سؤالين عن حارق دهون وبروتين

معلومات المتقدم بالاستفسار :
العمر : 23 , الجنس : ذكر

الطول :186 متر
الوزن : 128 كيلوجرام

نسبة الدهون : لا

و الاستفسار كالتالي :
السلام عليكم شباب
معي أستفسار بسيط
أنا مثل ما تشوفوا وزني زايد وايد يعني تقريبا 35 كيلو لازم انقصهن
وانا من 3 أيام بادي في الجيم والحمدلله الامور تمام
بس سألت الكوتش اللي معنا في الجيم وش أفضل نوع حارق دهون من اللي هم يبيعوه في الجيم
قالي هذا
أسمه aminostar fat burnner
وهذي صورته في المرفقات
أبي أعرف اذا هالنوعيه جيده او لا في حرق الدهون
واذا لا خبروني وش أفضل نوع لو سمحتوا

والاستفسار الثاني
أنا لأني أريد أبني عضلات سألت الكوتش هل ممكن أستخدم بروتين بصراحه
كنت أتوقع يقول لا بالاول لازم انقص وزني وبعدين البروتين
لكن خبرني في نوعيه ما فيها فات وايد وصورة المنتج من نفس الشركه اللي حاطه صورته
في المرفقات بس هو يختلف شوي
أسم المنتج Pure Whey
وفيه من مواصفاته Low fat , Low carp
ف ما اعرف اذا تشجعوني استخدمه او لا
وأنتظر أرائكم المفيده وأسف على ألأطاله
أخوكم محمد من سلطنة عمان

اخوي دامك جديد على كمال الاجسام ... العب شهر او شهر ونص بدون بروتين او حارق دهون ....

ولازم تمشي على جدول غذائي ..... وبلنسبه لحارق الدهون ومن خلال تجربه (ليبو 6 بلاك) ...... لكن ارجع واقولك خله بعد شهر او شهر ونص

بالنسبه لحارق الدهون هذا ما اعرفه

لكن انا بعلق على الجزئيه الثانيه

اقتباس:

---

والاستفسار الثاني
أنا لأني أريد أبني عضلات سألت الكوتش هل ممكن أستخدم بروتين بصراحه
كنت أتوقع يقول لا بالاول لازم انقص وزني وبعدين البروتين
لكن خبرني في نوعيه ما فيها فات وايد وصورة المنتج من نفس الشركه اللي حاطه صورته
في المرفقات بس هو يختلف شوي
أسم المنتج Pure Whey
وفيه من مواصفاته Low fat , Low carp
ف ما اعرف اذا تشجعوني استخدمه او لا
وأنتظر أرائكم المفيده وأسف على ألأطاله
أخوكم محمد من سلطنة عمان

---

حدد موقفك
انت تبغا تبني عضل ؟
والا تحرق ؟
والا الفات اللي في جسمك عاجبك بس ما تبغا تزيد ؟

وزنك جدا مرتفع
انت وزنك زايد اكثر من 40 كيلو اتوقع بتاخذ منك من 8 شهور الى سنه اذا شديت حيلك
يبغالك شغل لين تخفف
خفف وزنك وتراك بتترهل
بعدها ابني عضل عشان تشيل هالترهل
واساسا حتى لو بنيت عضل الحين ما راح يبين عليك شي

اقتباس:

---

المشاركة الأصلية كتبت بواسطة ياضلوم

اخوي دامك جديد على كمال الاجسام ... العب شهر او شهر ونص بدون بروتين او حارق دهون ....

ولازم تمشي على جدول غذائي ..... وبلنسبه لحارق الدهون ومن خلال تجربه (ليبو 6 بلاك) ...... لكن ارجع واقولك خله بعد شهر او شهر ونص

---

لا أخوي أنا متعود على الرياضه والجيم لأن قبل 5 سنوات كان وزني 118 وعملت رياضه لمدة 4 شهور مع نظام غذائي بسيط ونقص وزني
الى 90 كيلوجرام
وبعد مرور 4 سنوات رجعت لوزني السابق والسبب اهمال مني

اقتباس:

---

المشاركة الأصلية كتبت بواسطة O.X.Y.G.E.N

بالنسبه لحارق الدهون هذا ما اعرفه

لكن انا بعلق على الجزئيه الثانيه

حدد موقفك
انت تبغا تبني عضل ؟
والا تحرق ؟
والا الفات اللي في جسمك عاجبك بس ما تبغا تزيد ؟

وزنك جدا مرتفع
انت وزنك زايد اكثر من 40 كيلو اتوقع بتاخذ منك من 8 شهور الى سنه اذا شديت حيلك
يبغالك شغل لين تخفف
خفف وزنك وتراك بتترهل
بعدها ابني عضل عشان تشيل هالترهل
واساسا حتى لو بنيت عضل الحين ما راح يبين عليك شي

---

أنا حاب أبني عضل وفي نفس الوقت أحرق دهون
أنا حاليا أعمل كارجيو لا يقل عن ساعه ونص
وبعدها أشتغل ع الحديد

اذا في نوعيه من البروتين يباع في السوق ويكون Low fat وأحد مجربه ينصحني به لو سمحتوا

وشكرا أخواني على ردودكم المفيده

اعتقد حااليا انت بحاجه الى فقدان الشحوم اكثر من حاجتك الى بناء العضل
ولو حاولت تركز على بناء العضل وفقد الدهون بنفس الوقت بيكون امر شاق عليك وشيه مستحيل في ظل كمية الشحوم بجسمك
هذا اذا كان هدفك جسم متناسق
اما اذا كنت تبحث عن جسم عملاق ضخم مثل البديقارد فهذا امر اخر


نصيحتي لك التركيز على فقدان الوزن بنظام غذائي ,كارديو , سويدي , سباحه
حتى تحصل على جسم رياضي قوي ومتناسق وبعدها تبدأ ببناء العضلات وهذي اسرع الطرق

بالنسبة لرأئي الشخصي حول حارق الدهون أفضل لك ولي ولغيري عدم استخدامه الا في حالة الانتهاء من التضخيم
وصعوبة انزال نسبة الدهون بنظام التغذية والتمارين ممكن نضيف حارق الدهون كمساند ولكنه ليس اساسي

بالنسبة للبروتين اعتقد ان جسمك من النوع البناء بمعنى ان الايض عندك اقل من المتوسط يعني مراح تحتاجه الا في حالة بناء العضلات
اما الان فقد يزيد عندك عدد السعرات اليوميه وبذلك يزيد التخزين
فاذا انتهيت من التخسيس ممكن بعدها تستعمله كمكمل غذائي لبناء عضل صافي


وشكرا