استفسار عن المكملات الغذائيه وحارق الدهون

معلومات المتقدم بالاستفسار :
العمر : 23 , الجنس : ذكر

الطول :171 متر
الوزن : 79 كيلوجرام



و الاستفسار كالتالي :
السلام عليكم ورحمة الله وبركاته

كيف حالكم ياكباتن ان شاء الله طيبين
اخر مشاركه لي كانت في الصيف الماضي ^_^ كنت احاول انقص وزن ولله الحمد بفضل الله ثم بتوجيهات المدرب واستشارة الإخوان في المنتدى وصلت لنتائج رائعه ومُرضٍيه ونزلت من وزن 80 إلى 65 ولكن بعد العرس والروتين الميت والاكل بالخمس :q رجعت لخط الصفر ولكن تعلمت اني استطيع الوصول للنتائج المرجوه مع التدريب والاصرار

المهم ما اطول عليكم انا الحين العب بالنادي و ناوي ابني عضل وانشف و قررت اخذ مكملات لكن محتار بين مجموعتين

المجموعه الاولى : BCAAs +No Xplode + iso 100
المجموعه الثانيه : nitro-peak + No Xplode

فياليت تفيدوني بالمكملات وأي مجموعه الافضل ولوفيه تعديل على المجموعات او اي اضافه لا تبخلون على اخوكم ^_^

ونصحني المدرب ايضا بمنتج حارق للدهون اسمه Grenade يقول انه رائع وقوي اخذه مع المجموعه اللي اختارها

فياليت اي نصيحه او اضافه واللي يقدر يزودني بمعلومات عن المكملات اكون شاكر له

واعذروني عالاطاله وما قصرتوا

وعليكم السلام ورحمة الله وبركاتة

شوف اخوي الغالي بلنسبة حق البروتين ايسو 100 ممتاز جدا والاكسبلود هم يمدحون فية والبسي ممتاز طبعا احماض امينية بس لا تدخل منتجين بامب مع بعض اختار
واحد فيهم بس واذا ناوي تنشف ابتعد عن منتجات البمب اتمنى اني افدتك

بارك الله فيك اخ sukhoi 35

بس ما فهمت قصدك بمنتجات البمب ياليت لو توضحلي اكثر معنى بامب

واشكرك على الاضافه الطيبه

منتجاب البامب هي الي بتعطي بااور اثناء التمرين مثل No Xplode اخوي

بارك الله فيك اخوي ukss
طيب هل في مجموعه من اللي انا مختارها فيها اكثر من منتج بامب لان الاخ sukhoi 35 نصحني بالابتعاد عن استخدام اكثر من منتج بامب!!

المجموعه الاولى جيده و ما فيها الا منتج بامب واحد الي هو نو اكسبلود

و طبعا يفضل ان لا تستخدم النو اكسبلود مع حارق دهون
لان حوارق الدهون في العاده تكون فيها نسبه كافين كبيره و منتج البامب فيه نسبه كافين كبيره بعد
و من الاحسن انك تختار شيء واحد بس اما حارق دهون او منتج بامب
و اتمنى اني افدتك