا أجهل بهذا الموضوع، الفيتامينات الي عندي

Orange Triad
Zinc 100
خميرة البيرة من GNC
علبة ثلاثة بواحد L-Arginine + L-Ornithine + L-Lysine من GNC
زيت سمك بلس من شركة سيفن سيز الأزرق وزيت السالمون من marnys
Vitamin C 1000mg الفوّار
Feroglobin b12 الي فيه الحديد والفوليك اكسيد وفيتامين ب 12 وفيتامين ب 6 وزينك وكوبر ( أنا قلت للصيدلي أبغى حديد صافي أعطاني هذا )
Osteocare الي هو كالسيوم 800 ومغنيسيوم 300 وزينك وفيتامين د3

الفيروقلوبين استخدمته مرة وحده بعد ما أمي قالت لي إنه لفقر الدم هذا،
والأرجنين أحيان مو دايماً اخذه على بطن فاضية قبل التمرين ومرة وحده اخذته بعد الوجبة الي قبل التمرين،

هل في غلط بالفيتامينات في واحد اطنشه اتركه لبعدين ما اخذه ولا كلهم كويسين ومكملين لبعض ؟
وممكن طريقة استخدام مناسبة لهم، وهل الي صارلي بعد اخذ الفيتامينات بسبب الفيتامينات ولا ممكن يكون من شي ثاني ؟

-------------------

الأسبوع هذا راح اشتري سيرياس ماس وكرياتين ومتردد أضيف عليهم الأمينو خصوصاً طريقة استخدام الأمينو هو 12 حبة باليوم ومع الفيتامينات هذي يصير كم حبة أبلع ؟؟؟ فهل تنصحوني اشتري الأمينو ولا لا ؟

أحس مكملاتي كثيـــــــرة مدري وأخاف تسبب لي ضرر أكثر من النفع

اولا : بخصوص الركبة 1. وقف تمارين الارجل وخفف من السير 2. روح دكتور اذا استمر الالم 3 ايام . . كمان الكتف . . . (في بالصيدلية بنادول جوينت كير) للمفاصل بيفيدك
ثانيا : بخصوص الصيدلية المحمولة بالبيت . . ركز على الفواكه والخضار و استغني عن كل هالفيتامينات . .
ثالثا : كورسك (سيريس - كرياتين - امينو ) ممتاز للضخامة . . كما ان السيريس يحتوي على كميه فيتامينات حلوة
العلبة الي عندك ثلاثة بواحد : خد منها الصباح وقبل التمرين مع الكرياتين

شكراً .. جزيلاً ..

السلام عليكم
بخصوص ألم الركبة و طقطقة الكتف فالأفضل زيارة الطبيب

و ممكن تشتري جاوكوسامين و زيت سمك القرش مفيدة جدا للمفاصل