مبتدىء في اللعبه بجسم جيد ابي تضيفون لي مكملين على مكملاتي !!

معلومات المتقدم بالاستفسار :
العمر : 22 , الجنس : ذكر

الطول :185 متر
الوزن : 94 كيلوجرام

نسبة الدهون : لا

و الاستفسار كالتالي :
السلام عليكم ورحمه الله وبركاته

صحيح اني مبتدىء في لعبه كمال الأجسام بس جسمي جيدا جداً والي يشوفني من اول مره يحس ان لي فتره اللعب حديد مشاء الله تبارك الله وشيء هذا خلاني متحمس جدا جدا جدا للعبه وحبيتها من كل قلبي لذالك عندي كذا استفسار واتمنى احصل إجابات كافيه

الهدف >> ضخامه عضآآآليه صافيه ومايهم كم يصير وزني اذا الزياده عضل استخدم حالياً منتجين امينو 4800 ومنتج واي بروتين جديد توه نازل في الاسواق سؤالي ايش الأشياء الي ناقصه اضيفها للمكملات ابغى افضل فيتامين مجرب وتنصحوون فيه وايش اضيف للمكملات شيء يكون اساسي وحتاجه !!

س2/ بنسبه للضخامه كم التكرارت الي اسويها وكم جوله ؟
س3/ هل شرب علبه حليب يومياً مفيده طبعاً حليب قليل دسم ؟
س4/ بعد التمرين وقبل شرب البروتين اكل 7 حبات تمر سكري هل هو افظل ام زبيب ؟
وشكراً لكم

مع ان وزنك زايد حبتين

لكن اذا كنت توك بديت فما تحتاج المكملات حاليا
نصيحتي تبدا بإستخدام المكملات بعد 3 شهور

لكن اذا كنت مصمم فالمكملات اللي معك تكفي
ولا تنسى ترا التغذيه قبل المكملات

السؤال الثاني
يطول شرحه وراح تلقى مواضيع كثيره في المنتدى تتكلم عن طريقة التمرين والتكرارات الكباتن يعطيهم العافيه ما قصرو
مبدئيا 3 الى 4 تمارين للعضلات الصغيره 3 جلسات والتكرارات 12-10-8
و 5 الى 6 تمارين للعضلات الكبيره 3 جلسات والتكرارات 12-10-8


السؤال الثالث
طبعا الحليب مصدر مهم للبروتين وباقي الفيتامينات اللي تحتاجها
لكن الأهم انك توزعه على مدار اليوم

السؤال الرابع
التمر انصح فيه قبل التمرين
اما بعد التمرين انا انصح وبشده بالعسل لإحتوائه على سكر الجلوكوز وتعويض احتياجك من الطاقه بشكل سريع
وبعده خذ الواي بروتين