ما بعد التنشيف .. مشورتكم يآ جمـآعة !

معلومات المتقدم بالاستفسار :
العمر : 22 , الجنس : ذكر

الطول :166 متر
الوزن : 67 كيلوجرام

نسبة الدهون : 16

و الاستفسار كالتالي :
السسلام عليكم ورحمة الله وبركاته } . . @

من بعد موضوع التنشيف ونزلت وزني لـ 67
طبعا كانت أول تجربة حقي للتنشيف واعتقد انها فاشلة
لانه اللي يجوفني الحين يقولي مضعف شكلك خلصت الكورس وودرت
اي كورس اي خرابيط كنت مسوي تنشيف على اساس ابين عضلة البطن السفلية أكثر
واخلي البطن بدون ما اشده ( بارزة العضلات ) ..
المهم الحين ياني حماس ( من كثر ما الشباب يقولون جسمك فش )


المهم ابغغي ارفع وزني ل 70 عالـأقل بدون دهون !
ابي عضل صافي ..

ومتبع هالجدول الغذائي خلال اسبوعين ( جفت تغير في الجسم )
ولكن الوزن شبه ثابت ( يصعد في الغرام وليس الكيلو ) ..


7 الصبح - وي بروتين مع موزة مع حليب قليل الدسم ( مخلوط بالخلاط )

10 الصبح - تـونه بدون خبز أو 5 بيضات ( 4 بياض وواحدة كاملة )

2 ونص ( نص دياية مشوية أو عالفحم ) ساعات اخربها مع خبز مع سلطة وثوم وبرتقالة

5 ونص م - وي بروتين مع موزه مع ماي ( بالخلاط ) ..

8 ونص م - وي بروتين مع موزه مع ماي ( بالخلاط ) ..


10 ونص م ( نص ديايـة عالفحم ) بدون خبز مع سلطة



الجدول يعتمد كله على البروتين ..
بس وجبة الغدا ( اللي قبل التمرين ) تكون فيها شوية كارب !
مع ذلك البور يكون عندي ممتاز واستطيع اني اشيل اوزان ..
لكن المشكلة في الوزن ما يرضى يصعد ( مع التأكيد ) انه يوم الجمعه يكون يوم مفتوح عندي
اخربها بالعيش والسكريآت لووول ..


وصادفتني مشكلة ثآنيـة ( والحل يمكن مع الجلوتامين )
لاني كل يوم انش الصبح العضلة اللي مرنتهآ تكون شاده ( لدرجة اذا متمرن صدر ) ما روم ارفع ايدي لفوق
واذا ريل ( يومين ماقدر امشي شرات الناس ) وهكذآ ..


بالمتخصر المفيد ..

كيف أخلي جسمي يتعافى سريع ؟
كيف أزيد وزني عضل صافي ؟
ما رأيكم بالجدول الغذائي ؟

غريبه ولا رد !

هلا فيك اخوي طبعاً فالبداية احب اوضح لك ان زيادة عضل صافي بدون دهون هاذي مستحيلة نهائياً ..

وبالنسبة لعدم زيادة وزنك واضحه اخوي

انت تاكل وجبتين فاليوم بس والباقي واي بروتين وهذا اكبر غلط لانك بتأثر على الكبد في امتصاص البروتين المهضوب
بكثرة استخدامك له

انا انصح تاخذ الواي فقط بعد التدريب والباقي تنظم لك جدول غذائي متكامل من بروتين وكارب وقليل من الدهون لجل تكسب وزن ..

انا مع الكابتن حمد واتمنى تستخدام بروتين السنثا 6 بدل الواي وخل الواي بعد التمرين مباشره

بالتوفيق

مشكورين اخواني ع التوضيح اخ حمد ممكن تعدلي الجدول. وتضيف فيه لكي استفيد ؟

ابشر اخوي

لي عودة ان شاء الله

مشاء الله تبارك الله اذا كان الاعب ماجد عبدالله اسطوره في كوره القدم العربيه والاسيويه فالكابتن احمد اسطوره هذا المنتدى ولا يهون الجميع اراءه وطريقه تفكير تدل على انه شخص فاهم الي خلاني اقول الكلام هذا رد الاخ حمد على سؤالكانا انصح تاخذ الواي فقط بعد التدريب والباقي تنظم لك جدول غذائي متكامل من بروتين وكارب وقليل من الدهون لجل تكسب وزن .. هذا الكلام قالي ايه شخص امريكي عمره 36 سنه وله 20 سنه يتمرن ويلعب حديد
قال لي ليشش تخسر فلووووس على الفاضي اهم وقت لتناول الواي بروتين يكوون بعد التمرين وبعد كذا ماراح تسفيد منه مثل استفادتك بعد التمرين
وحاول تاكل في الصباح اكل عادي يحتوي على البروتين مثل بيض تونه صدور دجاج وووالخ

بانتظار الكبتن حمد ..

بانتظار الكبتن حمد !

اقتباس:

---

7 الصبح - وي بروتين مع موزة مع حليب قليل الدسم ( مخلوط بالخلاط )

---

^^ ألغي الموز وخلك على سكوب بروتين + 200 ملي حليب ..

اقتباس:

---

10 الصبح - تـونه بدون خبز أو 5 بيضات ( 4 بياض وواحدة كاملة )

---

الغي البيض وخلك على علبة تونة + 2 توست اسمر + كوب حليب قليل الدسم + خيارتين ..

اقتباس:

---

2 ونص ( نص دياية مشوية أو عالفحم ) ساعات اخربها مع خبز مع سلطة وثوم وبرتقالة

---

^^ وجبة ممتازة بس لا تخربها خلك على نص دجاجة + 2 توست اسمر + سلطة + ملعقة زيت زيتون + 4 حبات تمر ..

اقتباس:

---

5 ونص م - وي بروتين مع موزه مع ماي ( بالخلاط ) ..

---

^^ الغي هاذي الوجبة وخذ مكانها حبة توست + ملعقة صغيرة عسل طبيعي .. لاني اعتقد انك تقصد وجبة قبل التدريب !!

اقتباس:

---

8 ونص م - وي بروتين مع موزه مع ماي ( بالخلاط ) ..

---

^^ هاذي بعد التدريب !!
الغي الموز والحليب وخذ سكوب وربع مع ماء فقط ..

اقتباس:

---

10 ونص م ( نص ديايـة عالفحم ) بدون خبز مع سلطة

---

^^ ممتاز وضيف عليهم علبة روب فيتال + حبتين توست او 12 ملعقة رز ابيض ..


باشر بالجدول يابطل

وراسلني للتعديل بكل اسبوعين مرة

استفسار بسيط التوست يكون اسمر كله ولا فقط بالوجبتين الصبح والظهر وبعد التمرين التوست العادي ؟وشكرا لك يا كبتن وبنباشر ف الجدول من الغد

الافضل أسمر

عوده للموضوع لكي لا افتح موضوع آخر ..
خلصت دبة الوي بروتيـن اللي عندي ..

ومحتار أي مكملات آخذ ..
الوي بروتين القولد أو الايزو 100 ؟
الامينو فيول أو تك أو اكستند ؟
منتج البور طبعـآ سوبر بمب ماكس ..
خذت حبوب للكالسيوم ومن بعدهآ صراحة راحت الطقطقة خلال أسبوع ومستمر
عليه هل أبدله بالملي فيتامين أو استمر عليه ؟


ارجوا الإجآبـة علي الاستفسارات ..