تغيير المكمل الغذائي

معلومات المتقدم بالاستفسار :
العمر : 30 , الجنس : ذكر

الطول :174 متر
الوزن : 63 كيلوجرام

نسبة الدهون : ؟؟

و الاستفسار كالتالي :
السلام عليكم ورحمة الله وبركاته

يا اخوان انا ابي اغير البروتين ( لاني شفت بعض المواضيع مكتوب فيها ان لازم اغير البروتين عشان الجسم ما يتعود عليه ويظل على نفس مستواه ما يزيد ) وهذه النظره اظنها صحيحه ، يعني حتى بالنسبه للاكل لازم نغير

انا استخدم سيرياس ماس شوكولاته

والهدف هو التضخيم

ابي مكمل تضخيم لكن خايف اخذ مكمل وما يعجبني طعمه

يا ليت اللي جرب مكملات التضخيم يدلني على مكمل نفس طعم ( سيرياس ماس شوكولاته )

شكرا مقدما

وعليكم السلام ورحمة الله وبركاته

جرب البروكمبلكس قينر شوكلت طعمه رووووعه وافضل من السيريس ماس

او اذا تبي تترك القينر عندك السينثا 6 افضل نكهه صراحة : ) ومكمل ايضا رائع من ناحية القيم

مشكور يا بردان
بس بسالك

البروكمبلس جينر > اللي اشوفه عند الشباب 2 كيلو ونصف تقريبا وسعره اغلى من السيرياس اللي وزنه 5 كيلو ونصف

مادري هل جرعاته اقل من السيرياس ماس ولا كيف

يعني لو بستخدمه كل يوم سكوبين ما را ح يظل عندي 10 ايام

اهلا وسهلا

بس انت بالسيرياس ماس تاخذ 170 قرام عشان تحصل على 25 قرام بروتين
بينما بالبروكمبلكس قينر تاخذ 85 قرام وتحصل على 30 قرام بروتين

يعني مافيه داعي تاخذ اساسا البرو قينر سكوبين باليوم سكوب واحد فقط موزع على جرعتين بالصبح نصف السكوب وبعد التمرين النصف الاخر

وبكذا يكون فيه تعادل بعدد الجرعات بين البرو قينر والسيريس ماس : )

اتمنى يكون وضح قصدي بالتوفيق

اي بس وش هالضخامه اللي بتجي بسكوب واحد في اليوم هههههههههههههه

يا ليت توضح اكثر ويا ليت باقي الابطال يدخلون ويوضحون

شالمشكلة ؟!
انت عليك من كمية البروتين + كمية الكارب

كمية البروتين بالسكوب الواحد بالبروكمبلكس قينر = 60 قرام يعني لو تاخذ واي عادي بعد ثلاث سكوبات تاصل تقريبا لهالحجم

يعني البروكمبلكس قينر لما تاخذ نصف سكووب الي هو يعتبر 85 قرام وهالكمية كبيرة ترا لكن لانه قينر .. فابهالحالة اذا خيت 85 راح تحصل على 40 قرام كارب و30 قرام بروتين و4 قرام دهون
يعني السيريس ماس يتفووق فقط بالكارب العالي ونصه سككرررر
اما بكمية البروتين مافيه مقارنه البرو اعلى بكثير


وان شاءالله يفيدونك بقية الاعضاء

بردان عارف قصدك

بس انا اضخم يعني ابي كمية الكارب والدهون يعني لو تسوي لها مقارنه بين سكوب سيرياس ونصف سكوب بروكمبلس

واسف على الاطاله

طيب من عيوني
اليمين نصف سكوب برو قينر واليسار سكوب كامل سيريس ماس

.........
البروتين 25:30
الكارب 126:42 .. ( منها بالسيرياس ماس 10 قرام سكر .. بينما بالبرو قينر 2 قرام سكر وبالالياف الغذائية متعادلين 2 لكلاهما )
الدهون 2:4 يعني البرو قينر اعلى فات بقرامين

الفيتامينات السيريس ماس اعلى
السيريس ماس يحتوي على نصف قرام كرياتين مونوهيدرات


وبالتوفيق ان شاءالله

يعطيك العافيه يا اخ بردان

يالله جاك الصيف خلاص ما بتبرد ^_^