استفسارات عن BCAA وبعض التمارين

معلومات المتقدم بالاستفسار :
العمر : 20 , الجنس : ذكر

الطول :174 متر
الوزن : 73 كيلوجرام



و الاستفسار كالتالي :
السلام عليكم ورحمة الله وبركاته

عندي كم استفسار ياليت لو تتكرمون تجوبونها

1- ابغى افضل منتج لل BCAA مع طريقة الاستخدام ؟هل يستخدم على معده فاضية؟

2- انا استخدم بروتين (قبل النادي وبعد النادي وقبل النوم) والكيرياتين (بعد النادي) هل يصلح اني اشرب البروتين مع الكيرياتين بعد النادي (يعني اخلطها مع بعض) ؟اذا كان لا ياليت تقول كيف الطريقة.

3- كيف اسوي تحميه لعضلات الصدر والظهر والاكتاف والباي والتراي؟

الصراحة لو اشكر مليون مرة ما أعطيت اعضاء هذا المنتدى ما يستحقونه
الله يجزاكم خير

‘

وعليكم السلام

الـ bcaa يجي كبسول ويجي بودر شف انت وش ترغب وبعدين نعطيك طريقة الاستخدام

وش نوع البروتين اللي عندك ؟

عموما البروتين يؤخذ الصبح و بعد التمرين و قبل النوم

هل سويت تحميل للكرياتين ؟

بعد فترة التحميل تاخذ 5 جرام بعد التمرين ومافيه مشاكل تخلطها مع البروتين

التحميه الافضل 5 دقائق تسخن مشي سريع بعدين تدخل وتسخن بأي جهاز هوائي حسب تمرينك وزن خفيف

موفق ،،

بالنسبة للBCAA سؤالي وش افضل بودرة او حبوب مع ذكر اسم الشركة (معليش انا ماكتبت السؤال واضح)
البروتين ISO-100
هل الكيرياتين والBCAA يحتاجون دورة(يعني كل نهاية شهر اوقف اسبوع)
الله يعطيك العافية

اخوي اللي اعرفه الحبوب افضل بكل شيي مافيها نقاش هذي سواء بالادوية او المكملات الغذائية

وبخصوص توقيف المكملات

اي نعم لازم تريح جسمك وهذا افضل لك وعن الشكه

بس اللي ضروري ضروري توقفهم مكملات الباور والكرياتين تاخذهم شهر وتريح شهر

والبروتين والامينو ممكن تاخذهم شهرين ورا بعض وتريح اسبوعين عالاقل

كمثال

‘

الـ BCAA كبسول من شركة اوبيتمم

ISO-100 ثلاث مرات باليوم / الصبح اول ماتصحى مع ماء + بعد التمرين مع ماء + قبل النوم مع حليب

الكرياتين ما ادري هل عندك ابو بتشتري ، المهم هو يجي كبسول ويجي بودر ( البودر أفضــل )

الكرياتين لابد تريح منه ، بعد شهر من استخدامه تريح اسبوعين ولاتنسى انه يحتاج شرب ماء على الاقل 4 لتر يوميا على فترات

موفق ،،

الله يعطيكم العافية
والله لا يهينك ابغى طريقة الاستخدام للbcaa
وعندي استفسار زيادة (ادري ازعجتكم ماصدقت احد يعطيني وجه)
1- ابغى نصائحكم : انا بعض المرات تجيني ظروف (مثل السفر او اي شي) واقطع النادي اسبوعين او ثلاث فأذا رجعت
احاول اني ما أشيل اوزان ثقيله نفس قبل لأني اخاف تجيني اصابه فأنا ابغى اشياء اسويها تساعدني اني احافظ على جسمي وقوتي في الفترة هذي
ومشكوررين وماقصرتوا مقدما"

البي سي اي اي برايي البودر افضل بكثير
اسرع امتصاص + تقدر تاخذ الجرعه الي تبي باريحيه

بالاضافة لو ماحبيت بودر لاتاخذ كبسول اوبتمم لانه يحتوي على جلاتين خنزيري

بالنسبة لي للبي سي اي اي. افضل انك تاخذ بودر صافي او اكستند

انت تقصد bcaa بودرة من اوبتمم او هل فيه شركة افضل (طريقة الاستخدام الله لا يهينك)
انا الصراحة مقتنع بالبودرة لكن احس فيه صعوبة اني اخذ الجرعه بالجرام

والله احترت دخلت على مواقع اجنبية وكلهم يقولون للbcaa طعم سيئ
وأن الافضل اكستند الصراحة مادري وش اخذ

‘

شف يابطل الـ bcaa انت تتكلم عن مادة خام مامعها اشياء ثانيه

اما الأكستند هو خليط bcaa + جلوتامين واشياء اخرى ..

الـ bcaa طبعا اقل قيمة من الأكستند وطريقة الاستخدام تختلف بين الاثنين

الله يجزاك خير
لكن هل صحيح ان ال bcaa لوحده طعمه سئ
وابغى رأيك وش افضل bcaa لوحده او إكستند (انا في بداية برنامج تضخيم)

الاكستند افضل لك و يكفي تقييمه العالي في بودي بلدنق

جلوتامين و Bcaa و اضافات اخرى و يفيدك وقت التمرين تشرب منه و بعد التمرين مباشره يمنع الهدم العضلي اثناء فتره التمرين خاصه لو تجاوزت الفتره اكثر من ساعه

اضافه الى نكهاته الممتازه

ماقصرو الاخوان
وانا اقصد انك تاخذ اي بي سي اي بودر صافي
سوءا من اوبتمم او غيره وكل ما اخذت من الشركات الاشهر كان افضل
انا فضلت الاكستند لانه طابعه الاساسي بي سي اي اي
يعني من كل 12 قرام بودر 7 قرام بي سي اي اي
وهذي نسبه طيبه
ع العموم ايا ما اخذت كويس

مشكوووووووووووووووووورين