السوونا تفيد للتخسيس ؟

معلومات المتقدم بالاستفسار :
العمر : 21 , الجنس : ذكر

الطول :180 متر
الوزن : 140 كيلوجرام

نسبة الدهون : 45%

و الاستفسار كالتالي :
السلام عليكم

اخواني انا سويت فحص قبل فتره للجسم وطلع عندي احتباس كبير للماي

يعني جسمي مخزن ماي بشكل كبير لاني بصراحه كانت تطوووف علي ايام كثير ولا اذوقه وكله عايش ع البيبسي وهالسوالف

عاد اللحين في سؤال يخطر ف بالي بما ان الماي اللي بجسمي كميته كبيره ومخزنه على شكل وزن

هل السونا تنفع انها تطلع الماي من الجسم وتساعد على انقاص الوزن ؟( الوزن اللي بسبب احتباس الماي )

وهل يفضل اني اشرب ماي اثناء وجودي داخل السونا عشان الجسم يعرق اكثر

او عقبها ؟

طبعا السونا اقصد فيها حجره البخار

ناطر افادتكم وخبراتكم

وعليكم السلام

معروف السونا انها تخلص الجسم من السوائل

ولكن حدك ثلاث ايام في الاسبوع كحد اقصى وكل مرة لا تزيد عن خمس دقايق

رأي لك المشي السريع مع الاكثار من الخضار والماء
والتقليل من الملح

وهذا بالمختصر

موفق خير

أخوي السوانا ماهي حل جذري + انها ما تطلع الا الماي المحتبس في الطبقة الخارجية من الجلد فقط!

غير كذا الساونا للرجال مضرة على الخصيتين يعني أنا أشوف مرة بلأسبوع تكفي وزيادة , غير كذا انت لازمك جدول تمرين لأن نسبة دهونك كبيرةةةة
وشكرا

هي تساعد على طرد المياه من الجسم لكن بشكل عادي ..يعني عليك بالرياضة والابتعاد عن المشروبات الغازية

السونا مجرد مساعد وكثرها لها اضرار يعني مرتين بالسبوع وتجلس عشر دقايق ممتاز

وابعد عن الملح والماكولات الي يصير فيها نسبة صوديم عاليه

وعليك بالهروله او المشي السريع

والشاي الاخضر مرتين باليوم