المشاركة الأصلية كتبت بواسطة Valak
وعليكم السلام يا مستر H او ابو حمدان و الله يخلي لك حمدان ان شاء الله ويطول بعمره
مسيت بالورد والسرور عزيزي
والله فكرتك حلوة بصراحة و لو فعلا تنتشر بين الاعضاء راح تكون تجربة فريدة من نوعها,,
لكن احب انصحك قبل اقدم اعتراضي على الفكرة وتطبيقها, او بالاحرى انا اللى مستحيل اكون طرف فيها, وهنا قلت انا, لتفادي التعميم.
اخوي الايميل ماهو سبيل,,,, ولا و شى يستهان فيه توزعه بشكل علني مثل كذا , وهذا الكلام مو مني فقط
من بليزرد نفسهم , (تلاقي هالكلام رازينه بوجهك في كل لودنق سكرين ) او في منتدياتهم او مواقعهم الرئيسية
يعني الايميل شى يعرفك ويميزك ويسمح للناس تبحث عنك اكثر وتتواصل معاك سواءا برضاك او بدونه
واي شخص عنده مبادى الهاكنق, يعرف ان اول خطوة يتمناها او يسعى لها للوصول لها, ايميل الشخص.
تقدر تقول انا ابالغ, او حريص بزيادة, لكن من خاف سلم, والايميل ما ينعطى لأي احد, واسمحوا لي بذا الكلمة
كل من يدخل يقرا هالموضوع انا اعتبرهم من ربع (أي احد) الى اشعار آخر,
انا متوقع نيتك هي ,,الوناسة والفلة و ودك تنبسط مع ناس تقابلهم هنا, وتسوي رايدات معاهم, الله يلعن من يلومك
لكن انصحك تستخدم الرسائل الخاصة, وبنهاية الكلام, هذا يرجع لاي درجة انت مهتم في اكاونتك
انا بالنسبة لي الاكاونت وقتي الخاص اللى مستثمره في عشر كاركترات سبعة منهم لفل 85
ثلاثة منهم ايتم لفل مرة عالي وغير القولد والاشيفمنتز على مدى ست او سبع سنوات
(مع العلم انه سبق تهكر بسبب ان ايميلي الشخصي تسرب) وتمرمطت مع بليزرد لين رجعوه لي
ولو ما شافوا اني في اللعبة من ست سنين نفس الايبي شابك كان يمكن ضربوني جلا واجلس اطق اصبع انا
كله بسبب ثقة مالها اساس واني ابي الفلة واريد مع ناس ما اعرفهم ,وثقتي فيهم مبنية على انهم عرب -لا اكثر ولا اقل!!!- واعطيهم ايميلي -
يارجال بالشارع ما نسوي هالسوالف ولا بينضحك علينا.
والنقطة الثانية
بخصوص طفرة القلدات اللى تشوفها وبعضها ما ينجح وبعضها يمشي وناس تنقل من سيرفر لسيرفر وبالاخير يلاقيهم دجة ولا السيرفر حقهم ميت ومافي اكتيفتي.
انا رأيي انك تششجع هالشى,, ولو,, ان هالطفرة على قولتك ظاهرة مو كويسة,, ومردها الفشل,, او بالاحرى فشلت معاك
هذي تجربتك الشخصية لا تعممها, انا في قلد ابو عشر انفار وماشين زي العسل وبدون اي مشاكل ولا صارت مشاكل
الدنيا مو واقفة على الميمبرز اللى مسوين المشاكل, مثل ماجاو وراحو غيرهم بيجي ويروح.. ,
لو هالظاهرة فاشلة كان اول من تركوها الاجانب اللى ماشالله مبدعين باللعبة قبل نعرفها,
كل يوم قلد يفتح وقلد يسكر وناس تنقل من سيرفر لسيرفر لاجل قيلد, هذا مو شى جديد, هذي خيارات شخصية
انت تختار انك تنقل , وان تختار تجرب هالشى لانك بحثت عنهم ولقيتهم فعلا ماشين اوكي
بس تجي تنقل من الباب للطاقة,,بدون بحث ولا استبيان تحمل اللى يصيير معك.
وانا اخوك بخصوص ناس ماا تشبك اون لاين بعد فترة او يخقون الرايدرز بعد فترة والبروقرس
هذي مو مشكلة عرب ولا مشكلة نقل سيرفرات ولا مشكلة بروقرس. مشكلة ادارة فاشلة للقلد -تصير عرب ولا اجانب-
اذا انت بتبدأ قلد وتبي تديره, المفروض تتوقع مثل هالاشياء من اكثر الناس اللى ما تتوقعها منهم ,,
هذا جزء من واجبك كقلد ماستر, وتكون جاهز بحل بديل.
انا رأيي ان المننتدى يفتح قسم خاص بالابلكيشنز حق القلدات العربية, ادعي الله يكثر منها ولو كان في منها شى بيفشل وماراح يشوف النور , اكيد في منها شى بينجح,
اصابعك ما هي سوا .
وبالتوفيق
اخوك/مشعل
أختلاف الرأي لا يفسد للود قضية.
