اقدر انشف منطقه البطن مع كورس ضخامه

معلومات المتقدم بالاستفسار :
العمر : 25 , الجنس : ذكر

الطول :173 متر
الوزن : 76 كيلوجرام



و الاستفسار كالتالي :
السلام عليكم ورحمة الله وبركاته

استفسار .. اعزائي الكباتن

انا اتمرن صار لي اكثر من سنتين واثناء فترت التمرين اقطع من سبوعين الى شهر كحد اقصى

وحاليا انا داخل كورس للضخامه .. ومنطقه البطن نوعا ما فيها شوي دهون

وانا ابي انشف منطقه البطن والخواصر بالكامل علشان يوضح الجسم ويصير احلى وبعض المعالم
توضح كالجناح والصدر وغيره

.. ياليت تفيدوني وللعلم انا اخذ بروتين ضخامه دبروسي بدون فات وكارب عالي
وامينو كبسولات منتضم عليها وقلتومين وانيمل ستاك

والهدف : ان جسم يبين ضخم ومايهمني اني التقطيع المركز للعظله او التنشيف .. يهمني فيه عظل وضخامه بس منطقه البطن تكون ناشفه

مستحيييييييييييييييييييييييييييييييييييييييييييييييييييل

المعادله هاذي صعبه جدا وانا اخوك
اعطي المرحله ( التضخيم ) حقها الكامل من سعرات حراريه معقوله (يعني لاتعلي زي اللى ياخذون هرمونات ولا توطي زي اللي ماخذين اللعبه كرياضه تحريكيه . حتى لاتصعب عليك مرحلة التنشيف ) بالاضافه الى التمرين الجاد الحاد والنوم والراحه الكافيين

وبعد ماتحس انك ضخمت ووصلت لدرجة الرضا ابداء المرحله الثانيه ( التنشيف ) واعطيها حقها من السعرات الحراريه المتدنيه عن السعرات الحراريه في مرحلة التضخيم بنسبة 20 % في الاسبوع الاول ومن ثم تدريجي كل اسبوع( - 20 %) حتى تصل لنسبة 40 % والثبات عليها حتى تحقيق الهدف + كارديو عالي الحده + حارق. (مثل ماستخدمت محفز في مرحلة التضخيم) + التمرين الجاد في الجيم حسب الاستطاعه ( في الاوزان ) لانها لازم تنزل اوزانك بحكم المرحله التي تقتضي سعرات حراريه متدنيه.

وحبه حبه توصل للبطن الناشفه . بس لاتستعجل.
يعني من الان الى العيد اذا الله اعطاك عمر تكون قيافتك للثوب 100 % ...............ههههههههههههههههه ترى امزح . للتحفيز فقط
وموفق يالحبيب

ما تقدر تنشف منطقه ومنطقه لا . يعني انت خبير وعارف الشغله كيف ماشيه . بس تقدر تمنع البطن ما تكبر عن طريق تمرينها يوميا. لانك لو نشفت فالدهون تنزل من الجسم كله ما تنزل من نقطه عن الثانيه

مستحيل تختار منطقة معينه تنشفها عن دون الجسم كله
مستحيل تكسب ضخامه دهون وبطن مقسم
تختار يا تنشف الآن يا تنشف بعدين وتدخل كورس ما يقل عن شهر
ومو شرط تكسب دهون وانت تضخم
وتمارين البطن تقوي العضله وتقسمها لكن ما راح تظهر طالما في دهون عليها


راجع موضوعي اللي في التوقيع فيه كلام بيفيدك ان شاء الله

نصيحتي لك اخوي تعمل مثل ما انا سويت

خذ لك يومين بالاسبوع تمشي نص ساعه + العب بطن 3 مرات بالاسبوع ( مع اوزان معتدله الى خفيفه ، و تركز بالتمرين ، لا تاخذه مجرد تكرارات و تقول هذا بينشف ويحرق الدهون بالمنطقه هذا خطأ كثير واقعين فيه )

يعني مثلا العب بطن 3 تمارين ، مثلا العلوي جهاز مع وزن 3 جلسات كل جلسه 15 تكرار + بطن سفلي سحب بالكيبل ( تربط الربطه حول قدمك و تنسدح على ظهرك و تسحب و تنزل ) وزن بسيط 15 تكرار 3 جلسات + الجوانب في تمارين كثيره تقدر تلعبها مع وزن معتدل ،،

و بهالطريقه تكون بنيت عضلات البطن ، و بعد عدة شهور بتلاحظ بطنك قويه و عضلاتها مبنيه بشكل سليم ولكن تغطيها قليل من الدهون ، واذا دخلت بمرحله التنشيف وتلعب كارديو شهر شهرين بتلاحظ بدأت عضلات بطنك بالظهور بشكل رااائع

انا مشيت على هالتجربه مع اني الى الان ما دخلت مرحله التنشيف و بدأت عضلات بطني بالظهور الحمدلله ، لاني لعبت بتركيز مرتين و احيانا 3 مرات بالاسبوع ، ولا تلعبها يوميا لان عضلات البطن بحاجه الى راحه حالها حال اي عضله في الجسم اقل شي 48 ساعه ، اذا كنت تلعبها بأوزان و بتركيز عالي

اتمنى اكون افدتك .. و موفق يآ بطل شد حيلك

ومنكم استفدت يا آبطال

اشكركم على المساعده و وصلت المعلومه بالشكل السليم

دمتم برعايه الله واشكركم على تعاونكم