خلطة قوية لامداد الجسم بالمواد اللتي يحتاجها

بسم الله الرحمن الرحيم
السلام عليكم ورحمة الله وبركاته


كيفكم شباب ؟ ان شاء الله طيبين

اليوم اقدم لكم خلطة بروتين سهلة التحضير وتحتوي على الكثير من البروتين , الكارب و الكالوري وغيرها

المواد اللي سنحتاجها :-
166 جرام (4 سكوب) من الواي بورتين او اي نوع آخر
250 مل حليب خالي من الدسم
2 كوب ايس كريم قليل الدسم (الافضل بنفس طعم البروتين) << او ممكن استبداله بفاكهة
2 حبة موز
2 ملعقة كبيرة زبدة فول سوداني
2 ملعقة عسل طبيعي

ضع المكونات في الخلاط وانتظر حتى تخطلت بشكل جيد وصحتين وعافية

طبعا هذه الكمية تحتوي تقريبا على :-
3000 كلوري
507 جرام كارب
126جرام بروتين
بالنسبة للدهون فالصراحة ما ادري
+-

الخلطة هاذي توضع بالثلاجة وتشرب على عدة مرات وليست دفعة واحدة
يعني ممكن تقسيمها على 3 وجبات مثلاً

طبعا الموضوع ليس منقولا

amdmatar
المنتدى : قسم كمال الاجسام

بالتوفيق للجميع

سلام

عليكم السلام ورحمه الله وبركاته
خلطة قوية قوية يعطيك ألف عافيةةة

وأنا عندي صفحة من كتاب مشهور لـ تغذية لاعب كمال الأجسام
فيها زي 15 خلطة نفس فكرة خلطتك

والبروتين بالخلطة الوحده من 200 غرام الى 500 !!
بس مشكلتي بالإنجليزي مو مرةةةة

الي يعرف انجليزي ومستعد يترجم الخلطات ويطرحها بالمنتدى يراسلني ع الخاص

اخي انت حطها وان شاء الله نترجم كم وحدة ..

يعطيك العافيه اخوي خلطه قويه بجربها ان شاءالله

مشكوور اخوي على هذي الخلطة

بس هل ناخذها مرة وحدة او على مدار اليوم

لاني احس 126 غرام بروتين لمرة وحدة واايد

و حتى 3000 كالوري احسه وايد حق مرة وحدة

مشكوريين على مروركم

اقتباس:

---

مشكوور اخوي على هذي الخلطة

بس هل ناخذها مرة وحدة او على مدار اليوم

لاني احس 126 غرام بروتين لمرة وحدة واايد

و حتى 3000 كالوري احسه وايد حق مرة وحدة

---

نعم اخي يمكنك ان تقسمها على اكثر من مرة في اليوم

سلام

خلطه قويه لكن ماتنفع تاخذها مره وحده اولا الجسم مابستفيد منها كلها اذا اخذتها دفعه وحده اغلبها بيتحول لدهون فالافضل تتقسم ومشكور ياكابتن

اسدح الكتاب هنا ,

حتسوي فينا خير ,,

دمت بود

يااااا سااااااتر 3000 كالوري معناها بتموت جوع باقي اليوم

يا جماعة الاخ قصده ان هذه الوجبة يجب ان تقسم على فترات خلال اليوم
يعني الواحد مايصير ياخذ دفعة واحده 126 غرام بروتين او 3000 سعرة حرارية أصلا الجسم ماراح يستفيد منها لو كانت دفعة واحدة ، الحد الاقصى للبروتين في الوجبة الواحدة من 35 ألى 40 غير كذا الجسم راح يرميها مع الفضلات وانتو بكرامة .

شكرا ياوحش
وانتبهوا من السعرات العالية

امممم
لو كانت بدون الايسسسس كريم

اضن افضل
لكن لامانع ممكن للي عاد مايفرق كثير باجسامهم واتوقع الخلطة تكفيك ربعه يعني تاخذ الربع منها باليوم بس وبعد مو كل يوم ممكن

ع العموم اقدم لك شكري

3000 كلوري يا وحش <<< كنت ابي اقول يالظالم لكن ما امون خخخخخ

تدري هذه لو أقسمها اكلها خلال اسبوع أو أكثر ،،

طيب بقول رأيي بالخلطه جميله جدا كنوع جديد من أنواع التغير أيسكريم بروتيني شي مره خيالي ،،
أما أن كنا نبيها صحيا يبيلنا نغير الأيس كريم ونحط كارب صحي أكثر وعشان تخليه متجمد ضيف ثلج وموزه مثلجه ،،

ويعطيك العافيه يا بطل على الطرح الجميل ،،

اقتباس:

---

المشاركة الأصلية كتبت بواسطة Rashed.S

3000 كلوري يا وحش <<< كنت ابي اقول يالظالم لكن ما امون خخخخخ

تدري هذه لو أقسمها اكلها خلال اسبوع أو أكثر ،،

طيب بقول رأيي بالخلطه جميله جدا كنوع جديد من أنواع التغير أيسكريم بروتيني شي مره خيالي ،،
أما أن كنا نبيها صحيا يبيلنا نغير الأيس كريم ونحط كارب صحي أكثر وعشان تخليه متجمد ضيف ثلج وموزه مثلجه ،،

ويعطيك العافيه يا بطل على الطرح الجميل ،،

---

نعم اخي معك حق يمكن اضافة فاكهة مجمدة بدل من الايس كريم لكن عدد السعرات راح يقل :)


سلام

خلطه ممتازه بس طبعا مثل ماتكرمت وقلت صعب الواحد ياخدها دفعه وحده !
هذي الخلطه اكثر شي تناسب الشخص اللي محتاج يرفع وزنه اما الشخص اللي مسوي دايت ! مانصحه فيها حتى لو كان الحليب قليل الدسم والايس كريم قليل الدسم ^^ بس الفول السوداني والموز يكفون ويوفون
عموم تشكر غ مجهودك وان شاء الله بنجرب الخلطه وواضح ان نتايجها مضمووونه