ماهو الفرق بين الامينو و ال bcaa ؟

معلومات المتقدم بالاستفسار :
العمر : 29 , الجنس : ذكر

الطول :182 متر
الوزن : 92 كيلوجرام



و الاستفسار كالتالي :
السلام عليكم

ماهو الفرق بين الامينو و ال bcaa ؟

وهل يمكن ان نحصل عليهم من خلال الاكل بالنسب المطلوبة ؟

تحياتي لكم

وعليكم السلام

الامينو اسم شامل
للاحماض الامينية الي هي تتصنع بالجسم جراء هضم البروتين
تتقسم ولكل حمض اميني مهام خاصة وتقدر تراجع المواضيع المميزة بتلقى فيه كلام عن الاحماض الامينية
فيه منها اساسي لك كلاعب كمال اجسام وفيه منها غير اساسي وفيه منها شبه اساسي " مساعد "


البي سي اي اي ماهو الا رمز لثلاثة احماض من الاحماض كلها وهالثلاثة هي الاساسية للعضلة والاساسية لك كلاعب كمال اجسام
والمشكلة ان الشركات
تنتج منتجات احماض امينية شاملة ويحطون البي سي اي اي بكميات قليلة عشان ينتجون منتج اخر ويسمونه بي سي اي اي ويصير فيه بتركيز عالي
ططبعا لاغراض ربحية لهم وهالسوالف
فا لك كلاعب اجسام تحتاج للبي سي اي اي " الليوسين والايزو ليوسين والفالين " بكميات كبيرة عشان كذا الافضل دائما وابدا البي سي اي اي صافي
اما بقية الاحماض كفايه الي تحصله منها من الاكل والمكملات البروتينية


الخلاصة البي اسي اي اي = سلسلة الاحماض الامينية الاساسية


اسف ع الاطاله والفلسفه الزايدة بس لانه دايم تجي مثل هالاسئلة وحبيت تكون الصورة واضحه

^ ^
ماقصر الكابتن عمر بالإجابة ..

وأنا اضيف انك لو تبي كورس متكامل تجمع : مكمل بروتيني + و Bcaa + كرياتين او جلوتامين

كذا انت جمعت اكبر عدد من الاحماض منها للبناء و الريكافري وللطاقة

الله يعطيكم الف ترليون عافية

والله بصراحة قبل لانوصل لهذا المنتدى ضايعين ولا ندري وش السالفة

لكن الحمد لله الشباب هنا شغالين تمام والله يكتب لهم الاجر

لانه بصراحة اكثر المدربين مايهمه الا الربح المادي فقط

لكن بعد قراءة صفحات كثيرة في هالمنتدى وخاصة قسم الاستفسارات صارت اكثر الاشياء واضحة

اكرر شكري للاعضاء هنا في المنتدى واجابتهم لجميع الاستفسارات

استفسار لاهنتم

ال bcaa افضل حبوب او بودر ؟ وياليت ترشحوا لنا افضل شركة للهمنتج

+ استفسار هل الجلوتامين الموجود في الواي بروتين يكفي ام يجب ان ناخذ جلوتامين صافي ؟

لاني قرات في بعض المواضيع اذا انت في فترة تضخيم يكفي الجلوتامين الموجود في الواي بروتين

وبعض المواضيع تقول انه لايكفي

البي سي اي اي افضل البودر
ولو اخذت الحبوب ايضا مهو سيء لكن البودر دائما افضل واسهل للامتصاص
وبالنسبة للشركات واجد اهم شي ابحث عن اسم شركة معروف وراح يكون كويس ان شاءالله
ديماتز او اوبتمم بس احرص ان لايكون كبسول

او الاتجاه الافضل برايي هو الاكستند = ( بي سي اي اي + جلوتامين )


بالنسبة للجلوتامين كافي الموجود من البروتين والاكل بإذن الله بالتضخيم واساسا هو غير اساسي بالتضخيم