مقال كابتن كابتن ممكن جنيه لو سمحت

تفتكر الجنيه ده ممكن تعمل بيه أيه ؟؟؟؟

ممكن تشتري بيه أيس كريم

ممكن كمان تشتري بيه وردة لحد بتحبه

بس مش هتقدر تشتري بيه سندوتش

ممكن تركب بيه المترو

لكن مش هينفع تركب بيه الميني باص الأخضر لأن تذكرته بجنيه ونص

لكن ممكن تدخل بيه الجنة !!!!!!!!!!! الجنة ؟؟؟؟؟؟؟؟؟ اه الجنة

الفكرة بإختصار إننا في رمضان انا ومجموعة من زملائي في الشركة فكرنا إزاي ناخذ ثواب إفطار صائم يوميا ومن غير ما نضيف على نفسنا عبء مالي كبير يخلينا متحمسين أول الشهر وأحنا معانا فلوس ولما يجي اخر الشهر نضطر نقف لان فلوسنا هتكون خلصت ، فكانت الفكرة إن كل واحد فينا يدفع كل يوم جنيه ونجمع المبلغ في اخر اليوم ونساهم بيه في مشروع كان موجود في مسجد لإفطار الصائمين والحمد لله كنا بنجمع مبلغ يكفي 6 أو 7 وجبات نكون كلنا مشتركين في ثمنهم وفي ثوابهم بإذن الله

ولأن الجنية مبلغ مش كبير فالفكرة نجحت بفضل الله والناس كلها كانت متحمسة جدا ومواظبة على الدفع وفي ناس بقت تجمع من أفراد اسرتها جنيهات وتساهم معانا وحتى في ناس من الأوفس بوي اشتركوا معانا لما عرفوا الفكرة ، ولما خلص رمضان فكرنا ليه ما نتعاونش على البر والتقوى و نشجع بعض إننا نكون عباد ربانيين وليس رمضانيين ونستمر في دفع الجنية ويكون صدقة يومية لنا وفي أخر الشهر نجمع المبلغ الموجود ونتصدق لأي مكان أو شخص محتاج ، صحيح الجنية صغير لكن جنية على جنية أخر الشهر بيعمل مبلغ كويس

يعني لو الشركة فيها 20 شخص مواظبين على الدفع يوميا

يبقى 20 * 30=600 جنيه شهريا

600 * 12= 7200 سنويا

الفكرة دي علشان تتنفذ محتاجة بس لحصالة او اي صندق الناس تحط فيه الفلوس ومحتاجة شخص يكون مسوؤل عن الحصاله وعن الفلوس ، هو يمكن أول يومين هيكون محتاج يفكر الناس بس بعد كده هم هيتعودو من نفسهم وممكن يحطه في مكان يكون ظاهر للناس جنب الساعة اللي بيمضوا فيها حضور مثلا والناس بعد كده هتتعود يوميا تمضي وتحط الجنية في الحصالة ومش شرط المبلغ يكون جنية إن شاء الله حتى يكون ربع جنيه المهم ان الناس تتعود تتصدق يوميا زي ما بتصلي يوميا ، وممكن الفكرة دي تتنفذ في البيت علشان الأطفال تتعود إنها تتصدق

ووالله الصدقة ثمراتها لا تعد ولا تحصى وهتلاحظوا الفرق في من أول يوم هتدفعوا فيه

بعض ثمرات الصدقة

1- ربنا هيبارك لك في فلوسك - وكلنا بنشتكي أن المرتب بيطير ومش عارفين بيروح فين – غير إن كل يوم ملك هيدعي لك اللهم أعط منفقا خلفاً وفلوسك مش هتنقص ما تخافش لأن الرسول صلى الله عليه وسلم قال : «ما نقص مالٌ مـن صدقة وعن أبي هريرة رضي الله قال: « ما نقصت صدقة من مال ، و ما زاد الله عبد بعفو إلا عزا ، و ما تواضع أحد لله إلا رفعه الله ».
الراوي:أبو هريرة المحدث:الألباني - المصدر:صحيح الجامع - الصفحة أو الرقم: 5809
خلاصة حكم المحدث: صحيح

2- لو واظبطت على التصدق يوميا هتكتب عند الله من المتصدقين وصاحب الصدقه سيدعى من باب خاص من أبواب الجنة يقال له باب الصدقة وتذكر أن أحب الأعمال إلى الله أدومها وإن قل

3- الصدقة من مكفّرات الذنوب و من أسباب دخول الجنة والنجاة من النار الرسول الله صلى الله عليه وسلم قال : «ألا أدلك على أبواب الخير قلت بلى يا رسول الله قال الصوم جنة والصدقة تطفئ الخطيئة كما يطفئ الماء النار ».
الراوي: معاذ بن جبل المحدث:المنذري - المصدر:الترغيب والترهيب - الصفحة أو الرقم: 2/107
خلاصة حكم المحدث: [إسناده صحيح أو حسن أو ما قاربهما]

و قال صلى الله عليه وسلم: «اعبدوا الرحمن، وأطعموا الطعام، وأفشوا السلام، تدخلوا الجنة بسلام»
الراوي: عبدالله بن عمرو بن العاص المحدث: الألباني - المصدر: السلسلة الصحيحة - الصفحة أو الرقم: 571 خلاصة حكم المحدث: حسن صحيح

4- ربنا هيظلك تحت ظل عرشة يوم القيامة
قال صلى الله عليه وسلم:« كل امرئ في ظل صدقته حتى يفصل بين الناس ، أو قال حتى يحكم بين الناس »
الراوي: عقبة بن عامر المحدث:الألباني - المصدر:صحيح ابن خزيمة - الصفحة أو الرقم: 2431
خلاصة حكم المحدث: إسناده صحيح على شرط مسلم

5- الصدقة تطفئ حرَّ القبور على أهلها،
قال رسول الله صلى الله عليه وسلم: «إنّ الصدقة لتطفئ عن أهلها حرّ القبور، و إنما يستظل المؤمن يوم القيامة في ظل صدقته ».
الراوي: عقبة بن عامر المحدث:الألباني - المصدر:صحيح الترغيب - الصفحة أو الرقم: 873
خلاصة حكم المحدث: حسن

6- الصدقة هتدفع عنك البلاء، وهتمنع عنك ميتة السوء
عن أنس رضي الله عنه أن النبي صلى الله عليه وسلم قال: «إن الصدقة لتطفئ غضب الربّ، و تدفع ميتة السوء.»ا
الراوي: أنس بن مالك المحدث:المنذري - المصدر:الترغيب والترهيب - الصفحة أو الرقم: 2/58
خلاصة حكم المحدث: [إسناده صحيح أو حسن أو ما قاربهما]

قال رسول الله صلى الله عليه وسلم «صنائع المعروف تقي مصارع السوء ، و صدقة السر تطفيء غضب الرب ، و صلة الرحم تزيد في العمر.»
الراوي: أبو أمامة الباهلي المحدث:الألباني - المصدر:صحيح الجامع - الصفحة أو الرقم: 3797
خلاصة حكم المحدث: حسن

7- الصدقة هتشفي أمراضك قال صلى الله عليه وسلم « داووا مرضاكم بالصدقة »
الراوي: أبو أمامة الباهلي المحدث:الألباني - المصدر:صحيح الجامع - الصفحة أو الرقم: 3358
خلاصة حكم المحدث: حسن

8ـ لو الصدقة كانت من مال حلال وخالصة لوجه الله ربنا هيقبلها و هيضاعف ثوابها لصاحبها(مَنْ ذَا الَّذِي يُقْرِضُ اللَّهَ قَرْضًا حَسَنًا فَيُضَاعِفَهُ لَهُ أَضْعَافًا كَثِيرَةً وَاللَّهُ يَقْبِضُ وَيَبْسُطُ وَإِلَيْهِ تُرْجَعُونَ ) البقرة: 245.(مَثَلُ الَّذِينَ يُنفِقُونَ أَمْوَالَهُمْ فِي سَبِيلِ اللَّهِ كَمَثَلِ حَبَّةٍ أَنْبَتَتْ سَبْعَ سَنَابِلَ فِي كُلِّ سُنْبُلَةٍ مِائَةُ حَبَّةٍ وَاللَّهُ يُضَاعِفُ لِمَنْ يَشَاءُ وَاللَّهُ وَاسِعٌ عَلِيمٌ) [البقرة: 261]وعن أبي هريرة رضي الله عنه قال: قال رسول الله صلى الله عليه وسلم: «ما تصـدق أحدٌ بصدقة من طيّب، ولا يقبل الله إلا الطيّب، إلاّ أخذها الرحمن بيمينه، وإن كانت تمرة، فتربُو في كفّ الرحمن حتى تكون أعظم من الجبل، كما يُربّي أحدُكم فَلُوَّه أو فصيله».
الراوي: أبو هريرة المحدث:مسلم - المصدر:صحيح مسلم - الصفحة أو الرقم: 1014
خلاصة حكم المحدث: صحيح

وثمرات كثيرة أكثرمن إني اذكرها هنا والتجربة خير دليل
يبقى اللي شايف ان ثواب الصدقة كبير وخسارة يضيعه
يبتدي بنفسه و يحاول يكلم الناس اللي حواليه عن الفكرة ويجيب حصاله ويشجعهم

واللي شايف إن الفكرة تستحق النشر ينشرها