استفسار عن عدد التمارين والتكرارات الخاصة بالضخامة

معلومات المتقدم بالاستفسار :
العمر : 31 , الجنس : ذكر

الطول :170 متر
الوزن : 68 كيلوجرام



و الاستفسار كالتالي :


السلام عليكم

انا يديد في عالم الحديد وعندي بعض الاستفسارات ومب عارف إجاباتها قلنا الشباب ان شاء الله ما يقصرون

انا داخل كورس ضخامه وتماريني من المدرب بس حبيت اسأل بعض الأسئلة علشان أزيد معلوماتي ونستفيد من خبرات كم

1. مثلا اذا حبيت أني أوصل لأفضل ضخامة ممكنة في الكتف هل الافضل أني أمرن العضلة مع الرجل او مع عضلة صغيرة مثل السواعد او الافضل امرنها روحها علشان يكون التركيز عليها فقط او ما يفرق

2.وهل مثلا اذا اتمر نت كتف ورجل الاكل اللي اكله بعد التمرين والبروتينات والفيتامينات تتوزع بين العضلتين واذا اتمرنتها لوحدها العضل ياخذ كل البروتينات ويستفيد اكثر
او ما يخصه
3. انا حاليا اتمرن6 تمارين كتف ، بتكرارات 12،10،8 ، هل 6 تمارين تعتبر كثيرة وتحرق العضلة او 6 مناسب وتعطي تركيز وضخامه للعضله ؟ انا اتمرن 2 كتف أمامي و 2 خلفي و2 جانبي حاليا
4. بخصوص التغيير في الأوزان بين كل جلسه اذا مثلا اقصى وزن أوصله للكتف الأمامي 40 كيلو المفروض أبدا بكم في الجلسة الاولى وبعدها الثانية ؟

ومشكورين مقدما وقلنا نستفيد من خبراتكم

وعليكم السلام ورحمة الله وبركاته

شوف ياااوحشش

1- الافضل تمرن الكتف مع الترابيس

2- تكون المجموعات 3 للعضله الصغيره العضله الكبيره 5

3- التمارين تكون الافضل 4 او 5

4- المجموعات للتضخيم تكون 4-8-10-12

هذا والله اعلم وصل الله وسلم على نبينا محمد

شكرًا مستريح البال عالاجابه

ماعندي شي ازيده على كلام اخوي مستريح البال
بس ركز على اكلك والازوان دائما اول جلسة وسط الثانية قوي شويه الثالثة قوي
تحياتي

والله اخوي بلنسبه لي افضل 4 تمارين كتف +1 تمرين ترابيس ... والمجموعات للعضله 3 ... والتكرار يختلف على حسب الوزن الي تلعبه .. يعني انا اخر جوله من كل تمرين احط اكبر وزن اقدر عليه واسوي 4

تكرار .... وتختلف من شخص لاخر ... بلتوفيق

اقتباس:

---

المشاركة الأصلية كتبت بواسطة ياضلوم

والله اخوي بلنسبه لي افضل 4 تمارين كتف +1 تمرين ترابيس ... والمجموعات للعضله 3 ... والتكرار يختلف على حسب الوزن الي تلعبه .. يعني انا اخر جوله من كل تمرين احط اكبر وزن اقدر عليه واسوي 4

تكرار .... وتختلف من شخص لاخر ... بلتوفيق

---

يا ريال المدرب يخليني العب 6 تمارين كتف ب ثلاث جليات ويوم الظهر العب ترابيس تمًرينين وقلت له مب كثير والشباب ينصحوني ب 4 , قالي 3 جلسات عادي 6 تمارين وهي الافضل الضخامة !!!

وشكرا عالرد

العب عضلة كل يوم و ركز على الاكل لكي تكون اوزانك في التمرين مثل الوحش يعني اكل كل ثلاث ساعات مرة و ركز على الكربوهيدرات فبل و بعد التمرين

اخوي كل مدرب يختلف عن الثاني ... في مدربين ممتازين ... وفي مدربين ؟؟؟ ما ادري وش اسميهم ....يضيعون الواحد ... الكتف يحتاج تركيز ووزن .... 4 تمارين كتف اشوف انها كافيه +الترابيس

وانت على راحتك اخوي ... اي استفسار لا تتردد بلتوفيق

اقتباس:

---

المشاركة الأصلية كتبت بواسطة ossama3131

العب عضلة كل يوم و ركز على الاكل لكي تكون اوزانك في التمرين مثل الوحش يعني اكل كل ثلاث ساعات مرة و ركز على الكربوهيدرات فبل و بعد التمرين

---

شكرًا عزيزي ، وهل فعلا التركيز على عضلة واحدة في اليوم تعطي نتائج افضل , لأني أتمرن4 ايام في الاسبوع واحس حياتي كلها حديد :09: ، انا كسول نوعا ما وأخاف اذا اتمرنت 5 او 6 ايام ما اكمل فقلت 4 ايام ، بحاول أتمنى كتف مع أسهل عضلة وهي السواعد

بس ممكن تقولي مثلا شو هي التمارين الاساسية في الكتف اللي المفروض اتمرنها في اليوم , يعني كم تمرين أمامي وكم خلفي وكم جانبي وشو هي التمارين , من صورتك بائن عليك تشبه المدربين :D
وشكرا واتمنى اكون وحش مثل ما تقول , الله يسمع منك :)

اقتباس:

---

المشاركة الأصلية كتبت بواسطة ياضلوم

اخوي كل مدرب يختلف عن الثاني ... في مدربين ممتازين ... وفي مدربين ؟؟؟ ما ادري وش اسميهم ....يضيعون الواحد ... الكتف يحتاج تركيز ووزن .... 4 تمارين كتف اشوف انها كافيه +الترابيس

وانت على راحتك اخوي ... اي استفسار لا تتردد بلتوفيق

---

هذه هي المشكلة , المفروض المدرب يكون كلامه هو السليم بس اللي أشوفه شيء ثاني

تحياتي