عرض للطباعة
معلومات المتقدم بالاستفسار :
العمر : 17 , الجنس : ذكر
الطول :180 متر
الوزن : 82 كيلوجرام
نسبة الدهون : ????
و الاستفسار كالتالي :
السلام عليكم
انا ناوي اشتري مكملات و ابا اعرف اذا ممكن استخدمهم في كورس واحد،،
و ابا طريقه الاستخدام للزاما و الكرياتين
1-ZMA
2-ISO 100
3-CREATINE
وعليكم السلام
اهلا وسهلا اخي
يفضل انك تعتمد ع الاكل بهالعمر يالغالي
الزاما ماشوفك تحتاجه بعمرك تقدر تاخذ مالتي فيتامين يكفي
لكن اذكر انواع الكرياتين والزاما لانه من شركة لشركة تختلف التراكيز
اخي الكريم
الزاما هذا يحتوي على جلاتين خنزيري
رجعه لصاحبه افضل والعوض على الله
الكرياتين اذا انت مصر على استخدامه بهالعمر
استخدمه اول 3 او 4 ايام
صباحا وقبل التمرين وبعد التمرين وقبل النوم
بكل مره 5 قرام مقدار ملعقة شاي صغيرة
اما الايزو ميه على حسب نظام اكلك الثابت سكوب بعد التمرين
وتقدر تاخذه صباحا وقبل النوم
موفق
مشكور ع الشرح السريع :)
بخصوص الزاما مافي نوع ثاني اعوض فيه؟
و بخصوص الكرياتين
(استخدمه اول 3 او 4 ايام
صباحا وقبل التمرين وبعد التمرين وقبل النوم
بكل مره 5 قرام مقدار ملعقة شاي صغيرة)
و بعد اول 3 او 4 ايام شو اسوي؟
هههه عذرا
بعد الايام الاربع من الكرياتين
تستخدمه بعد التمرين فقط
5 قرام
والزاما خذ مالتي فيتامين يغنيك تماما من اقرب صيدلية يكون فيه نسبة زينك طيبة مع انه بعمرك جدا جدا ماتحتاجه بس
اوكيه المالتي فيتامين كيف استخدمه؟
انت اشره وتلقى عليه الطريقة
لان كل مالتي فيتامين له طريقة
خذ من الصيدلية شف الي يعجبك واسئله عن طريقة الاستخدام
عادتا حبة الى حبتين
مشكوور و ما قصرت،، الله لا يحرمنا منك :)