استفسار بخصوص المكمل والتدريب هام جداً

معلومات المتقدم بالاستفسار :
العمر : 27 , الجنس : ذكر

الطول :174 متر
الوزن : 81 كيلوجرام

نسبة الدهون : 25

و الاستفسار كالتالي :
السلام عليكم ورحمة الله وبركاته

الحمدلله بقالي اسبوعين بدات العب كمال اجسام والحمدلله ماشي كويس وعايز اظبط جسمي علشان فرحي في اول اكتوبر ان شاء الله
طبعا الاول انا عندي زياده في الدهون وحاببب اتخلص منه ياريت افاده مع العلم هلعب في الاسبوع ما بين 5 ايام الي 6 ايام ان شاء الله
ثاني حاجه
اتعرض عليه المنتج ده من صديق عمري والمنتج اسمه Amino Bullet 2K وطبعا هو قالي انه كويس وقالي انه كان بستخدمه لفتره وظبط معاه فقالي استخدمه لفتره لغايت ما تعمل عضله صافيه وبعد كده اشتري
Whey Protein Gold Standard من شركة Optimum
لكن معظم الشباب معايه والكابتن قالي افضل شئ هو
ISO 100
وسمعت من صديق وقالي
يفضل استخدام المكملات الغذائية بعد مرور شهرين الى ثلاث اشهر لضمان الاستفادة التامة من المنتج
غير كده حيكون دفع فلوس على الفاضي و مش حيعمل معاك نتيجة انت منتظرها
هل هذا صحيح ولا كله كلام وخلاص
اسف علي طول الاسئله ولكن انا حيران خالص ومش لاقي حد يفيدني فاتمني الافاده الكامله منكم اخواني

فاتمني الافاده يا شباب
في انتظاركم
وجزاكم الله خيراً

مبروك يا وحش والله يتمملك على خير
بالنسبة لاستخدام المكملات بعد مرور شهرين فهو صحيح وانت مش محتاجها ولازم تعتمد على التغذية الصحيحة ( اما لو كان امينو فقط فما في مشكلة تاخده من الاسبوع التاني)
خلي جدولك 5 ايام بالاسبوع مع التركيز على الكارديو بعد التمرين 3 مرات بالاسبوع لحرق الدهون المتراكمة
الواي جولد والايسو 100 كلاهما ممتاز
لازم يكون جدولك عنيف وما تتاخر لان الوقت ضيق ومعاك 3 شهور علشان تشوف نتائج

مبروك الفرح ياباشا خل هم العرس عل بالك تنقص تلقائيا مثل يقول
لاهم الا هم العرس ههههههه
الله يوفقك

تسلم يا غالي الله يجزيك خير وعقبال يا كووووووتش
طيب هل في تمارين معينه للكارديو اعملها يا كوتش
طيب وبالنسبه للــ ISO 100 بلاش منه ولا ايه
وبالنسبه للتغذيه انا مشكلتي اني مش باكل كتير يمكن مرتين بالكتير وبس
ومره تانيه الف الف شكر ياكوووووتش

اذا كان هدفك هو التخسيس وتقليل نسبة الدهون الى اكبر قدر ممكن . فلا تأخذ اي نوع من المكملات نهائيا . وركز على الكارديو اكثر من لعبة كمال الاجسام وقلل من سعراتك الحراريه الى 25- 30 % من غذائك اليومي ولكن بشكل تدريجي حتى يتعود الجسم ولاتتعب .