بخصوص بروتين monster milk

السلام عليكم ورحمة الله وبركاته

مساء الخير ..

لي فتره استخدم بروتين ( الترا ماس 4800 )
وبصراحه كان جيد خصوصا من ناحية زيادة الوزن .. في خلال 4 شهور
من 52 إلى 68 .. ولله الحمد

طبعا قررت اغير لمنتج يكون الفات فيه شي بسيط .. وتركيزي ع البروتين نفسه

فنصحوني بالواي بروتين .. وللأسف ماكان موجود في الـ G N C

لكن اللي في المحل .. يقولي انصحك بـ monster milk

http://www4.0zz0.com/2011/12/17/06/581192671.jpg


واخذته و أمري لله .. خصوصا وان فيه مميزات حلوه
منها طبعا انه يحتوي على الكرياتين و الجلوتامين ... إلخ


لكن للأسف هذا رابع يوم اخذه ..
سكوبين بعد التمرين .. تقريبا الساعه 7 المسا

ما اقدر اكل اي شي بعده + لوعه غير طبيعيه لين اقوم الصبح للدوام
اخذته بطعم الشوكليت .. و طعمه غير عن الشوكليت اللي متعودين عليه في المنتجات الثانيه .. لان هذا يلسع و ثقيل مره
طبعا انا اخذه بدون حليب .. و جربته بحليب .. حسيت اني شارب اسمنت :( !

سعره عندنا بـ 240 ريال ..

هذي تجربتي .. قلت افيدكم فيها عشان لا احد يتورط


و السموحه على الاطاله :)

ماقصرت ياوحش على طرح تجربتك
والله يعينك عليه

ماقصرت علشان نصير بعيد عن هذى المنتجات الثقيله

اخذت حذري وحيطتي من المنتج هذا
اشكرك

الله يسعدكم .. منورين

الله يعينك عليه ,

جرب التروماس لو موجود

تسلم اخوي لؤي

مشكور على طرحك لكن مالايناسبك قد يناسبني والعكس
لذلك ممكن البعض يجربه ويقول انت غلطان بالعكس ممتاز ياشباب ويصير فيه اكثر من فكرة
لكن اقتراحي لو تنزل صورة لاهنت للمحتويات الي تكون موجودة خلف العلبة ولك جزيل الشكر

حياك الله .. وانا ذكرت تجربتي معاه مثل ماهو في العنوان
وماقلت لا تستخدموه لان ماعجبني ..

الموضوع مجرد تجربه و نصيحه يا بعدي

استفسارك هنا تلقاه http://www.bodybuilding.com/store/cs/monstermilk.html

موفق ،

بالنسبه للبروتين انا احد اصحابي يستعمله وخلص اكثر من علبه


ويمدحه لي كثيرر فاخذت سكوب اجربه

الطعم التشوكليت حليل مو شين ولا حلو فيه نكهة كانها قهوه خفيف

وبالنسبه انا جربت اكثر من برووتينات فيها فات عالي مثل سرياس ماس وسوبر فيول قينر ثقيللللله مرررررررره

لاكن استغربت من هاذا لانها خفيف مرره نفس الايزو وينهضمم بساعه ونسبة البروتين فيه عالي 50 ق

غير الكرياتين والجلوتامين

وان شاء الله بشتري واحد بعد رمضان

انا ادرس بالخارج ففمادري اذا فيه اختلاف او شي او الي معاك ممكن مضروب الله اعلم !!

غريبه انا اخوي بامريكا يستخدمه ويمدح فيه كثير
يمكن انت جربت السيرياس علشان تشوف اللي ثقيل صح :)

ياليتك اخذت الدب الروسى والله احسن منه وقوي وطعمه لذيذ