حكه غريبه اثناء التمرين .. !!!

معلومات المتقدم بالاستفسار :
العمر : 18 , الجنس : ذكر

الطول :181 متر
الوزن : 73 كيلوجرام

نسبة الدهون : 15

و الاستفسار كالتالي :
البيانات بشكل تقريبي ..

ادري الاستفسار غريب ..

النادي حر ... المشكله حتى بالصيف نفس الجو مايتغير ..

صايرلي تقريبا 3 اشهر كل ما اتمرن تمرين تجيلي حكه غريبه جربت البس كل انواع الملابس قطن و و و و الخ مافي فايده ...
والحكه كلها تجي بالصدر و الاكتاف ...

طبعا يمكن يجي شخص يقولي لازم تتنظف ووالخ .. لا طبعا اتسبح بشكل يومي . و اكيد مو من السالفه هاذي ..



فما الحل اغير النادي و اريح عمري ولا ؟
لان الحكه(( مو الحكه العاديه طبعا )) تجي طول ما انا قاعد بالنادي 3 او 5 مرات ...

‘

هل تستخدم منتجات باور أو حوآرق دهــون ؟

يمكن من نوعية الملابس جرب تلبس فنايل دروش او الاصيل ومن فوقها اللبس الرياضي ممكن تحصل نتيجه ان شاء الله

يمكن زيادة ضخ دم !

تستعمل منتج باور؟

لا والله بس استخدم كرياتين gnc مونوهيدرات + بروتين بروكملكس غينر ..

استغرب من الحكه لازم تجي غريبه ودي اشرحها مو قادر وتكون قويه حدها

عن الملابس جربت كل انواع مانفع .. اشك من الجو ولا شي

^ ^
دام انك ما تستخدم منتجات باور أو الحوارق
وقلت كذلك غيرت نوعية الملابس ونفس الحكة ترجع لك
أنا اعتقد انه بسبب الاجهزة بقول لك شلون ، بعض الاجهزة والخاصة الحديث منها تجي فيها ريحة قوية نوع البلاستك او نفس ريحة الحذاء الجديد انا لو لامست جسمي احد هذه الاشياء على طول تجيني حكة فكذا أنا اول مااشتري شيئ جديد لازم أغسله لين ماتروح الريحة منه عقب استخدمه ،فشوف أنت أسأل أي أحد في النادي هل تجيه هذه الحكة او لا .

المشكله السؤال نفسه غريب ... مادري اقول اسألكم و انطر اشوي احسن ..

انا ساعات تجيني حكة غريبة بعد
اكثر شي اقد اقوله عن الحكة انها تسبب لي ضيق الصدر
يعني احس مختنق نوعا ما و احك جسمي بجنون .. و السبب الرئيسي هو الجو الحار
مادري اذا نفس حالتك و لا لا

اقتباس:

---

المشاركة الأصلية كتبت بواسطة RweshdaN

انا ساعات تجيني حكة غريبة بعد
اكثر شي اقد اقوله عن الحكة انها تسبب لي ضيق الصدر
يعني احس مختنق نوعا ما و احك جسمي بجنون .. و السبب الرئيسي هو الجو الحار
مادري اذا نفس حالتك و لا لا

---

بالضبط ... الحكه بجنون ..

أخوي انت ذكرت انك تستخدم كرياتين صح ! ممكن تذكرنا كيف طريقة استخدامك للمنتج + كم صارلك تستخدمه

جرب اقطع الكرياتين كم يوم واتمرن يمكن من الكرياتين.

انت في عندك حساسية لمنتات الألبان , يعني اذا اكلت جبن أو شربت حليب تجيك حكة !؟ اذا عندك معناها من البروتين نفسه

غير كذا يفضل استشارة طبيب جلدية من الممكن يكون العرق نفسة مسببلك حساسية

واذا الدكتور ما قلك شي في هالحالة على حسب ما قرأت في المواقع الأجنبية من زمااان انو الجلد يتمدد مع نمو العضل ونتيجة لهتمدد ممكن يصر عندك زي وغز أو حكة

انا برأيي اعتقد السبب من الأجهزة .. من جسم لجسم .. حاول تجرب عندما تجي تتمرن مثلا اي جهاز حاول يكون معك قطعة قماش تمسح بيها الجهاز (الأماكن الي تلمس جسم الأنسان) مثلا المسطبه والمكان الي يجلس اللاعب على الجهاز ومنطقة المسند والظهر والأيادي .. لأن هالأماكن وخصوصا في الحر يفرس الجسم سمومه وعروقه وليس جيدا ان تنتقل من جسم لأخر .. لذلك يفضل ان تعقم .. بقليل من مسحوق التنظيف او سائل ما مع مسحها بقطعة قماش نظيفة تحملها معك لكل الأجهزة ..

ارجو ان اكون قد افدتك .. تحياتي

لا والله ماعندي حساسيه من الالبان ...

حاليا بجرب احط فوطه بالاجهزه و اجرب يمكن السبب منهم و اشوف ...

ماقصرتوا و اذا الله احيانا ... بعد 3 تيام .. اردلكم خبر ..

الكرياتين : 5 جرام قبل التمرين بساعه ...