كمال الاجسام نصائح من اجل البدء باللعبة

معلومات المتقدم بالاستفسار :
العمر : 27 , الجنس : ذكر

الطول :178 متر
الوزن : 74 كيلوجرام

و الاستفسار كالتالي :
السلام عليكم

انا اخوكم سيزار من سوريا ,وسجلت من جديد نادي حديد ... دورت كتير عالانترنت لحتى اخد فكرة عامة عن اللعبة وعن الشخص شو لازم يعمل ... ووصلت للمنتدى هون وفعلاً لقيت في مجموعة كبيرة جداً ومفيدة جداً والاعضاء ما قصرو ابداً ... ماشاء الله

بس الي صار اني ضعت ... يعني في كتير آراء وفي كتير مكملات وفي كتير اساليب وطرق .... وانا خايف اني ساوي شي غلط او ما استفاد لهيك حبيت اطرح الموضوع هون ... واخد رأيكون.

انا شب عمري 27 سنة , لعبان من زمان شوية حديد بس مو كتير ...

وزني 73 وطولي 178 ,ماني سمين ولا نحيف كتير ... صاير عندي دهون بمنطقة الخصر والبطن والمؤخرة. رجليي رفاع .

اكلي سيء ... باكل باليوم وجبة وحدة فقط ... والباقي بقضيه على نقرشات وشيبس وبسكوت ..

قريت كتير عن المكملات ,وعن البروتينات ,وعن حوارق الدهون ... ولكن ضعت ...

والمشكلة انو بسوريا معظم المكلمات مغشوشة ومناها اصلية ... لهيك حابب استفسر عن التالي:

أول مرحلة شو لازم اتصرف ؟ كيف لازم اكل ؟ وشو لازم اخد مكملات وحوارق ؟ وادي الكميات ؟ ولأي مدة ؟

تاني شي انا النادي الي مسجل فيه مختص فقط ببناء الاجسام على الطريقة الفرنسية .... وماني مهتم كتير بالتضخيم

هل من الضروري اخد حوارق دهون ؟ متل LIPO BLACK 6 ؟

وضروري اخد بروتين ؟ او امينو ؟ او كرياتين ؟ اي الافضل ؟؟

والأكل شو لازم اتصرف ؟ انا شهيتي كتير ضعيفة في حل ؟؟ او في شي بيعوض عن شي ؟

اخر سؤال .... في صديقي بالمملكة ممكن اني اطلب منو يشتريلي مكملات وحوارق وهيك امور .... فشو بتنصحوني ؟ وشو الاسعار ؟؟؟

الرجاء المساعدة مع جزيل الشكر .