تعاني من حب الشباب ! الحل عندي
بسم الله الرحمن الرحيم
السلام عليكم ورحمة الله وبركاته ..
كيف الحال ؟ إن شاء الله بخير يارب
بدأ ظهور حب الشباب عندي في ال 16 من عمري وحاليا عمري 16 وشهرين والحبوب مختفية :09:
كثير من الشباب والبنات يعاني من حب الشباب .. والكثير يسأل عن حل لأزالة حب الشباب :ponder:
الحل عندي .. من الطبيعي يظهر لك حب الشباب .. في هذي المرحلة من العمر 16 او 17 وبعض الحالات تستمر إلى 22
الحين طلع لك حب وانته ما تعرف شو تسوي
اول شيء
1- لا تلعب فيه ابدا
2- لا تسأل عن حد من ربعك شو استخدم من ادوية .. روح عند الصيدلي او الدكتور .. لانه كل بشرة وكل حالة له دواء
3- ابتعد عن :-
- العادة السرية
- المشروبات الغازية بجميع انواعها ( لا تقولي دايت ما دري ماكس ) ابتعد عنها كلها
- الشوكلاته والحلويات .. والبطاطس المقلية او المكيسة
__________________________________________________________________________
يوم تروح عند الدكتور ويوصف لك الدواء .. وتستخدمة يوم او يومين تقول اوووف مافي نتائج وتروح عند دكتور ثاني
وتقول خسرت فلوسي عالفاضي او الدكتور ما يعرف شي !
اصبر .. لازم تستخدم الدواء لمدة ثلاث اسابيع او شهر وبعدين شوف كيف النتائج .
لانك اذا كل شوي بتغير الدواء او المرهم وتستخدم هذا .. وفلان نصحك ب هذا .. بشرتك بتتعب وبتزيد مدة العلاج
انزين الحين رحت عند الدكتور و وصف لك الدواء او المرهم .
استخدمة لمدة 3 اسابيع او شهر وفي هذي المدة بعطيك نصايح تفيدك جدا في التغلب على حب الشباب ( عن تجربة شخصية )
1- الأبتعاد عن الأكلات اللي ذكرتها فوق
2- ممارسة الرياضة .. اذا ما تقدر تروح النادي مارسها فالحديقة او اذا عند جهاز مارسها فالبيت
3 - الأكثار من الفواكة والخضروات
4- واصبر والنتايج بتبين إن شاء الله اهم شي العزيمة والأصرار
5- يمكن تظهر الحبوب لبعض الأشخاص بسبب نقص فيتامينات تحتاجها البشرة
بعطيكم فيتامين من تجربتي فادني واايد في تنقية البشرة ..
فيتامين ( سوبرادين )
http://www11.0zz0.com/2012/06/07/13/412028430.jpg
هذا الفيتامين فادني كثير في محاربة حب الشباب
واستخدمت ادوية (حبوب ) وكريم بس ما اقدر اقولكم شو استخدمت وتستخدمون انتو مثلي !
لانه كل واحد ونوع بشرته .. الحبوب كيف شكلها .. نفس ماقلت لك لازم تروح ل دكتور او صيدلي يشوف حالتك
ولا تسمع كلام حد او فلان جرب .. لانه كل واحد وعنده حاله .
اهم شي العزيمة والأصرار و إن شاء الله تروح الحبوب في غضون شهر وبلا رجعة .
كل شي من تجربتي الشخصية ما يبت شي من برع :أفكر:
وإن شاء الله تستفيدون
دمتم بوود :)
رد: تعاني من حب الشباب ! الحل عندي
والله عجيب الموضوع استفدت من كلامك في اشيا انا كنت غافله عنها
انا من شهر مررررررررره وحده انترس ويهي والحين بس اثار عندي مادري شلون وشسالفه @@
هو سببه وجود بكتيريا تحت الجلد وع لوول
انا بلجأ لحل جامد باخذ كورس ريكوتان او على قولتهم حبة الجمال هو عباره عن حبوب وايد قويه ما انصح حد يستعملها ولها اعراض جانبيه تخوف شوي
فعشان جي لازم فحص دم قبل لاتاخذها والمره المتزوجه مايصير تحمل 4 شهور من بعد ماتخلص الكورس او يمكن اكثر ما اذكر لان يسبب
تشوهات حق الجنين من قوتها @@
جربت كل شي لكن بعد ترجع الحبوب انا يسأت من الكريمات >< بجوف الدكتوره شرايها
بمشي على كلامك وبعد رمضان باذن الله ناويه اسجل في نادي وبحاول اكل فواكه لاني كلش ما اكل بس خضار وسلطات دووم اكل
يعطيك العافيه :biggthump
رد: تعاني من حب الشباب ! الحل عندي
اقتباس:
المشاركة الأصلية كتبت بواسطة yami vergil
والله عجيب الموضوع استفدت من كلامك في اشيا انا كنت غافله عنها
انا من شهر مررررررررره وحده انترس ويهي والحين بس اثار عندي مادري شلون وشسالفه @@
هو سببه وجود بكتيريا تحت الجلد وع لوول
انا بلجأ لحل جامد باخذ كورس ريكوتان او على قولتهم حبة الجمال هو عباره عن حبوب وايد قويه ما انصح حد يستعملها ولها اعراض جانبيه تخوف شوي
فعشان جي لازم فحص دم قبل لاتاخذها والمره المتزوجه مايصير تحمل 4 شهور من بعد ماتخلص الكورس او يمكن اكثر ما اذكر لان يسبب
تشوهات حق الجنين من قوتها @@
جربت كل شي لكن بعد ترجع الحبوب انا يسأت من الكريمات >< بجوف الدكتوره شرايها
بمشي على كلامك وبعد رمضان باذن الله ناويه اسجل في نادي وبحاول اكل فواكه لاني كلش ما اكل بس خضار وسلطات دووم اكل
يعطيك العافيه :biggthump
تسلمين على المرور الجميل خيتووه :)
