Goodbye World of Warcraft

hi

My story really


out of the game wow

Select the right way

http://www.youtube.com/watch?v=ZgSLVZ9QkDM


my aladwane

كلمات لا باس فيها ووضعت الأسباب...بس ليش حاط كل شخصية رسالة عند المسح.؟

سـبحاان الله , نـفسي قررت اوقف اليوم .. لــكن لين متى ما تعرف Wow وخفاياااهااا ! بس ناوي اوقف فترره طويله

اولا اختيار صائب صراحه والله يوفقك في حياتك العمليه والدينيه والدنيويه والعلميه ^^

وثانيا ترا الكركترات ما انمسحت لانه عندك قير تلفيل في كل شخصيه :)

انا تركت اللعبة من 6 شهور وتقريبا ما ادخل إلا المنتدى إلّا للتسلية والنقاش
الشخص لما يتزوج محتاج 4 ساعات على الأقل في اليوم حتى يوفي اللعبة حقها ويحس بالمتعة وطبعا صعب جدا توفق بين حياتك الزوجية والعملية والدينية والاجتماعية
حتى في الويكند صعب تترك حياتك وتجابل اللعبة وزوجتك جنبك ترميك بصحون وجهاز الريموت كنترول :smashfreakB:
الشخص العزابي عنده وقت لنفسه ولكن عند الزواج نصيحة انسى واو وخلك في حياتك الزوجية لان ما يسوى تخسرها لاجل لعبة

انت اخترت اللي تشوفه من مصلحتم والله يوفقك وان شاء الله ما رح تندم على الاختيار لانه في صالحك وان شاء الله تستغل وقتك في شيء مفيد

اعرف واحد يلعب ووركرافت وعنده بوت يشغله اذا طلع للدوانيه او راح مكان بحيث ان ياخذ فتره طويله مايلعب , يعني مايبي الوقت يضيع عليه على الفاضي

بالنهايه من كثر ما كان يجابل و زوجته استسلمت للأمر الواقع وقالت زوجتي مستحيل يترك اللعب

المهم علمها شلون تشغل البوت وتحطه في اماكن معينه اهو يفرم فيها على ماينقق او غيره , يعني عطاها الاماكن اللي بوقت الفراغ يشغل البوت فيها , واهو تعلمت والحين كل ماطلع او راح مخيم او مشوار زوجته تجابل البوت وتشوف اذا فصل او حصل للعبه ديسكونيكت اهي تشبك وتشغل البوت

انا الحين ولله الحمد تركت لعبه ووركرافت ولا افكر ارجع لها , حتى هذي اللحظه ماافكر ارجع ولا فيها شي يخليني افكر ادخلها

الحين ستار وورز وقاعد الفل شخصيه , طلعت ابرك من ووركرافت , والحمدلله اني تشجعت و غامرت وشريت ستار وورز ولو اني ماكنت مقتنع فيها ولكن قلت بجرب الخساره بالعمر

والحمدلله طلعت ممتعه وحلوه ومافيها قهر او رفعه ضغط

يعني الى الان ما بجيت او قطعت شعر راسي او قعدت الطم او اضرب راسي بالكيبورد

هذي تحصل في ووركرافت لما كنت مجنون والعبها لكن ستار وورز ماصارت الى الان , لعبت باتل جراند وعشان بجرب بس الوضع والنظام

والباتل جراند يعني اهو اكثر مكان تبجي فيه وتلطم وتزعل , لكن لما لعبت استانست , حتى وانا اموت او يذبحوني اللي ضدنا كنت اموت وانا مرتاح والوضع طبيعي

ماكو من طاقتك 150 الف الى 0 بدون ماتسوي ولا شي ولا يستفيدون منك ربعك اللي يجون بعدك ويشوفون 3 عليك وانت طول الهوشه دايخ و بطيئ و مكسرين سيوفك

انا قايل للشباب الأكاونت حق واو بخلية ورث.... دفعت فوق 10000 ريال على اللعبه راتبين....... ووصلت مرحلة إني إطلع المسجد وأنا مسجل أونلاين في السيرفر Locked وأبوي إلي سميته التانك أقول للشباب بالفينت التانك جاء برب ...... سوى لي تارقت..... الشارج جاي..... برب صلاة...... العزائم مأطلع لأن الرايد كان يوم الأربعاء والخميس والجمعه مع جيلد عربي وأجنبي............ كنت مدمن رايدات لدرجه إني ذبحت ليش كينج ب9 كلاسات .... وكان الشباب لما يفتحون ال List يلقوني في ICC وإذا لقيت نفسي saved شبكت إي أكاونت من الشباب وعلى الريد.... الريدات تخلص 1:30 ... أروح الدوام شبه صاحي... أبوي مرة من المرات قالي ما تنحذف.. الشباب يعزموني أقعد أسرفهم شوي مأقدر ( راييييييييد )... كانت الريدات أهم شي عندي من أي شي والماين أغلى شي عندي من كثر الإدمان ولا ارضى عليه شي ولو يصير عليه نينجا أسوي حاله إستنفار.

أجلس على الكرسي من بعد صلاه العشاء لين 1:30 في الأيام العادية قابله للزيادة في الويك أند مأتحرك إلا لشي واحد WC .

في مرة من المرات كان يوم خميس وصاحي من الصبح علشان أودع بالفيزا مبلغ ... علشان الشباب يبوني أحول الشامان ألملقب أبو شنب إلى هورد..... الدموع كانت بتنزل 3 سنوات معاه وهو يبرم الشنب لما يكون واقف وبعدها بحوله.. ويوم حولته مالعبت فيه مثل الأول طابت النفس ... سويت 20 عمليه تغير ريس و 15 نقل سيرفر عليها.

من كثر الإدمان عليه زاد وزني من لعبه واو فوق ال40 كيلو مأتحرك العشاء والغداء على الطاولة Spam واو أهلي يتضايقون ماقد أجتمعت معاهم على الأكل.......... واللإجازة 3 كراتين عصير وكيك وبرنجلز وكلها لواو لإن إجازتي تصدف جيت باتش رايد جديد. وأتضايق إذا النت تعبان ولا مالحقت على الريد وأروح الدوام وبالي مشغول على الي سوى لي نينجا في اليوم إلي قبلة..... وصلت مرحلة أني أحمل الفديو حق الريدات على ال Ipad وأخذ نسخه معاي علشان أشوف التكتك وأنا أشتغل ............. ربعي يجون يلقون شخصياتهم Full EPic وملفل المهنة . طق عندي السكر والضغط. وخصوصاً لما يعدي الأسبوع والمين حقي ما صار Saved في الرادي الفلاني والفلاني.
الحين مع ستار وارز مرتاح نفسياً وعاطفيا متى مابغيت أشبك شبكت. وصرت أنام قبل 12 .

10 محاولات علشان أقطع اللعبه وباتت بالفشل ولما جتني الأزمة إلي ذكرتها في القهوة طلعت منها ولا عاد أتذكرها.....


أنت سويت القرار الصحيح وإنشاء الله ال GM حقنا في ستاروارز ولد بطنها يخفف علينا شوي في اوقات الريدات

جيرمي

انا اعبر منك

شفت الكلام اللي قلته كله صار فيني و زياده بعد لكن ما زاد وزني 40 كيلو

انا لعبت ووركرافت مثل مالعبت ستار وورز , يعني من اول مانزلت وانا فيها الى اليوم اللي قررت فيه اني اطلق ووركرافت واللي كان قبل 3 ايام يمكن

انا من بدأت باللعبه كان قوانين اللعبه مو نفس الحين , يعني اذا تبي لقب بالباتل جراند لازم تلعب 24 ساعه , واذا قطعت لعب ينزل الريت مالك

ماني متذكر بالضبط لأن مخي متبرمج على اخر باتش وقوانينه لكن ايام قبل كان لابد للشخص ان يحلب الباتل جراند ليل نهار , واذكر اني الاينس وكان عندي لقب فيلد مارشال

انا لعبت ووركرافت من اول الناس وقتها وكنت متحمس وكانوا معاي شله اعرفهم خارج اللعبه

انا بختصر الكلام عشان بروح العب ستار وورز

المهم اللي معاي كلهم اتركوا اللعبه من ايام لفل 70 , اللي تزوج واللي زهق واللي صارت ظروف

قلت ياجماعه في احد بالدنيا يترك ووركرافت ؟ ارجعوا خلونا نلعب مع بعض

اللي يعطيني عيوب باللعبه واللي يقولي ماكو وقت واللي صارت مشاكل مع اهله او زوجته

انا كنت وقتها متزوج ولكن زوجتي ساكته ولا كلمتني دام اني مرتاح ومستانس , اما في غيري صارت له مشاكل

المهم لعبت بدايه الامر لدرجه اني انام على الكيبورد , اكل واشرب عالجهاز

كل سنه كنت اروح تايلند واقعد 3 شهور بالكثير او شهر اقل شي , دائما مايكون اللابتوب معاي و العب حتى وانا هناك , اقعد باللوبي اطلب قهوه و فواكه موسميه وهالسوالف واقعد العب من 10 بالليل الى مرات 9 الصبح

ليش مسافر ماادري

اما هني مطنش الدنيا كلها , واحد يتزوج ماادري عنه , واحد عنده حاله وفاة ولا ادري عنه

انقطعت عن العالم الخارجي , ربعي يدقون علي تكفى انت حي او ميت ؟ وينك انقطعت ؟ اقولهم اللعبه , يقولون ياولد افتك منها وتعال خلنا نشوفك

اقول اوكي راح اجيكم , واكمل لعب وانساهم ولا اتذكر الا الساعه 4 الفجر ان دق علي

ادمنت على شي اكتشفت بالنهايه ان مايسوى

انا شخص احب المتعه واقضي وقتي وانا العب لأني من وانا صغير العب ومازال الحب هذا معاي الى اليوم

بصراحه وقتها اللعبه كان جميل وماانكر اني استمتع ولكن نهايه لفل 70 وقبل الباتش لفل 85 كل ربعي اتركوا اللعبه والمفروض انا اتركها معاهم

لأن ايام لفل 70 كنا معرفه بكل الرايدات وباتل جراند تسليه ندخل قروبات , الله يذكره بالخير مااعرفه لكن شبك معانا واحد تاورن اسمه shoorty وصار معانا وكنت امشي خلفه وانا شامان رستو واهيله واهو يمشي ويذبح

ماكانت بقلوبنا غل او حسد , كنا مستمتعين بالطول وبالعرض واي واحد يقول انا كويتي او سعودي او اي بلد عربي نرحب فيه ونخليه الاول بكل شي لدرجه انه يحس ان اهو الزعيم

كنا ماخذينا متعه لا اكثر , عكس الجيل هذا اللي تقول اللعبه فاشله يقوم يتهاوش معاك

هذا كله في لفل 70 ايام العز , لفل 60 و 80 و 85 ماتقارنهم في لفل 70 ابدا

الحين في لعبه ووركرافت اجابلها 24 ساعه و 7 ايام بالاسبوع بس ابحث عن المتعه ولا احصلها , ابي اروح رايد لأني وحيد باللعبه ماعندي احد اعرفه ولكن مااقدر لازم اشيفمنت عندي او جير قوي

زين ياجماعه ماعندي لا اشيفمنت ولا جير و ابي ادخل عشان احصل اشيفمنت وجير , انا داخل لعبه مو فرقه عسكريه مخصصينها لحمايه زعيم او ملك , لعبه لا راحت ولا جت بعد ليش مو قادر اروح والعب معاك بالرايد

ماكو جواب , ويكتفون بطنيشك ولا يردون عليك , متى ما اخذت اشيفمنت تعال

قزرت عمري بالبوت , صار عندي ملايين الجولد لدرجه اني ماادري شسوي فيهم , اخر ايامي صرت امشي واوزع الجولد كله على الناس

بحثت عن المتعه فيها ولا حصلته , مااقول انها مو ممتعه ولكن متعتها انتهت ايام لفل 70 , لما بدأ شي اسمه ااشيفمنت ولما الناس اتركت اللعبه واللي اعرفهم شخصيا ماعندهم هالسوالف

انا جيلد ماستر احط على كيفي واشيل على كيفي , واحد طايح معاكم بالجيلد من 10 سنين محد عطاه وجه ليش ؟ لأن ماعنده معرفه

الكلام يطول عنها , ولكن الحمدلله اني تجرأت وشريت ستار وورز

ووركرافت حطوا LFR عشان يمسكون الناس او ما تبقى منهم , ولا دون فايده , كل يوم يزيدون اللي يتركون اللعبه

انا شخصيا استانست لما حطوا الشي هذا وصرت ادخل ب13 شخصيه كل اسبوع لغايه ما اذبح ديث ونق واخذ اللي احتاجه

لكن مو كل الشخصيات اخذت حقي فيهم . مرات ادخل من اول بوس الى الاخير مااحصل شي واضطر اني انتظر اسبوع ثاني عشان اشوف حظي

ستار وورز الجير بكل مكان , ادخل دنجن او باتل جراند وجمع نقاط واشتر الجير كله ماكو هذا بي في بي و هذا بي في اي , يمكن في ماادري بس الجير اللي اشوفه مافي ريسايلنس , كل اللي اشوفهم قطع فرديه الا واحد شفت الجير ماله طلع لابس قطعتين من 5 وماادري من وين ياخذه

ووركرافت فاكشن ضد فاكشن و اثنينهم ضد بوسات , ماادري شلون القصه صايره

الالعاب الثانيه اما فاكشنين واثنينهم ضد بعض او كلهم مع بعض ضد بوسات

نصيحه للشباب ب26 دينار او بالكثير 30 دينار , لعبه مع 90 يوم لعب , جربوها وشوفوا الفرق

يمكن بالبدايه ماتعجبكم وهذا نفس اللي يحصل مع بعض الناس اللي اول ما لعبوا ووركرافت مااعجبتهم وانا واحد منهم , ولكن بعيد تدمن عليها

ستار وورز راح تتعقد فيها شوي لأنك متعود على ووركرافت و اتاك باول و اجيلتي و ستامينا والاسماء هذي , لكن في ستار وورز مختلفه وانا للأمانه مااعرفهم ولكن انت ادخل على شخصيتك وشوف كل شي شنو يعطي

نصيحه العبوا ستار وورز وشوفوا بعد ماتوصل لفل 10 وتاخذ فكره عنها وشوي تتعود عليها , بعدين احكم وقول اهي او ووركرافت

المشكله فيــكم انتو مو باللعبه

شنو الدرامه الي مسوينها بالموضوع


انا اللعب ساعه باليوم او ساعتين متى ماحسيت اني فاضي دشيت لعبت شوية بي في بي شوية دينجنات حصلت رايد رحت طيحت بوس بوسين

ارينا ويه شباب القلد ناقص واحد رحت معاهم خذها وناسه وضحك كلها لعبه الشباب ماخذينها جد الظاهر لوول

.. والحمدلله اشوف اهلي وشوف ربعي وطلع وروح وجي !


الادمان هذا يسمونه ( مرض )

والحمدلله افتكيتو منه

انا معاك h0rde

السبب يكون بالشخص نفسه يبي يمتلك كل شيء باللعبة فتلقى عنده 10 شخصيات 85 بأكثر من سيرفر

وكلهم يلعب فيهم PvP و PvE وطبعاً يبي يجمع قير لكل Spec

مادري وين بيلقى وقت حق أهله او للوناسة إذا اهو أصلاً خلّى اللعبة جزء من حياته او حياته كلها مو للوناسة والترفيه.

أنا عن نفسي قبل عندي شخصيتين Priest و Warrior وكنت بصعوبة ألقى وقت خارج واو لأن لازم أجمع كل شيء يتعلق بالشخصيتين

فكانت المشكلة أصلاً فيني أنا، فالحل اني سويت Quit wow لفترة وبعت أكاونتي.

وبعدين شفت أغلب الربع رجعوا لها قلت يلا معاهم، والحين أكاونتي كامل مافيه إلا شخصيتين، Mage 85 ، و Alt level 1

ماعندي إلا 2 Gears
PvP - PvE
ومريّح نفسي، والبوت الله يخليه مو مقصر بالقولد .. غيرت المهن وصرت أطلع باليوم 10k وان شاء الله اليوم بحط الجمات كلها Epic
المهم ماعلينآ، الزبدة المشكلة في الشخص نفسه مو في اللعبة.

اذا ما تقدر توازن بين شخصياتك بيعهم وخل عندك شخصية رئيسية.