كورس تنشيف + تضخيم

معلومات المتقدم بالاستفسار :
العمر : 30 , الجنس : ذكر

الطول :176 متر
الوزن : 89.1 كيلوجرام

نسبة الدهون : 26%

و الاستفسار كالتالي :
السلام عليكم ياخواني الاعزاء

شكراً لكم على وقفتكم معاي في استفساراتي السابقه وفعلاً استفدت بعد الله ثم بوقفتكم معاي\


موضوعي المره هذي هدفي تنشيف وتضخيم ان لدي بنيه عضليه حلوه واسعى للاكثر بإذن الله ومني حاب افقدها بفترة التنشيف
والمكملات كالتالي :

بروكمبلكس
أوكسي اليت برو
كرياتيتين ( المشكله مني عارف اضل نوع كراتين للتضخيم )
أمينو ( لسا ماحددت اي نوع )
جلوتامين
واذا في اي اضافات ياليت تنصحوني ما استغني عن اراءكم المشكله عندي دهون بالبطن والخواصر
وشاكر ومقدر لكم

اخوي الفاضل مايصير تنشيف وتضخيم حدد مبتغاك

بالنظر لنسبه الدهون ووزنك الحالي انصحك وبشده بالتخسيس

نسبه دهونك عاليه ووزنك ايضا عالي

اي استفسار لاتتردد وان شاء الله بيفدوك الاعضاء في باقي الاشياء

هلابك اخوي مشكور على ردك اكون صادق معك انا هدفي الاساسي تنشيف بس حاب اني ما افقد الي بنيته فهمت علي على الاقل اذا ما زاد ما اببه ينقص طال عمرك بانتظار نصائحك ونصائح الاخوانالله يجزاك الجنه

حبيبي تنشيف تقولها لمن تكون نسبة دهونك 11-16 .. انت يبي لك تخسيس.حرق الدهون وبناء العضل بنفس الوقت شبه مستحيل الا اذا كنت مبتدئ اول شهرين بالنادي.بحالتك انت خسس، دهونك عااالية ووزنك ككل عالي على طولك زي ما تفضل اخوي الكلباني.راجع اكلك ونومك وما اعتقد بحالتك تحتاج مكملات انت تحتاج دايت صارم.

اتفق مع اخوي da s.o.s

خسس وابني لك عضل وبعدين فكر فالتنشيف

هلابكم اخواني مشكورين ماقصرتو بس الصراحه جاني احباط شوي بس يالله مايزيدني الا اصرار بإذن الله طيب بخصوص المكملات الي كاتبها فوق ايش اخذ وايش اترك منها وان شاء الله باسمع نصائحكم واشكركم كل الشكر بوقفتكم معاي