نصيحه برنامج تضخيم ارجو المساعده

معلومات المتقدم بالاستفسار :
العمر : 22 , الجنس : ذكر

الطول :178 متر
الوزن : 87 كيلوجرام

نسبة الدهون : 27

و الاستفسار كالتالي :
السلام عليكم

شباب انا اعتبر نفسي مبتدئ بالحديد كنت ادخل قبل 3 شهور واطلع ها الشكل ها المره ناوي ادخل صح وابني جسمي صح

طبعيه جسمي تقسيمه جسمي حلوه من فوق صدر زين وكتفي زين والذراع زينه اللهم يبيلها حديد انا جسمي يتشكل بسرعه بس اللهم لازم امرن عشان تشد وتتطلع احلى انشالله المشكله عندي كرشه خايسه بس لاهي كبيره وايد ولاهي صغيره يعني اذا سحبت بطني تبين سيده ولا هديتها تنقز ههههه جسمي متناسق بس كرشه خايسه المهم انا ناوي اضخم وسمعت انه عادي اطنش الكرش الحين فتره التضخيم لانه عقب التضخيم بنشف

الهدف
اني ادخل تضخيم واستخدم برنامج بو راشد طبعا بعد اول شهر تمرين على مامرن كل عضلات جسمي عشان تتعود قبل لادخل البرنامج

اكلي حاليا

الصبح بيض الغدى عيش ودياي وسلطه وها السوالف العشى ساعات شورما ساعات معكرونه ساعات ستيك

كورس المكملات

برو كومبلكس بروتين + امينو2222 + جلوتومين + كيرياتين 6000+ اوبتيمن فايتمنز+ انيمل ام ستاك ( محفز نمو) + حبوب فش اويل (زيت السمك)

انا حاليا في فتره التصخين يعني لحين ماكملت شهر بس ناوي من اكمل شهر ادخل برنامج ابو راشد للتضخيم

الي ابي اعرفه الله يسلمكم

هل برنامجي متناسق مع المكملات؟

انا حاليا امشي يوميا 30 دقيقه ومطنش تمارين البطن هل امشي على الجهاز يوم ابتدي برنامج التضخيم وهل الي اسويه صح بما اني بضخم؟

في نصايح تبون تقدمونها لي بخصوص الكرش او التمرين او الاكل؟

وهل التضخيم راح يسنع شكلي ع الاقل مع الكرش شوي؟

تكفون يا كباتن فزعتكم

اختصر كل كلامك
واقولك فتره 3 اشهور مو واجد
----
انت حاليا نزل وزنك,
لا تفكر بالتضخيم ابدا الا لمن تنزل وزنك
لاسباب انت راح تفهمها مستقبلا ولمن تتعمق باللعبه وراح تعرف العذاب الى تكتسبه اذا ضخمت وعندك دهون
وفوق كل هذا تقول عندي كرشه
صعبه والله
---
ا

ماقصرت ياخوي بس ممكن تشاركنا الاسباب المستقبليه والمعاناه عشان نسفتيد الله يرحم والديك

لانه الكابتن او راشد دايمن يقول ضخم ولا تخاف ماعليك من الدهون لانك بتنشف عقب

حاضر
انا مايحضرني شنو الاسباب المستقبله ولكن يحضرني جزء منها
--
الكابتن ابو راشد يقول ضخم اذا كان جسمك مقبول ماقال ضخم وجسمك فيه دهون
---
عموما
الاسباب
كتله العضم والدهون معا
تتعب في التنشيف
راح توسوس
راح تقول العب تكرار العب لا امشي ما امشي اركض اخاف اخسر عضل شنو استخدم جولتامين لا اخاف يروح غيره
راح تشوف مناطق نشفت ومناطق لا وراح تركز اهتمامك كله على هالجزء وتخلي جزء
وراح تعتمد خواصر ومعده تكثف البرامج والكارديو
والكثير
اشياء ماتحضرني والله
لكن عانينا وشفنا ونصحنا وقاعدين ننصح
نسق جسمك نزل دهونك
وضخم وانت مرتاح

---

تسلم ياخوي وماقصرت زين ممكن اصور جسمي وانزل الصور على الموضوع بعدين ودي انك تشوفه وتعطيني رايك وشاكر لك نصايحك القيمه والمفيده

انا بنزل الصور بعدين ورايك وشورك

حاضر
نزل
بس انا قاعد اقولك الاصح
عشان ماتتعب بعمليه التنشيف