نادر العائد من اليونان اكتشفت أن أمريكا وإسرائيل و الإخوان حلف واحد و جاى أبلغ التح

نادر العائد من اليونان اكتشفت أن أمريكا وإسرائيل و الإخوان حلف واحد و جاى أبلغ التحرير ؟


نادر العائد من اليونان: اكتشفت أن أمريكا وإسرائيل و«الإخوان» حلف واحد.. و«جاى أبلغ التحرير»

كتب سامى عبدالراضى 18/ 6/ 2012
خوفه ورعشته يدفعانك للاقتراب منه.. على ذراعه رسم علم مصر بشكل بارز، وفى يده يحمل جواز سفر، يرتدى ملابس عادية ليست متميزة أو بسيطة، يتردد كثيراً قبل أن يقول من أين أتى وماذا حمل من رسالة.

«اسمى نادر سمير سعد عبدالتواب، عمرى 37 سنة، من مدينة المنصورة وبالتحديد من طلخا، أنا جاى من اليونان رأسا على ميدان التحرير.. أقسم بالله أنا هناك من 6 سنين بالتمام والكمال، لكن العيشة هناك بقت صعبة.. ناسها بيقتلوا فى الأجانب.. أنا جيت من 3 أيام ومعايا الطقم اللى أنا لابسه وفى إيدى جواز سفرى.. نزلت على الإسكندرية ومنها على التحرير.. ومنزلتش المنصورة لسه.. لكن أبلغت أسرتى إنى هنا فى الميدان».

ويواصل نادر حديثه: «كنت باشتغل فى بنزينة منذ سفرى، وفى الأول كانت الفلوس كتير وباعمل 1500 يورو، لكن دلوقتى الناس هناك مش لاقية تاكل، وأحياناً تكون واقف فى الشارع وتلاقى واحد شيك جدا تحس إنه بيه ويقول لك لو سمحت.. أنا عايز بس أشرب فنجان قهوة.. وفى المقهى هناك حاجة غريبة جدا، أتمنى تحصل فى بلدنا.. تجد الشخص يجلس على المقهى ويعطى القهوجى تمن القهوة مضاعف، ويقول له واحد لى والتانى للحيطة، والقهوجى يعلم على الحيطة برقم معين.. وانا احترت فى الأول وسألت: ايه اللى بيحصل.. وعرفت أن هناك لو واحد «مقتدر» بيحس بالناس بيشرب قهوة ويحاسب على فنجان تانى.. والفنجان التانى لصاحب النصيب.. يعنى ييجى واحد مش معاه فلوس خالص ويقول للقهوجى: أنا عايز واحد قهوة من على الحيطة فيقدم له فنجان قهوة دون أن يحاسبه ويعامله معاملة ممتازة ثم يمسح رقما من على الحائط».

ويضيف «نادر» أسباباً أخرى لعودته غير صعوبة المعيشة وقتل الأجانب: «رجعت مصر علشان أشيل الغمامة من على العيون، أنا اكتشفت إن إنجلترا وأمريكا وإسرائيل والإخوان المسلمين حلف واحد.. وفى اليونان قابلت واحد قال لى إنه سورى لكن أنا حسيت إنه إسرائيلى.. كان عايزنى أشتغل معاه.. وأنا قلت له مش هابيع بلدى.. وأنا جيت هنا الميدان أبلغ الناس بس مش لاقى حد أبلغه».


http://today.almasryalyoum.com/artic...ticleID=343137




اخطر وثائقى عن الاخوان المسلمين شاهد قبل الحزف

http://www.youtube.com/watch?v=Nk3H0pc_nM8&feature=plcp