عندي كرش وارداف كبيره ..نصائحكم وارشاداتكم لي

معلومات المتقدم بالاستفسار :
العمر : 18 , الجنس : ذكر

الطول :178 متر
الوزن : 88 كيلوجرام



و الاستفسار كالتالي :
سلام عليكم يا محترفيين والمبتدئين

معكم عبد العزيز من الإمارات

صرلى شهرين داخل صاله ومتبع حميه تخفيف والحمد لله للحين نازل وزن من 94 لين 88 بس أبي أخفض وزنى بعد وأعمل دورة تنشيف كامله .

عندى كرش وارداف كبيره

مع العلم عمري الحين 18 ونص

الشباب نصحوني أنى أخذ ليبو 6 العادى
وهذا طبعا ما يصح ألى أقل من 18

وبأخذ معاه واى بروتين جولد ستاندر
يقولون مفيد للتنشيف

بس أنا للحين ما اشتريتهم أبي رأيكم شباب اشتريهم ولا لا ؟

وهل يصح أنى أخذ ليبو 6 مع الوائ ؟

وإذا يصح شباب قوليلي شلون أخذهم حتى يكون عندى معلومه مفيده كم عدد الجرعات الوائ


وسؤال ثاني شباب إذا ما عليكم أمر

الحين إذا يبت الوائ 4 كيلو كم شهر بضل عندى ؟

وكم أسعارهم فى الإمارات الاثنيين مع بعض ؟

وإذا خلصت إليبو 6 العادى أقدر أخذ بعده على طول ليبو 6 x ولا أخذ فتره راحه

وبعد ما يخلص الوائ وش أخذ ؟

ومشكوريين وما قصرتو

عزوز

وعليكم السلام


حياك الله اخ عبد العزيز

بداية راجع قوانين القسم .. وتم تعديل العنوان
http://www.montada.com/showthread.php?t=687504
جميع حوارق الدهون ماتنفع لمن تحت ال21 وتزداد شدتها بحسب مكوناتها والتراكيز الموجوده فيها.
الخلاصه ..لاتستعمل الليبو


بالنسبه للواي
لامانع من استعماله ولكن يليت تنظم اكلك حاليا وتعرف شلون الحميات الي تنفع للاعب كمال الاجسام والي ينفعه والعكس........
لانه الدايت الصحي هو الاساس الاول في عملية انقاص الدهون

حاول تاخذلك لفه على المواضيع المميزه والمعنيه بالدايت .. واذا اشكل عليك امر اسأل وان شاالله اذا دخلت بالليل برد عليك
او ايا من الشباب المتواجدين

بس يا ريت تقولى ايش الاضرار اليبو 6 الى اقل من 21

وعدد الجرعات الى باخذها بلواى

ومشكور وما قصرت

يأثر على نظام الغده الدرقيه عندك بشكل كبير ..........., وهالامر له مضاعفات خصوصا في هالمراحل العمريه
ممكن البعض يستعمل وماواقع ايا من العوارض السلبيه ولكن بعض الاخوه عانا الامرّين فيها نتيجة استعمال الحوارق بدون ارشاد فنحن هنا نوجهك للشي الي ينفعك ان شاالله



بالنسبه للواي استعمله مرتين او ثلاث في اليوم
بعد الفطور بساعتين او قبله بساعه + بعد التمرين ..