أنا بنت وأبغي أضخم ....هل ممكن ؟ وكيف ؟

معلومات المتقدم بالاستفسار :
العمر : 28 , الجنس : انثى

الطول :158 متر
الوزن : 58 كيلوجرام

نسبة الدهون : 24 %

و الاستفسار كالتالي :
الســـلام عليكم

شباب لو تسمحون أبغي مساعده مهمه جدا بالنسبه لي ... انا كان وزني زايد وخفيت الحمدلله لـ 58 لكن احس بترهل ...ففي الجم نصحتني المدربه ان اسوي وياها body bump ثلاث مرات فالاسبوع حق البودي كله ...لكن اعتقد انكم اكثر خبره عنهااا

الحين من فتره وانا اسوي وياها بحدود شهرين ومالاحظت شي خاصة منظقه المؤخره ... ( طبعا الرجل غير عن المرأه فالاهتمام في بعض المناطق ) فبليز لو تسمحون ابغي اعرف بالنسبة للمؤخره ...انا اسوي السكوات وياها وغيره بوزن 6 ..وفي اجهزه بعد استخدمها .. واكل الاكلات الي فيها بروتينات لكن مب وايد واكلي تقريباا صحي .....لكني ماالاحظت لو اشوية ضخامه او شد بسيط

فلو ممكن
ابغي عرف كم رياضه ممكن اسويهاا للمنطقه؟ وشو الافضل ؟

شو الاوزان الي اقدر اشيلها؟وفالاجهزه ؟ ومتى ممكن ازيد؟

كم عدد الجلسات والتكررارات ؟

هل اقدر اخذ اي نوع من المكملات ؟ واذا اوكي ..شو هي ؟؟

وشو الاكلات الضروريه للحصول على الضخامه ؟



وشكرااا شباب ...

هلا اختي
انتي تقصدين تضخيم المؤخرة
يمكن تضخيم العضلة اللي فيها وافضل تمرين عن تجربة السكوات خاصة (الحر ) .... حاولي تنزلين للاخير اثناء التمرين وتزودين وزن وتلعبين 4 جلسات × 12 عدة اقل شي الى 20 عدة مرتين اسبوعيا لافضل النتائج
البروتينات ركزي على الاكل ماتقل عن 5 وجبات يوميا مو شرط كبيرة ممكن 2 صغار مثلا سلطة + علبة تونة أو ساندوتش ديك رومي بالجبن ،،، الخ
ممكن تستعملين الواي بروتين لو حبيتي
اذا تبين تنفخينها دهون فهذي بسيطة جدا بس جسمك كله راح يزيد مو بس المؤخرة
تمنياتي لك بجسم جميل وبالتوووفيق

وعليكم السلام
تمرين السكوات ممتاز وممكن تسوين مثله بس وانتي جالسة على الركبتين افضل شي لهالمنطقة
وممكن ايضا تسوين هالتمرين ايضا
ملف مرفق 347092 ملف مرفق 347093

وايضا رركل للخلف بالكيبل
ملف مرفق 347094
واعتقد ايضا تمرين الطعن له تاثير كبير على هالمنطقة


ممكن تجمعين هالتمارين بيوم واحد او يومين بالاسبوع
وان شاءالله بالتوفيق

مشكورين اخواني ماتقصروون

والي فهمته ان في واايد تمارين موجوده لكن المهم انها تكون بوزن ومن اهمها السكوات ... وان ممكن اختار 4 تمارين مع جهازين هم بس المتوفرين عندنا فالجم منهم الركل للخلف ... واسوي 4 جلسات × 12 عدة تقريبااا

و اخذ خمس وجبات تقريبااا فاليوم فيها البروتين ....وفكرت اخذ بروتين iso.100 dymatize لكن ماعرف كم مره فاليوم؟؟..الي اعرفه بعد التمرين مع الماي

لكن بالنسبه للوزن ...ماعرف ابدى بكم تقريبااااا .....؟؟

أنا بالعاده امشي يومياا تقريباا من 20 دقيقه لـ 30 دقيقه مابين المشي والجري ...فهل هالشي بيأثر ..بمعنى انه بيخرب ؟؟

ومشكووورين أخوي Azo0oz88 و أخوي بردان1 ماقصرتو

وبليزز الي عنده اضافه ...يفيدني فيهاا ويزاكم الله خير

هذي جميع تمارين المؤخره
http://www.bodybuilding.com/exercise.../muscle/glutes
مرتان بالاسبوع على ثلاث مجموعات 15-12-8 على اوزان متوسطه ثم الزياده كل بعد اسبوعين وبتلاحظي الفرق
بالتوفيق

ماقصرو الشباب الله يجزاهم خير
لا انصح تستخدمي اي مكمل
خلي المشي 30 دقيقة ممتاز كل يوم ومابيأثر
لاكن الصراحة افضل لك ولأي بنت رياضة السباحة والكارديو فقط
بتوفيق ..

السكوات لا تنزلين فيه للأخير لأنه يأثر على الركب بشكل سيئ،
التمرين الي حاطه اخوي بردان1 الأول ممتاز عن تجربة

شكـــــــــــــــــــــــرا للكـــــل ما قصـــــرتــــو

دمتم سالمين ^^

http://www.bodybuilding.com/exercise...kneeling-squat

نفس هذا تمرين السكوات الي كنت اقصده
وممتاز لهالمنطقة

اقتباس:

---

المشاركة الأصلية كتبت بواسطة متعطش

السكوات لا تنزلين فيه للأخير لأنه يأثر على الركب بشكل سيئ،
التمرين الي حاطه اخوي بردان1 الأول ممتاز عن تجربة

---

حسب تجربتي الشخصية العكس هو الصحيح .. النزلة الكاملة تخفف الضغط الواقع على الركب و نتايجها افضل

شكر ا..... اخويبردان1لانك وضحت الحركه بالصوره ..لاني مافهمتهاا وقعدت ادور عليهااااا....ماقصرت

وشكرا اخوي trenbolonaبجرب بالسكوات اني انزل كامل بشكل صحيح وان شاءالله مابيأثر

وان شاءالله ألقى نتيجه ...يسلمو للكل

هلا ومرحبا فيج أختي

انا بنت وعندي نفس تجربتج في إنقاص الوزن

وطبعا اللي فادني هو تمارين السكوات وتكرارت قليلة 4-6 تكرارات وطبعا أوزان ثقيلة.. ما بيتضخم جسمج بس بتصغر هذيك المنطقة وتنشد