خرافات بعض الاعضاء مع المكملات *ملتي فيتامين طلعلي عضلات!

السلام عليكم ورحمه الله وبركاته

بالأول احب احيي كل عضو يضع لنا خبرته و افكار بناءه عن خبره و قراءه وفعلن هذا الشي اللي خلاني ارجع لهمنتدى مواضيع رائعه ومفيده

لكن!!! بعض الاعضاء واعتقد الكثيرييين برا المنتدى خلا الواي بروتين كانه لولاه ماحتعضل او بسبب الكازيين صار احسن يعني بدونه كان ولاااشي حتى الان معقوله؟

http://bestcalciumsupplemen-t.com/wp...plement-18.jpg

الى ان صرت اشوف ملتي فيتامين واحد مسوي عليه موضوع يقول تجربتي معاه ووو .. مو لهدرجه اخواني تعضمون بهالاشياء البسيطه ترى جسم الانسان موب بهالبساطه بسبب كثره فيتامينات تتكون العضلات او بسبب حارق دهون او او او يصير احسن ومعضل ووو .. جسمنا معقد ومعقد جدا فالاساسيات هي النوم والاكل و التمرين وكلهم مكملين بعض.

ما ألوم بعض الشباب لان الصراحه ذكاء وحنكه الشركات المنتجه في الmarketing & sales رائعه ويعرفون شلون يجذبون الزبون و شلون يحسسونك انك مع هالمنتج راح تصير ارنولد زمانك ويبدون بس يقولون لك هالمنتج تنزل تحت تقرا التفاصيل يقولون لك لنتائج افضل خذ لك هالمنتج معاه وامورك تمام .. هاي غير الصور والفيديوات للاعبين كافلينهم كله سترويدات ويحسسك انه بس لانه شرب هالواي بروتين او البمب صار لهدرجه ضخم وقوي ..

كلامي موب من فراغ .. من قرائتي لبعض المواضيع هنا وهناك و الاهم تجربتي الخاصه وقفت انا استخدام المكملات لان الفيزا مالتي خلصت ومكسل اجددها وبنفس الوقت قلت خلني اشوف جسمي شلون بدونهم .. النتيجه نفس التطور والتحسن بدونهم! اللي سويته كالتالي : ثلاجه صغيره واله ستيم بخار بالغرفه و روحه عالجمعيه وشراء الاكلات الصحيه ومنها : بيض, بروكلي, بطاطا حلوه, خضروات, فول و حمص, تونا, شوفان, حليب السعوديه قليل الدسم, عسل ملكه النحل او عسل جبلي يماني, قهوه نسكافيه, موز, تفاح اخضر, كيوي, اناناس, اناناس, صدور دجاج, وستيك, و قطع دجاج متبله للشوي ( اذا لك مزاج تشوي بالبيت), شاي ابيض صيني والاخر بهارات تساعد للحرق كركم, قرفه, بودره فلفل احمر..ان شاء الله قريبا بحط فائده كل من هالمأكولات,, مثل مانكم شايفين مطبخ صغير بزاويه غرفتك, تغنيك عن المكملات بالف مره وافيد.

نصيحتي للمبتدئين او اللي المكملات اسرتهم اللي بدونها يمكن يوقفون يلعبون حديد لين ماتوصل الدفعه الجديده او حالته النفسيه تتغير بسببها, ركز بأكلك وماتخاف تقدر توصل للي تبيه بس عليك تثقف نفسك بالاكل وتعرف فوائد كل فاكهه و خضره و لحوم, شي ممتع ومفيد لحياتك كلها وحياه من حولك, هالمكملات مثلا ماخذين هالفوائد من وين من الاشياء الطبيعيه لعبوه فيها كيميائيا حولوها لبورده او حبوب و عطوك ياها بس! خلك واثق بجيناتك وجسمك ولاتخلي الشركات تلعب بمخك وتخليك تفكر انك لو دخلت الحديد لاااااازم تاخذهم, طبيعيا تقدر توصل لمستوى راقي بس عليك انك تكون قاري مواضيع التمارين و فوائد المأكولات والنوم المعتدل وبس

http://i.imgur.com/7RTc7.jpg
صوره لي بفضل النو اكسبلود :09: ههههههه ,, جسمي بعد اربع اشهر من التوقف عن المكملات والاستمراريه بالحديد هالصوره لاول يوم ابتدي فيه دايت 16/10/2011 اخوكم ناصر جيفارا;)

كلامكـ سليم وأنا أتفق معكـ في كل حرف ... ولن أعلق أكثر من هذا ....

يعطييييييييييك الف عافيه على هالكلام

المكمل اسمه مكمل حتى البعض ياخذ امور ماتهمه اساسا بس اهم شي سمع عنه قوي او شي يروح ياخذه
وكله دعايات بدعايات الفايدة منهم موجودة بس مماتتجاوز اننا نسرف ونبذر وننسى الاكل عشانهم


يعطيك العافية

كلام جميل واوقعي ..........ولكن علينا ان نعترف ان البروتين يكون له تاثير ايجابي في التغيير في البدايات فقط وانا هنا اقصد البروتين المسحوق (البودر) لتفوقه في بعض خصائصه عن البروتين الموجود في غذائنا العادي وهو في سرعة امتصاصه واسعاف العضله على وجه السرعه بعكس الطبيعي اللي يجلس في المعده ويتكي وياخذ علوم النكرياس وبعدين يسير على الكبد وهناك يمكن يلقاله اصحاب وصلو قبله وياخذ علومهم ويعطيهم علومه واحتمال يعزمونه على العشاء وبعدين يكمل مشواره على العضله اللي احتمال يلقى صف العزا قدامه . اما النقطه الثانيه فهو يعود على كونه انه تركيبه غذائيه مختلفه عن العاده لم يتعود عليها الجسم من قبل فقد يحتاج الى مده ليستطيع التعامل معه كقيمه غذائيه لا كتركيبه غذائيه وبالتالي سيقل معه التاثير كثيرا . ولكن قد ترتفع نسبة الاستفاده اذا ماتم دمجه مع محفزات تست او هرمون خاجي ........ همسه للجميع (انا هنا لااحرض على استخدام الهرمونات بكل اشكالها بقدر ماقدم معلومه عن من يبحث عنها .......... فالهرمونات خطيره جدا جدا جدا على الصحه )

^^
مسألة دمج المكملات مع هرمون راح يعطي نتيجة قوية جدا والسبب بأن الغدد بتشتغل 200 % وبعض الشباب القدامى في اللعبة يضرب وزنه في 3.5 في فترة التضخيم .... فلذلك لازم يستخدم مكملات ..

^

" خارج الموضــــــــوع "


شكرا لكـ

هذا الكلام ولا بلاش

الاغلبيه مفكرين ان المكملات كل شي

خاصه هالامينو قاهرني الكل يدوره وهو مجرد بروتين مهضوم يعطيك اقل من 3 قرام بروتين تقدر تاخذ حاجتك من اكلك او البروتين بودره

كلام منطقي وعقلاااني جدا شكرا لك

أرفع لك القبعــــــــــــــــة الحمرا :privateeye:,, وأقف لك لأصفقلك :35: وأحييك ..

:flowers:

صورة مع التحية للمبتدئين
صورة مع التحية للي ينتظر المكملات توصله عشان يتمرن
صورة مع التحية للي يعتمد على المكملات اعتماد اساسي
صورة مع التحية للي نفسيته تصير خايسه لما تخلص المكملات

&& سلــمـــــــــــــلـــــــــــــــــــــم &&

كلام رائع ويدعم نظرتي
لاني وقفت المكملات وابي اشوف النتائج


شكرا لك

موضوع رائع ولكن مرات وخاصه اذا وصلت لمرحله متوسطه باللعبه او محترف لابد من بعض المكملات تاخذها وتاكل كويس كويس جدا.

انا عن نفسي الان في الوقت الحالي ما استخدم ولا مكمل,

لكن في الايام الي راحت استخدم بروتين مرة واحدة فقط او مرتين كحد أقصى والاهم يكون بعد التمرين ويفضل واي بروتين عشان الامتصاص.

لكن ارجع واقول اذا وصلت لمرحله متوسطه او محترف باللعبه لازم تدخل كورس قوي قوي+نظام غذائي صارم ودقيق.>وجهة نظري وانا اقول ان شاء انها صحيحه.

كلامك سليم جداً الأكل وحدة يكفي لبناء أقوى العضلات..لكن انا شخصيا استخدم بودرة البروتين لضيق الوقت و ليس لقوتة الخارقة كما يعتقد البعض...و تحديدا استخدمة الصباح قبل الدوام..
لأنه ما عندي وقت أجهز أكل يكون فيه بروتين..و غير كذا ان الصباح النفسية تكون منسدة..
فأول وجبة في يومي عبارة عن ساندويتشين فول سوداني بالعسل مع سكوب برو كومبلكس مع 250 ملل حليب منزوع الدسم..
أما وجبات باقي اليوم هي عبارة عن تونة و صدور دجاج..
و أنا شخصيا استخدم الملتي فيتامين..لأني مااااااااااا أحب شي اسمة فوااااااااااااااااااااااااكة...لأنها تنفخ بطني و تسببلي غازات و ازعاج في البطن.

[COLOR=#fafafa !important]

[/COLOR]

http://www.google.com/uds/css/small-logo.png

كلام سليم .. بس الأكل الجيد مع المكمل يعطي نتيجة أفضل وهذا عن تجربة .. لأني سبق أن لعبت بدون مكملات 3 أشهر وقطعت سنتين ورجعت في خلال 3 أشهر مع المكملات الاستفادة أكبر .. باختصار الاعتماد على الأكل الصحي بشكل أساسي وبعده المكمل .. المشكلة أن البعض يحط المكمل في المرتبة الأولى وبعده التغذية ..

ولا ننسى أن هناك خرافات مقابلة .. وهي أن المكملات كالبروتين خطيرة على الصحة وأن الذي يستخدمها مش طبيعي .. ما في زي الاعتدال

ونقطة أخيرة نسيتها على طاري التسويق .. من حق الشركات تعمل تسويق لمنتجاتها وهذا لا يعني أن منتجاتها غير جيدة وانها تضحك على الناس .. شركات الألبان تعمل تسويق لمنتجاتها خنفشارية هل هذا يعني أن اللبن غير مفيد

موضوع رائع اخي ... بس بدك الصراحة سكوب البروتين بعد التدريب بعطي نتائج افضل ولا يمكن التخلي عنه ...