تخسيس وحرق دهون

معلومات المتقدم بالاستفسار :
العمر : 23 , الجنس : ذكر

الطول :177 متر
الوزن : 89 كيلوجرام



و الاستفسار كالتالي :
مسآكم الله بالخيـر ^^..انا مشترك يديد فهالمنتدى الي ماله مثيل(مواضيعه المميزه واعضائه الطيبين) وانا ضيفكم من الامارات وحاب اتفاعل وياكم واتفيدوني.
انا حطيت هدف لي اني اخلي جسمي جسم فرنسي(عضل متوسط على تقسيم)...بس مشكلتي ويالنوادي اني ماحصلت لي يعطيني نصاايح صح. اشتركت فكم نادي شهر واطلع لاني ماشوف نتايج .فقررت اني اعتمد على الله ثم عليكم.
انا طولي 177 ووزني 89...ومشكلتي كلها فالكرش والارداف (اكثر مناطق متجمع فيها الشحم)
قالولي كارديو بيشلها سويت كارديو وماشي فايده ...فياريت تفيدوني بشو الغذاء والتمارين الي تشلهم فاسرع وقت وتقسم جسمي

والسموحه لو بتعبكم معاي شوي ^^

مساء النور
الامر بسيط اخوي اول شيئ الغذاء ابعد بشكل كامل عن الخبز والدهون والسكريات طول فترة الدايت ابعد عن هاذي الحاجات
خليك على بياض البيض لحم الدجاج والسمك المشوي والفواكه والسلطة وقسم وجباتك على 4 الى 5 وجبات فاليوم
تمارين الحديد خلي تمارينك اوزان خفيفة وكل جلسة 15 الى 20 مره عشان العضلة تتقسم وتروح الدهون حواليها
المشي 45 دقيقة الى ساعة يوميا + كارديو مرتين الى ثلاث مرات فالاسبوع او سباحة
والعب بطن يوم بعد يوم والوزن بينزل ان شاء الله
مـــوفق ..

تسلملي ياكابتن سامي وماتقصر...بس بالنسبه للمشي..وين افظل الركض لمده نص ساعه او لمسافه كيلو ونص كيلوين او المشي 40 دقيقه..؟ وشو افظل تمارين اطير الكرشه..؟

لاتركض بعدين بتخسر عضل
خليك مشي سريع وهرولة مرتين الى ثلاث مرات فالاسبوع 5 الى 10 دقائق فقط وتقدر تقسمهم
45 دقيقة بما يعادل 3 الى 4 كم حسب السرعة ممتازين
وتمارين البطن يوم بعد يوم بطن علوي وسفلي وفالمنتدى بتلاقي تمارين كثيرة للبطن
ومع اصرارك وعزيمتك كل الدهون بتروح ان شاء الله
مـــوفق ..

تسلم ياكابتن ^^بس اذا ممكن تشرحلي كيف بخسر عضل وانا ماتمرن عضل ولاشي..وجسمي دهون كله.. ^^

انا افتكرتك تلعب حديد من اول وتبغى تنشف
ان كان كده عادي تقدر تركض ويوميا ومافي اي مشكلة
ولما تتعب امشي مشي سريع ولا تنسى تمارين البطن
والله يوفقك فاللي تبيه

ماقصر معك اخوي samimo2006 يعطيه الف عافية

بالنسبة لرأيي
احب اذكرك بان هناك الف طريقه وطريقه للوصول الى الهدف المراد تحقيقه
الاهم هو الاستمرار وعدم الاستعجال على النتائج

وبما ان طولك مثلي كذلك طبيعة جسمك في زيادة الوزن:32:
انا عندي برنامج كامل من ناحية التغذية والتمرين تجده في التوقيع
اتمنى يفيدك ( مدته 6 اسابيع ):biggthump
كذلك حاول تشوف بعض التعديلات من خلال الردود
والله الموفق

تسلمون أخوآني x.mohdx و samimo2006 وماتقصرون ^^
x.mohdx انا بطآلع برنآمجك انشآء الله وبطبقه .
بس عندي استفسار عن المكملات...يقولون لها اثار والافضل اني اسوي كل شي طبيعي بدون حبوب ولاشي...انا قبل كنت بااخذ كلين بترول لانه اكثر عن مدرب نصحني فيها بس قريت عنها وعن اثاراها خفت قلت مابجرب شي...فياريت تفيدونا المكملات لي تعطينا نتايج حلوه بدون أثآر