استفسار عن الجري لتخفيف نسبة الدهون

معلومات المتقدم بالاستفسار :
العمر : 26 , الجنس : ذكر

الطول :182 متر
الوزن : 74 كيلوجرام



و الاستفسار كالتالي :
السلام عليكم ورحمة الله وبركاته

اخواني حاليا انا رجعت حاليا امارس رياضة كمال الاجسام ( الحديد) صار لي تقريبا شهرين والحمد لله النتائج مبدائيا مرضيه
لكن عندي شوية دهون حول الخصر والصدر يبيلها نسف وحررررق
نصحني المدرب اني اهرول بعد كل تمرين 20 دقيقه قبل ما امشي
طيب انا استفساري هل اقدر اخلي الهرولة اخر الليل قبل النوم على الساعة 11 المساء
وهل اقدر اجمع بين الاثنين لتسريع عملية حرق الدهون يعني اهرول بعد التمرين واخر الليل
على فكره انا اتمرن بالصباح على الساعه 10 ونص الى الظهر الساعة 12 ونص تقريبا وارجع بعد التمرين انام ساعة زمان وبعدها اروح الداوم الى الساعة 11 المساء

وعندي استفسار وين احصل مكان بالخبر او الدمام لقياس نسبة الدهون بشكل صحيح ودقيق غير الصيدليات لان قياسهم فاشل وغير صحيح يعني ابي معمل او مختبر طبي

أخوي تقدر تسوي الكارديو الصباح قبل ما تقوم وبعد التمرين وقبل النوم بساعتين .. مافي مشاكل
لكن أنا أشوف ثلاث حصص كثير فالأفضل تكتفي بحصتين وبتصير كذا مع تمرين الحديد ثلاث حصص تمرينيه

أما بخصوص قياس نسبة الدهون تقدر تروح بودي ماستر أو الافضل تروح وقت اللياقة

يعني بعد التمرين و قبل النوم بساعتين (انسب شي)
وبالنسبه لقياس نسبة الدهون هل لازم اكون مشترك بالنادي والا اي شخص ممكن يحصل على هالخدمة مقابل رسوم معينة ؟؟

ما اعتقد لازم تكون مشترك
كل شي بخشم الفلوس
روح وقولهم اي اخذ النسبه بمقابل رسوم
واذا قالو مشترك وهذا سو فلم قولهم بشترك الشهرالجاي

بروح اجرب واقول لكم:ponder: