مشوورتكم ونصيحتكم لاحسن منتج باور وهل فيها ضرر؟

معلومات المتقدم بالاستفسار :
العمر : 22 , الجنس : ذكر

الطول :175 متر
الوزن : 82.8 كيلوجرام

نسبة الدهون : نسيت

و الاستفسار كالتالي :
السلام عليكم
كيفكم ياوحووووووووش

استفساري اليوم عن منتجات الباور

طبعا في انواع واشكال

وانا صراحه طول فترتي السنة والـ7 شهور ماقد استخدمت منها ولا نوع

يعني اسمع عنها انها تفرق في الاوزان ومفعولها جبار

طيب انا متردد اخدها لاني اسمع انها تضر الكلى لانها تحبس المويات في الجسم وناس تقول تسب اوقات صداع وخفقان للقلب

وغير كدا انا انسان عندي القوولون هل تسبب تعارض معاه

مثال واحد من الشباب عنده نفس اعراض القولون عندي وقلي استبعد النايتروتيك لانه راح يتعببك

وهدا منتج باور ومدري ايش الاضرار وايش الاعراض المترتبه عليه

وهل صحيح في نفس الوقت تحرق دهون؟

يعني رايكم ايش احسن منتج وياليت تعطوني سلبيات وايجابيات كل واحد من ناحية الفايده والاعراض المترتبه عليه.
المدرب عندي قلي استخدم السوبر تشارج

وانا ابغى ازيد من اوزاني يعني الحمدلله اوزاني جدا حلوة وعاليه بس احسها ثابته مااقدر ازيد عليها

ومعود نفسي قبل التمرين اخد مووزتين احسها تنشط ع خفيف

علما انو كورسي (بروكومبليكس العادي-وي بروتين جولد-امينوتك)

مششورتكم ياوحوش واسف ع الاطاله

مايصلح لك منتج الباور

وحتى الواي بروتين

بسبب القولون << تعالج منه اول ..

^^^
بس الحمدلله الوي ماسببلي مشاكل لانو اللي نصحني فيه نفس الادمي اللي معايا في الصاله ويعني بما انه اخبر وافهم مني وله سنين وجسمو جبار والاهم انه يعاني من نفس اعراض القولون العصبي اللي معاي وقد استخدمت قبله وي بروتين الروسي زيرو كارب وشوقر وفات

بس ياكبنن القولون انواع واعراضه تختلف من شخص لشخص

والقولون ماله علاج غير انه الواحد ينضم اكله ويبععد عن الاكل المهيج للقولون واالزعل....الخ

يعني عموما منتجات الباور ماتصلحلي
امممم

الله يعطيك العافية ياوحش ع الفاده
ونشووف باقي الوحوش

مشكلة القولون ان علاجاته تجي مؤقته وهاذي المشكلة يعني ماله حل دايم

وانا نفس مشكلتك ياخوي اعاني منه يجي ويروح على فترات فالسنة

^^^
واللهي ياصاحبي انا تقدر تقول انو ملازمني عشان نومي واكلي ملخبط مالهم وقت وان قلت كمان هنا القوولون يتهيج ويسبب انتفاخات ودخول لدورة المياة الله يكرمك بشكل متكرر

طيب بس ياغالي بالنسبة لمنتجات الباور انت قد استخدمتهاا او في انواع اضرارها بسيطه جدا

^^

فالعادة تجي منتجات الباور تحبس ماي + بها صوديوم عالي

وتزيد انتفاخ البطن ووقتها تزيد الام القولون + يكبر حجم البطن ولهذا السبب اقولك لاتستخدمها

انت عارف ان نظامك ملخبط فالنوم والتغذية وهاذي اشياء تهيج القولون ولازم تنظم وقتك يابطل

^^^^
يسعدك ربي ومافي غير كدا

بس عارف انا نفسي ازيد على الاوزان اللي وصلتلها الان

يعني الحمدلله اوزاني عاليه في جميع التمارين باي تراي صدر ضهر اكتاف رجوول بس وصلت لحد معين وما اقدر ازيد كل فتره العب نفس الاوزان
طيب فيه اكلات معينه تعطي باور و طاقه وقت التمرين؟؟
مثلا انا معود نفسي قبل التمرين اوقات موزة واوقات موزتين واحسها نوعا ما تنشط شئ بسيط لاكن مو هذاك الفرق

اتمنى لو عندك طريقه ولا شئ تفيديني فيها
والف شكر لك راح اتعبك من كثر الاسئلة

اخي ابعد عن الاكل المقلي و اي منتج فيه كرياتين انا مثلك عندي القولون ايضا اكتشفته من فترة قريبة هذه الاشياء تزيد من الام القولون
الواي بروتين ما فيه مشاكل هذا من تجربتي اللي تعبني جامد السيرياس ماس و ما كملت العبوة
و انا عن نفسي باخد امينو انيرجي يعتبر الى حد ما مكمل باور بس هو كويس ابتدي بسكوبين و بعدين زود الجرعة حتى 6 سكوبات بس لا تستمر على سكوبين و تقول ضعيف زي منا كنت بعمل زمان لازم تزود عشان تفضل تحس بنتيجة
انا عن نفسي باخد منه قبل التمرين و الحمد لله لم اجد اي اثار جانبية بس احذر من الكافيين الزيادة لانه يضعف الاعصاب لكن بالنسبة لي هو منتج ممتاز
و بالتوفيق ان شاء الله

^^^^^
تسلم حبيبي وانا بعيد عن المقالي وان اشتهيت كل اسبوعين مره وما اكتر شئ بسيط

اكلي كلو فرن ومسلوق ومشوي


وانا بستعمل وي بروتين وبروكومبليكس وامينوتك والحمدلله مامنها اعراض جانبيه

وهل الامينو اللي قولت عليه يكون بديل للامينو تك؟

شف اخوي انا العب من حوالي السنه وخلال هالوقت ما شفت شي يخلي عندي باور عااالي. الا وجبة كفو كفو قبل التمرين بساعتين الى ساعه ونص واكون شبعان نوم والنفسيه عال العال واهم شي واحد يحمسك للتمرين غصب . والله يوفقك

^^^^
وانا سنة و7 شهور والحمدلله يعني جسمي متحسن كثير وزي ماتشوف صورة التوقيع حقتي

وصادق تجيني ايام اكون شبعان ونشيط وكل شئ وماخذ بروتيني وحبتين موز قبل التمرين واحس بنشاط وباور لكن فين وفين ياحسره خخخ في الشهر مره احس بدا الحال ولا العاده اوزاني هيا هيا وتحس بملل

بس انا كنت اقول لو الشئ مايضرني اخذته بس باين انو ماراح اخد شئ نهائيا غير الكورس اللي باستخدمو حاليا


يسعدك ربي ومشكور ع الافاده