التركيز في التمرين ! وتمرين الاوفر !

معلومات المتقدم بالاستفسار :
العمر : 29 , الجنس : ذكر

الطول :182 متر
الوزن : 92 كيلوجرام



و الاستفسار كالتالي :
دائما العب التمارين بتركيز وبكل هدوء

اليوم كان فيه شخص يتمرن لكن بسرعة سألت المدرب اللي اشك في معلوماته

قال لي : تمرينه صحيح ولازم تغير في تمارينك يعني تلعب تمرين بكل هدوء والاسبوع القادم تلعب نفس التمرين لكن بسرعة

ماأدري هل كلامه صحيح !

الاستفسار الثاني : تمرين الاوفر

تضع ظهرك على الكرسي وتمسك الدانبل وترفعه فوق صدرك وترجع فيه الى خلف راسك

التمرين معروف للجميع لكن المدرب يعطيني هالتمرين مع تمارين الظهر لكن احس بتأثيره على الصدر اكبر

رجعت للبرنامج في الايفون لقيت العضلة الاساسية المستهدفه هي الصدر والعضلة الثانوية هي الظهر

رحت للمدرب وقلت له قال البرنامج عندك خطأ العضلة الاساسية هي الظهر

ياليت تفيدونا

ودمتم بود

السؤال الاول تقدر تتمرن بسرعه بس لازم يكون بكنترول وفي حالة ثانيه هي انك تتمرن بسرعه وقت التنشيف . ويفيدونك الخبراء اكثر واكثر باذن الله .

السؤال الثاني الاوفر اذا كنت تسويه ويدك ممدوده تماما في النزول والطلوع هذا للصدر ( الريش ) واذا كانت يدك مثنية فيصبح للمقانص ورا الريش على طول . ويفيدونك الخبراء اكثر واكثر

السلام عليكم

نعم تقدر تلعب التمارين بسرعه
بس مو معقوله اذا لعبت بسرعه راح تلف يمين ويسار وماتدري شنو تلعب اكيد راح تلعب بتركيز وبطريقه انت عارفها وعارف شلون تروح بالوزن يمين ويسار

* اذا لعبت بوزن ثقيل وحسيت مو ذاك الزود العب جوله اخيره زياده وحط وزن خفيف الى متوسط والعب على مهلك وطق فيه 20 لو تقدر
* الاوفر يلعبونه البرو كـ تمرين للظهر بس خلك على الصدر

كلام اخوي الناعسي على ما اعتقد صحيح.

لأني دائما اذا فردت يدي للأخير احس بشد بالصدر+لازم انت نفسك تخلي فكرك وجهد الوزن على الصدر فقط لا غير.
والظهر نفس الشيء اثني المرفق وانزل للأخير واطلع طبعا تكون يدك مثنيه ولاتحركها ابداا+تكون مركز على الظهر وتحط قناعتك انه تمرين ظهر.
>>((وجهة نظري))
وصراحه ودي أحد المحترفين بالمنتدى يرد ونشوف رده.

الله يعطيكم العافية جميعا وهذا التفاعل ليس بغريب على اعضاء هالمنتدى

تمرين السرعة في التمرين واضح الان

لكن تمرين الاوفر غريب هالتمرين غريب سألت ثلاثة أشخاص خبرة في النادي

اثنين منهم يقولون انهم يأخذونه مع الصدر والثالث يقول اخذه مع الظهر

على العموم انا بطبق بكره اني اثني المرفق واخذ وزن ثقيل ابغى اشوف وين نقطة التأثير الاساسية

يا جماعه انا اتفرجت تمرين لدورين ياتس كان دمرين ظهر وكان بيلعب للافر وايده مفروده ده الادء الصحيح للمجنص ام البنش بتكون الايد متنيه بالنسبه للعب بسرعه ده غلط والوزن ممكن يقع منك ويحصل اصابه فى طريقه للتمرين انك ممكن تلعب العضله بوزن عالى وتيجى المره الجايه تلعب بوزن خفيف ده نوع من انواع الدروب للعضله