جديد ومو عارف اخذ اي حارق او اي مكمل ( ارجو المساعده )

معلومات المتقدم بالاستفسار :
العمر : 26 , الجنس : ذكر

الطول :180 متر
الوزن : 81 كيلوجرام

نسبة الدهون : 23

و الاستفسار كالتالي :
السلام عليكم ورحمة الله وبركاته

ياشباب انا جديد في عالم كمال الاجسام ومالقيت احد يعطيني نصايح مضبوطه لان كل واحد يقولي كلام غير الثاني حسيت ان مافيه ترابط او تشابه بين كل نصيحه والثانيه وهذا خلاني احتار خصوصا ان مالي اي خبره

ندخل بالموضوع

انا جسمي حلو ماني متين ولاضعيف لكن عندي منطقة الخصر والكرش شوي فيهم شحوم متجمعه وايضا المنطقه الي فوق الكليتين فيهم شوي شحوم ومخربه منظر جسمي

الي ابيه ياشباب جسم مشدود بعضلات بسيطه مو شرط تكون بارزه كثير وابي احرق مناطق الخصر والكرش

قالو استخدم ليبو 6 بس سالت بالنت قالو ان مضاره كبيره مثل صداع ورجفه باليدين واشياء تخوف وابي بروتين نصحوني بواي بروتين او ايزو 100 طبعا لاني مابي دهون قالو الايزو زيرو فات وقالو لي امينو 2222 بس طلع فيه مشتقات خنزير

ابي ياوحوش لو تكرمتو تعطوني كورس مكملات وحارق دهون يكون امن مو شرط يكون قوي جدا عادي يكون وسط بس امن ومكملات ماتكون فيها مشتقات خنزير وتعلموني كيفية الاستخدام

واحد نصحني بـ D4 extreme هل هو امن وينفعني ؟ وفيه مشتقات خنيزير ؟

وهل العب معده وخواصر طوال الاسبوع لين اشيل الدهون وبعدين اكمل جدول ؟ والا اضيف تمارين المعده والخواصر مع الجدول كل يوم؟؟

واسف عالاطاله والطلبات الكثيره بس لاني جديد ومو عارف شسوي ياليت تتحملون طلباتي

بما انك مبتدأ أبعد عن الحوارق شهر الي شهرين او الي ان تحس ان لياقتك تحسنت وانظبطك صار حلو ،،
ابدأ بالتمرينات الهوائيه سخن 10 دقائق وتمرن تمرينك في الحديد ثم ريح 15 د أو بعدها على طول انا احب اريح بعض الاحيان بعدين 20د تمرينات هوائيه ،،

تغذيتك خلها موزونه من ناحية الكاربوهيدرات والبروتين ،،
كل الكربوهيدرات المعقده في اي وقت من اليوم مبدئيا ،، مثل الشوفان والبطاطا الحلوه و الأرز البني و المكرونه من حبوب القمح الحامله والخبز البر ...
وجباتك خليها بتباعد 2.5 - 3 ساعات
وبعدين فكر بالحوارق وراح تشوف نتيجه حلوه ،،
بالنسبه لي ما جربت الا انمال كت فما اقدر انصحك عن تجربه لكن كتجارب الأعضاء يفضل أستخدام الاوكسي أليت علبتين لمدة 8 أسابيع ،،

جزاك الله خير على التعاونانا بتبع نصيحتك وماراح اخذ شي الا بعد شهرين بس انت تقول العب كارديو 10 د قبل التمرين انا دايمن العب كارديو 30 دقيقه قبل التمرين و15 دقيقه بعد التمرين هل هذا صحيح والا لا ؟ الكارديو ينفعني اكثر قبل التمرين والا بعد التمرين ؟؟ يعني ازيد مدة الكارديو قبل او بعد ؟ اظن اني باخذ ايزو 100 هل ينفع اخذه بروحه والا لازم معاه مكملات اخرى ؟

انا قلتلك 10 قبل التمرين عشان ما اثقل عليك وتكون تحميه أما بعد التمرين عشان تستهدف الدهون المتواجده في الجسم ،،

ان كنت تقدر تلعب فترة ما قبل التمرين كورديو لكن بشرط ان تكون مفصوله عن وقت التمرين ما عندك مشاكل ،، والهدف هو انك تقدر تلعب صح داخل الصاله لان لو لعبت 30 دقيقه قبل التمرين بالضبط راح تتعب ويمكن ما تواصل ،،

ما عندك مشاكل خذ ملتي وزيت سمك كل منهم حبه مع الفطور وحبه مع العشاء ،،

صح مثل ماقلت لما العب كارديو 30 د اتعب ولاحظت مرات ما اقدر اكمل بعض التمارين جزاك الله كل خير اخوي

يلا شد حيلك يا وحش ،،

بالتوفيق ،،