ابي مشاركتكم وخبرتكم معاي , مكملات وجدول للتمارين

معلومات المتقدم بالاستفسار :
العمر : 25 , الجنس : ذكر

الطول :170 متر
الوزن : 78 كيلوجرام

نسبة الدهون : 26%

و الاستفسار كالتالي :
السلام عليكم ورحمة الله وبركاته

انا سجلت بنادي حديد صارلي 12 يوم بالضبط

جدولي اتمرن 6 ايام بالاسبوع ويوم الجمعه اوف

جدول التمارين \

1- صدر وباي
2- بيطان وتراي
3- اكتاف ومثلثات
4- رجول ومعده
وهكذا ....

السواعد العبها يوم والمعده يوم يعني دور دور

وبالنسبه للمكملات

whey protein standrard optimum
russian bear 5000 zero fat
xtend
jack3d راح ادخله بعد يومين

شنو رايكم وتعليقاتكم؟ وشنو تنصحوني بالاستخدام للمكملات او التغيير للجدول ؟!

للعلم انا قلت جدولي بخليه اول شهر اوف واحد وثاني شهر بخلي ايام الراحه يومين احسن

وهدفي هو ضخامه وعضل صافي كثر ما اقدر

الواي بروتين اخذه قبل النادي تقريبا بساعه

الاكستند اخذه اثناء التمرين

الدب الروسي بعد التمرين مباشره

في انتظار ردودكم :)

وعليكم السلام و رحمة الله وبركاته
هلابك بيننا
اانصحك بتأجيل استخدام المكملات إلى بعد 3 شهور ..للاستفاده منها اركنها على جنب وبعد 3 شهور ارجعلها
الواضح انه نسبة الدهون عندك عااااليه .. فأنا انصحك اول ما تدخل الصالة هرول على السير 20 دقيقه
وبعدين ادخل تمرينك للعضله المستهدفه.. بعدها العب بطن يوميا ..لانه الواضح انه فيها دهون.
وجدولك ممتاز..وخلي السواعد مع التراي مبدئيا.. العب 4 ايام ويوم راحه
ونظف اكلك ..خلي الاكل شبه خالي من الدهون..
موفق

وعليكم السلام ورحمه الله وبركاته

اخوي خانق العبره ماقصر بالرد

مثل ماقال لاتستخدم المكملات احين والتزم فأكلك ممكن بعد شهرين او 3 تبدأ بالمكملات

بالنسبه للجدول 6 ايام اتوقع كثير

هذا جدول اذا حبيت تمشي عليه

السبت:صدر 5 تمارين وبطن وهروله 20 دقيقه
الاحد:ظهر وسواعد وهروله 20 او ممكن الدراجه الثابته
الاثنين:اكتاف ومثلثات وبطن
الثلاثاء: ارجل وبطات وهروله 20 دقيقه

الخميس والجمعه راحه
الاربعاء :باي وتراي وسواعد وبطن

التزم فأكلك وانتبه للدهون والكارب وهالاشياء

خلي وجباتك من 5 ل6 وجبات باليوم 3 رئيسيات و3 فرعيات

وموفق اخوي

حياكم الله اخواني

ماقصرتوا على الردود , ووجهات نظر احترمها

ولكن مع احترامي لكم مستحيل العب حديد انا بدون بروتين وامينو , ومدة ثلاث شهور جدا جدا كبيرة بالنسبه لي :) وانا اتمنى اني استمر بالنادي هالمده هذه للعلم صارلي اسبوعين حاليا

والحمدلله انا كل يوم اجري تقريبا من ربع ساعه الى 20 دقيقه واكلي شبه دايت يعني اموقف خرابيط وحلويات ودهون وسكر وملح

والحمدلله نقصت 2 كيلو ونص اول عشر ايام وهذا انجاز

بس ما افدتوني بالنسبه لاستخدام المكملات

وابشركم شريت jack3d وانشالله اليوم راح استخدمع

على راحتك اخوي الفاضل وان شاء الله تستفيد من المكملات


whey protein standrard optimum

ممكن تاخذه الصبح قبل الريوق مع حليب قليل الدسم +بعد التمرين مباشرة مع ماء+قبل النوم بنص ساعه مع حليب قليل الدسم

russian bear 5000 zero fat

مدري شو اقولك عن الدب الروسي لكنه زيرو الفات والواي بروتين نفس الشي اشوف ماله داعي ان شاء الله الاعضاء يفيدوك
xtend

اقرى ردود الموضوع
http://www.montada.com/showthread.php?t=723290&page=1
jack3d

مش متأكد ااذا يتعارض استخدامه مع الاكستند لكنه بستخدم قبل التمرين ب20 الى25 دقيقه وصراحه باور ممتاز وتحمل عن تجربه شخصيه


السموحه على القصور واي استفسار لاتتردد

طيب اخوي انت وش هدفك بالضبط يعني تنزل نسبت الدهون او تبني عضل ؟
انا انصحك تنزل نسبت الدهون اول وهي عن طريق نضام غذائي خاص تراقب فيه نسبت الكربوهيدرات والاملاح والدهون
وممكن تستخدم معاه بروتين بعد التمرين مباشره وممكن تستخدم حوارق دهون لو حبيت بس الجاك 3دي والاكس تيند تبدا فيهم لما تقل نسبت الدهون يعني لما تخش نضام تضخيم.
تحياتي

اخوي الكلباني مشكور وماقصرت كفيت ووفيت

وانشالله مافي تعارض بين الاكستند والجاك3د لناه الاكستند ريكوفري احتاجه اثناء التمرين وبالنسبه للجاك3د فقط للباور واخذه قبل التمرين بنص ساعه


اخوي احمد :

انت تعرف الرجيم صعب ومابي اضيع شهرين على هالسالفه , قلت بدخل كمال اجسام ابي عضل صافي وبنفس الوقت راح ارتب اكلي بحيث ما اكثر دهون وسكر وملح وهالامور هذي والحمدلله عضلي قاعد يكبر والدهون قاعده تنقص ووزني طاح

هدفي انا عضل صافي واتخلص باكبر قدر من الدهون

والحمدلله قاعد امشي يوميا 20 دقيقه

والعب معده يوم وترك

العفو وربي يوفقك وتوصل لمبتغاك