استفسار عن المكملات الغذائية المناسبة

معلومات المتقدم بالاستفسار :
العمر : 18 , الجنس : ذكر

الطول :174 متر
الوزن : 63 كيلوجرام



و الاستفسار كالتالي :
بسم الله الرحمن الرحيم

السلام عليكم ورحمة الله

انا صار لي شهرين تقريبا من ما دخلت على الجيم وهدفي هو ضخامة مع تقسيم

المهم انا بديت اول شهر بدون اي مكملات تمارين فقط وتوقفت لمدة شهر بسبب الامتحانات ورجعت لعبت شهر ثاني والحين راح اوقف شهر 6 بسبب الامتحانات وراح اكمل في رمضان

انا وزني كان اول ما دخلت الصالة 64 وكنت العب كل يوم كارديو لمدة 30 دقيقة وبعد اول شهر وزنت لقيت اني نقصت كيلو صراحة تحسفت ووقفت تمارين الكارديو والمشكلة اني صرت اكل اكثر من المعتادة عشان ازيد من وزني بس للاسف ماني شايف اي تغير في الوزن بالعكس احس انه ينقص

عشان كذا قررت اني اخد مكملات غذائية اول ما ابدا الشهر الجاي ان شاء الله .. فسؤالي هو وشو احسن مكملات مفروض اني ابدأ فيها وهل فعلا انه لها آثار جانبية على المدى الطويل

ملاحظة : الفترة اللي صرت ما اروح فيها النادي العب يوميا تمارين ضغط + بطن فهل هالشي صح لاني احس مرات انه البطن شاده حيل فاوقف يوم ع اساس "راحة" وارجع اكمل من جديد

عساكم ع القوة

هلا اخوي انا عن نفسي ومن تجربة لي طولي 176 وكان وزني قبل ثلاث شهور وقت ما سجلت في الصالة 64 واول شهر ما استخدمت شي غير تمرين اسبوع شامل بعدين كل يوم عضلة والشهر الثاني استخدمة مكمل اسمه ترو ماس بنكهة الشكلاتة اخذ ثلاثه سكوب بعد التمرين اخذ موزه وبعدها بربع ساعة اشرب المكمل ومن اول شهر زاد وزني الى 72 كيلو طبعن اكلي ثلاث وجبات اول ما اصحا اكل بياض بيض 5 وكرون فيلكس مع حليب شووي مو كثير والوجبة اللي بعدها سندوتش شيش طقوق مع حليب بالموز وبالليل مكرونا ومرات هبرجر ومرات سنكرس مع حليب ومرات مكسرات المهم ان هذا اللي صار معي واتمناء اني اكون افدتك ... وفي مسالة انه يضر انا عن نفسي ما شفت شي عن تجربة شخصية

وعليكم السلام اخوي انت الحين اكيد جسمك ناشف بالنسبة لوزنك شوف تقدر تاشتري مكمل
عضل صافي بدون دهون والي يباله فترة اطول من البروتين مع الدهون انت اختار تضخم عضل صافي
ولا تضخم مع دهون بعدين تنشف شوف تضخم عضل صافي انصحك ايزو 100 ولا لين بودي ماس من ليبرادا
ولو تبي تضخم مع دهون عندك برو كمبلكس جنر وسوبر جنر وسيروس ماس

وشكرا