ابغي اغير مكملاتي .. وابغي مساعدتكم

معلومات المتقدم بالاستفسار :
العمر : 16 , الجنس : ذكر

الطول :169 سم

الوزن : 67 كيلوجرام

نسبة الدهون : 8

و الاستفسار كالتالي :
السلام عليكم ورحمة الله وبركاته

كيف حالكم ؟ إن شاء الله بخير

شباب انا كنت العب تايكوندو (رياضة قتالية) لمدة سنة تقريبا ويوم صار عمري 16 دخلت ب رياضة كمال اجسام

بس كان جسمي ناشف جدا ..نسبة الدهون كانت 3% والوزن 50

تمرنت 3 شهور طبيعي .. ضخامة و قبل ما اتمرن كان وزني 50 واصبح 60 ونسبة الدهون 5%

وبعدين استخدمت هل مكملين لمدت شهرين

1- سيريس ماس
2- سوبر امينو 4800


وكان وزني 60 واصبح 67 ونسبة الدهون 8

والحين ابغي اغير المكملين واخذ مكملين اقوى بالضخامة .. لاني ابغي اضخم زيادة .. لانه جسمي ناشف ونسبة الدهون 8 .. لاكن العضل الحمدلله عاجبني ..


وابغيكم تساعدوني بأختيار المكملين واذا عندكم نصائح

والسموحة على الأطالة

وعليكم السلام

اخي واصل انت زايد عشره كيلو بدون مكملات

والمكملات بعمرك ماتنفع وتراها ماراح تفرق بالنتيجة بين الي ياخذ مكملات وبين الي ضابط اكله

واصل بدون مكملات افضلك وامن لك

تسلم كابتن بردان .. على الرد

بس كابتن انا اخاف يوم اودر المكملات واعتمد على التغذية .. يمكن جسمي يتغير او ينزل ..يعني كمية البروتين تقل

وانا الحين ما اقدر اوفر التغذية المناسبة لانه الحين امتحانات .. وصعب اصلا انا يوم كنت اتمرن طبيعي كنت اعاني فالأكل واايد

ويوم اخذت هل مكملين خف علي الحمل شوي ..

كابتن انته تقول لهم ضرر علي ؟ انزين شو هو الضرر ! انا محافظ على عمري واشرب ماي بكثرة وعندي فكرة على اللي اخذة

والسموحة على الأطالة .. :)

اكثر المكملات يكون مكتوب عليها لاتصلح لمن هم دون الـ 18
ولم اقل فيها ضرر قلت الابتعاد عنها افضل

وبالنسبة لسؤالك مافيه مكمل من ناحية زيادة الوزن اشوفه اقوى من السيريس ماس
استمر عليه دامك شايف نتايج كويسة ولاتستعجل النتايج
7 كيلو مهي بسيطة ابد الناس تجلس سنه كاملة تمرن وتفرح بمحصلة 7 كيلو صدقني

تسلم كابتن على التشجيع

ربي يحفظك