بناء العضلات وتضخيم الجسم

معلومات المتقدم بالاستفسار :
العمر : 29 , الجنس : ذكر

الطول :173 متر
الوزن : 70 كيلوجرام



و الاستفسار كالتالي :
السلام عليكم

العذر والسموحة على فتحي هالاستفسار في موضوع جديد لاني مابغيت اشتت المواضيع .


السالفة ومافيها انه كان وزني 64 كيلو تقريبا وسجلت في نادي قبل فترة وخلال شهر او شهرين اصبح وزني 70 كيلو ،، والحمدلله حسيت بان فيه تحسن بالعضلات وبالجسم ،، كنت استخدم ( البرو كومبلكس العادي ) فقط .

المهم يالاخوان انا أشوف جسمي يبيله تضخيم شوي ،، يعني فيه ناس تلاقي عظمته عريضه انا عظمتي بسيطه ،، فحتى لمن اتمرن ماحس ان العضلات بتبرز او الجسم فودي اسوي تضخيم شوي ،، بشرط اني ماكون مثل هالوحوش ههههه ،، يعني تضخيم بحدود المعقول وابني العضلات وانسق الباقي .

فسؤالي يالاخوان هل فيه بروتين تنصحوني فيه مثلا وراح يساعدني في هالحالة ؟؟ يعني يضخم جسمي شوي مو كثير عشان يتعدل الجسم ،، مو أختفي داخل الثوب اذا لبسته :) .

كنت مفكر استخدم ( برو كمبلكس جينر ) فمدري هل هو المطلوب لمثل حالتي ورغبتي او لا ؟؟

انا ودي بشغلات ماتضر الصحة ابد كالبروتينات مثلا ،، باقي الاشياء اتخوف منها صراحة .

شاكر لكم اهتمامكم .

السلام عليكم اخوي
تحتاج واي بروتين وامينو4800
واموركطيبة طبعا مع التغذية والنوم
موفق

البروكمبلكس حلو واذا تبي تضخم اكثر يعني حق بو خمسه كيلو خذ الواي زيرو فات هو ماهوب زيرو حرفيا بس يدلعونه زيرو بس حلو لحالتك انت

وتقدر تاخذ معه امينو bcaa او امينو تك

اقتباس:

---

المشاركة الأصلية كتبت بواسطة الناعسي

البروكمبلكس حلو واذا تبي تضخم اكثر يعني حق بو خمسه كيلو خذ الواي زيرو فات هو ماهوب زيرو حرفيا بس يدلعونه زيرو بس حلو لحالتك انت

وتقدر تاخذ معه امينو bcaa او امينو تك

---

+1

بروتين + بي سي اي اي

ومكملات القينر ممكن تزيدك فات وانت ماشاءالله البرو العادي جايب معك نتيجة فا اما تستمر عليه برايي او تحول للواي والايزو 100

ولاتخاف ماراح تصير مثل هالوحوش بيوم وليله :09:
انت تمرن بشده والتزام واضمن لك تمرن سنتين ولا راح تصير زيهم لان هذولا اجسامهم لهم فوق العشر سنين بالاضافة للهرمونات وهالشغلات لكن شد حيلك وان شاءالله موفق

الله يعطيكم العافية ياوحوووش

طيب اللي فهمتهم منكم يعني استخدم البرو كمبلس العادي + اللي اسمه بي سي أي أي .

ممكن تعلموني هال بي سي أي اي وش يرجع ؟؟؟ يعني هو بروتين ماله اضرار جانبية او هرمون او شنو


تراي اخاف من الهرمونات وكذا هههههههه ابي شي طبيعي مثل البرو كمبلس .

بعدين ياشباب انا مشكلتي عظمتي صغيرة يعني مو عريضة مثل اخواني او بعض الناس ،، يعني تنصحون استمر على هالبروتينات اللي تقوولوون عنها واقعد على التمارين وبيظهر فيني الجسم ،، او استخدم بروتينات فيها فات اكثر مثل الجينر .

انتظركم ياوحوش

هلا اخوي

البي سي اي اي احماض امينية

وتقدر تكتفي بالبروكمبلكس
موفق اخي

الله يعطيكم العافية كل ابوكم ماقصرتو ،، ورمضان كريم وتقبل الله طاعتنا وطاعتكم .


يالاخوان لاهنتو هالحين انتم عارفين وش ابي بالضبط و الله يعطيكم العافية اجاباتكم واضحة .
انا بس ابي اعرف وش اجيب بالضبط عشان اطلبه من البدي بلدنج اليوم ان شاء الله او بكرا ،، فهل تنصحوني اجيب الواي بروتين زيرو اللي تقولون عنه ،، او اجيب الجينر برو كمبلكس ؟

ايضا الـ bcaa شنو وظيفته بالضبط ؟ وهل له اضرار جانبيه ؟ وياليت تضعون لي صورته وشكله عشان اطلبه .

ايضا ناوي اجيب فيتامين الـ أوبتي 190 حبة ،، تنصحوني فيه ؟

وهل برائيكم هذه الاشياء الثلاثه السابق ذكرها هي الانسب لي ؟

أخيرا ،، هل فيه مشكلة من الجمارك اذا طلبت اونلاين سوا عن طريق البدي بلدنج او الموقع الثاني هذاك ،، هل للحين يصادرون المكملات او خلاص سمحو لها ؟؟
وهل تنصحوني اطلب اونلاين ،، او اشتريها من اللي يبيعون في الرياض ؟

ألف شكر لكم مقدما