الحمد لله على قضاءه وقدره جتني اصابه وانا في عز مستواي اريد المشوره !!

معلومات المتقدم بالاستفسار :
العمر : 22 , الجنس : ذكر

الطول :184 متر
الوزن : 93 كيلوجرام



و الاستفسار كالتالي :
السلام عليكم ورحمه الله وبركاته

الحمد لله على كل حال جتني اصابه في نصف مشواري لللتخسيس بحيث اني نقصت 7 كيلو في أسبوعين وكنت متحمس لإنقاص وزني اكثر لكن الإصابه جتني امس في القدم والحين امشي بعكزات يعني يبي لي اسبوعين راحه و جلسه في البيت
الدكتور قالي تقدر تحرك جسمك العلوي بس قدمك المصابه لاتجهدها !!

هدفي انقاص وزني الى 85 كيلو وبعدها ادخل حديد

السؤال هنا كيف اقدر احرق دهون بدون لاحرك رجلي خصوصا اني متحمس مره!!
هل الحديد بينفع لو تمرن كل يوم ويحرق ويشد الجسم ام لا !!
وهل استخدم البلاك 6 مع تمارين الحديد اذا كانت الإجابه نعم ؟
اتمنى الافاده وشكرا

تقدر تحرق دهون بدون حركة بانك تمنع الكارب في غذائك شبه نهائيا . . طبعا ابعد عن الدهون . . وزيد عدد الوجبات الى 5 وممكن تستخدم ملتي فيتامين
تمارين الحديد تحرق دهون لانها جهد مبذول وسعرات حرارية بتنحرق...
تقدر تستخدم ليبو مع تمارين الحديد ..
وسلامات وما تشوف شر

الف لا باس عليك

لعلها خيرة إن شاء الله

نصيحتي لك لا تستعجل في تنزيل وزنك وخليك على مهلك لأن النزول السريع يسبب ترهل ممكن تعاني منه لفترة طويله

يعني مثل ما الشخص اللي يبني جسمه يزيد وزنه حبه حبه انت نفس الشي نزل وزنك بالتدريج وركز على البرنامج الغذائي

أتمنى لك التوفيق

أغلب تمارين الحديد علوية صدر وظهر واكتاف وباي وتراي
لكن السؤال كيف تتنقل من تمرين لتمرين وأنت بعكاز؟
إذا تقدر توكل على الله والعب اوزان خفيفة وتكرارات عالية
إذا ماتقدر أتصور إن أسبوعين مب طويلة أبدا
وقدر الامكان ابتعد هالفترة عن الدهون والنشويات من خبز وأرز ومكرونة وباذن الله راح يبقى مستواك الطيب كما هو وبترجع متحمس ويرجع جسمك للنزول وتحقيق هدفك باذن الله
أسأل الله العظيم رب العرش العظيم أن يشفيك

اول شي حمدالله على سلامتك
تقدر تنزل وزنك بس عدل نظاامك الغذائي