استفسار عن عمل بعض المكملات و وظيفتها (انيمال/كرياتين/امينو/الخ)

معلومات المتقدم بالاستفسار :
العمر : 22 , الجنس : ذكر

الطول :169 متر
الوزن : 50 كيلوجرام



و الاستفسار كالتالي :
السلام عليكم ورحمه الله وبركاته


ادري غثيتكم (اكثر شخص ينزل مواضيع استفسارات :p) لكن ماعليه راعو حالتي وافيدونا جزاكم الله خير


يالربع انا سمعت بعض اسامي المكملات وانجنيت وتلخبطت الحسبه وياي ولاادري وش اخذ الحين


الحين انا اعرف ان (السيرياس ماس / الميقا ماس / الواي بروتين / برو كمبلكس / الخ .. )
هي عباره عن مكملات غذائيه

امنا بالله



لكن طلعت شغلات جديده ماني فاهم محلها من الاعراب بالظبط

سؤالي

1) الكرياتين شنو وظيفته ؟
2) الانيمال باك ولانيمال ستاك والانيمال بمب شنو وظيفتهم كل واحد على حده؟
3) الجلوتامين شنو وظيفته ؟
4) الامينو شنو وظيفته ؟
5) الملتي فيتامين شنو وظيفته؟
6) محفز النمو هل يضر او لا؟
7) وسمعت عن شغله توسع العروق وش فايدتها؟
ملاحظه(مع ذكر افضل نوع لكل سؤال)


همسه لطيفه ( انا لي اسبوعين بالنادي لكن اذا تدربت اتعب بسرعه ولا اقدر اكمل الجولات كامله .. محتاج لي شي يمدني بالطاقه عشان اتحمل اكثر.. وابي استغل النحاله واحصل على جسم عضل صافي مقسم .. لاتبخلون علي بنصايحكم ياوحوش)



اخوكم المزعج
قرناس

شاكر لكم جميعا وادري تعبتكم معي

وعليكم السلام ورحمة الله وبركاته

اخي بإختصار
ابحث عن حاجتك
لا تبحث عن مكملات ثم تنظر اذا تحتاجها او لا
العكس
شف انت وش تحتاج يعني وش تحس ناقصك
وبعده ابحث عن المكمل المناسب لهالمشكلة

بالنسبة للي ذكرتهم
الكرياتين يمد العضلة ببروتين اكثر ويعطي قوة وصلابة اكثر ويعيبه زيادة الماء بالجسم
الانيمال باك ملتي فيتامين والستاك محفز هرموني والبمب مكمل باور وطاقة
الجلوتامين حمض اميني يساعد على استشفاء العضلة وتلقى له مواضيع واجد بالقسم المميزة
الامينو عدة احماض امينية وكل حمض له وضيفه خاصة وفيه منها الي يصنعها الجسم وفيه منها لا والاحماض الامينية هي اساسا بروتين مهضوم
الملتي فيتامين كل فيتامين وله وضيفة ومهم للرياضي وغير الرياضي اكيد
محفز النمو ان شاءالله مايضر
وتوسيع العروق تقصد اكسيد النيتريك واكسيد النيتريك موجود بالجسم يفرزه ويساعد على زيادة افرازه الارجنين والسيترولين وبعض الاعشاب



بالنسبة للتتعب بسرعه هنا ماتحتاج لمكمل طاقة
لإن التعب بسرعه ناتج عن نقص بالتغذية من ناحية الكارب المعقد قبل التمرين
لازم تاكل وجبة كارب قبل التمرين بساعه ونص

والله مدري شلون اشكرك اخوي بردان عز الله انك ماقصرت معي جزااك الله الف خير يالغالي عقبال ما اعلمك بالتقدم اللي صار معيخلاص انت مدربي الانترنتي :pوابشرك خمس ايام زدت كيلو ونص ولله الحمد عقبال ما اعلمك بالنتايج الطيبه عن قريبوابي رايك عقب الاستخاره قررت اشتري ( واي بروتين + كرياتين + انيمال ستاك + احتمال اخذ بمب واحتمال لا )؟

لاتشكرني ولا شي اخي ههه من منا كان يعرف هالمعلومات قبل لايبدا
هذي معلومات بسيطة راح تكون عارفها اساسا مع البداية كل شي يجي ان شاءالله وانا والله بالخدمة لكن انا مجرد مبتدئ للإن ماوصلت لمرحلة اني اكون مدرب : )

بالنسبة للكورس
هو كورس قوي لكن انا مانصحك فيه السبب انك للان بادي بالتمرين
حاليا انصحك بالبروتين فقط مع ملتي فيتامين مع تحسن تغذيتك وبعد كم شهر تضيف الكرياتين
وراح يساعدك على تحسين جسمك
وبعد كذا ان شاءالله لما تاصل لمرحلة متقدمة شوي
تكون بحاجة للمحفزات ولمكملات البمب والطاقة
حاليا مكملات الطاقة تاخذها بس حق تضيع فلوسها وتدمن عليها خل العضلة حاليا تاخذ على الوزن بشكل طبيعي
وعاددتا المبتدئ يلقى نفسه اسبوع عن اسبوع يزيد اوزانه تدريجيا لكن لاوصلت لمرحلة متقدمه يصير عندك ثبوت باغلب الاوزان فهنا تحتاج لمكملات الطاقة عشان تتجاوز هالمرحلة


اتمنى تكون الصورة وضحة

عز الله الصوره واضحه وماقصرت على هالنصايح الممتازه لكن اذا فات الفوت ما ينفع الصوت ههههههه للاسف توني قريت ردك وقبل ساعتين كنت راجع من جي ان سي وشريت (واي بروتين نيترو تك + انيمال ستاك + امينو 1800 حبوب + كرياتين حبوب )ويوم شفت حجم الحبوب انسطلت والله .. مدري شلون جسمي بيتحمل هالحبوب قبل التمرين ( 3 امينو + 2 كرياتين +كيس انيمال)اتمنى توجهني فديتك لاني احس بضياع :(

ياهلا هههه
الشكوى لله بس ممكن تكنسل الامينو
والكرياتين تخليه كله بعد التمرين تقدر او تخليه 2 قبل

ان شاءالله تلقى منهم الفوايد الي ترضيك

الله يجزااك خير يالبطل
وكنسلنا الامينوو وراح اوافيك بموجز النشره بعد شهر :p

لاهنت لاهنت لاهنت مدد بلا عدد