الدوري السعودي في الميزان..(ما الذي تغير؟)
قبل مدة ليست بالطويلة (سنتين او ثلاث) كانت اذا جت مباراة للهلال نجتمع انا و كم واحداذا ما رحنا للملعب نتحمس لها يعني لازم نروح للبقاله و نجيب كولا و شيبس (مصدقين عمرهم في السينما ) المهم تشوف الحماس و الاثارة الفريقين يدخلون و الجماهير غفيرة يعني تتحمس غصب. و اذا انتهت المباراة fفوز تشوف الفرح و العكس عند الهزيمة..... و يجي اليوم الثاني للمباراة تروح لجمعة ما تسمع الا كلام عن المباراة و هواش بين هلاليين و نصراويين و اذا دخلت النت ما تلقى شات و لا منتدى الا و تكلم عن المباراة و يالله كل واحد يبرر الهزيمه او يشرح اسباب الفوز و حروب و معارك ضارية بين مشجعي الزعيم و عشاق الاصفر او بين محبي القلعه و جماهير الاتي......
اما حاليا الواحد ما يدري ان فيه مباراة لفريقه المفضل الا اذا بالغلط شاف قناة السعودية لا و حتى اذا كملها نام بنص المباراة و سواء خسر الفريق المفضل او فاز كله واحد و آخر شي خروج الهلال من كاس ولي العهد!!لاحس ولا خبر!! ما سمعنا ذيك الضجة الي صارت يوم الطائي اخرج الهلال قبل مواسم في نفس المسابقة و تأهل للنهائي!! و في هذا الموسم الذي توقعنا ان تكون الاثارة في ذروتها بسبب تغيير نظام المربع الذهبي و الصراع على المركز الاول تفاجأنا بهبوط المستوى الى ما تحت الصفر !!
المهم لب الموضوع و السؤال المهم هو: ما الذي تغير ؟و ما اسباب هبوط المستوى الى هذا الحد؟؟؟و ما الحلول لهذه الاسباب؟؟
عن نفسي اقدر اقول ان الاسباب التاليه هي التي أدت الى هبوط مستوى الدوري:
1- الحضور الجماهيري: بعض مباريات الدوري هذا الموسم ما يحضرها الا عشرين شخص (20 و ليس 20 الف) و هذولي العشرين هم تراهم اخوان اللاعبين او عيالهم او اصدقائهم...حتى ان مشكلة الحضور الجماهيري تطاولت الدوري ووصلت الى دورة الخليج(يمكن حتى ان الاعلاميين في الملعب يمكن انهم اكثر من الجماهير في بعض المباريات) الجماهير الي حضرت مباراة السعودية و قطر هي 80% من جماهير الي حضرت مباراة السعودية و الكويت.. و الـ 20% الباقية الي حضرت الافتتاح توزعت على الشكل التالي: 10% جو علشان خالد عبدالرحمن او الاوبريت و 1% لأن الافتتاح كان يوافق آخر يوم للاختبارات المدرسية و 9% لأنها ضد الكويت.!!
2- غياب الدوليين: هنا عندي سؤال:كم مباراة لعبها سامي الجابر مع الهلال هذا الموسم؟؟؟؟؟
3- الاجانب دون المستوى الا كم واحد ينعدون على اصابع اليدين.
4- القنوات الفضائية التي تنقل مباريات الدوي الاوروبي
يمكن في اسباب ثانية بس انا اكتفي بـ 4
اما الحلول لهذه الاسباب:
1- الحضور الجماهيري: أ-بيع حقوق النقل التلفزيوني بالكامل الى قناة فضائية مثل اوربت او ART او عدم نقل المباراة للمدينة التي تقام فيها المباراة
ب-توزيع جوائز للجماهير
جـ- تسيير باصات من نادي الفريقين المتباريين الى الملعب
2- غياب الدوليين:ما فائدة بقاء اللاعبين في معسكرات طويلة؟؟ يقول رئيس الهلال الامير سعود بن تركي: خسرنا ملايين الريالات لتجديد عقود اللاعبين الدوليين ثم لم نستفد منهم!!
3- الاجانب : هل ارسلت الاندية مندوبين لمشاهدة كأس امم افريقيا؟؟لا اعتقد.
و تشوف الاندية الحين لازم تجيب ثلاثة لاعبين ايا كان مستواهم و ذلك لتكملة العدد!! ما يصير يلعب النادي هذي السنة بلاعبين فقط يجب ان يحضر لاعبا ثالثا!!
اتمنى انكم تشاركون في هذا الموضوع
تحياتي
