عرض للطباعة
معلومات المتقدم بالاستفسار :
العمر : 25 , الجنس : ذكر
الطول :170 متر
الوزن : 78 كيلوجرام
نسبة الدهون : 18.7
و الاستفسار كالتالي :
http://pics.campl.us/f/6/6689f60b159...2126009414.jpg
يا شباب ممكن اعرف هالارقام عباره عن شنو
و الشي الثاني دخلت اسبوعين فترة ضخامه و زاد عندي الفات 19.9 و الفري فات ماس وصل 66 كيلو
و الوزن 81.5
هذا يعني نسبة الدهون 18 .... ووزن الدهون في الجسم 14 كيلو .. وليس 66 كيلو...شد حيلك
بس اخوي .. وين سوت الفحص
اخوي داري وزن الدهون 14 بس انا اتكلم عن FFM
Free fat mass 66 kilo
و الفحص هذا في الصاله عندنااااا اسم الجهاز في بداية الورقه
زين اخوي اسئل الي سوالك الفحص ..هو اكثر واحد يقدر يفيدك ...... انا سويت فحص وما شفت هذا ال ffm .. مكتوب بس وزن الدهون 8 كيلو .يوم سويته ...اما اف اف ام .والله ما اقدر افتيلك
ان شاء الله الاخوان يفيدونك .. واي استفسار لا تتردد .. بلتوفيق
الفري فات ماس
يعني وزن الجسم بدون الدهون
ولو كان الجهاز دقيق بكل القياسين الاول والثاني
بحيث الاول وزنك 78 بفري فات ماس 63.4
وبعدين صار 81.3 بفرق 3 كيلو عن قبل وبزيادة ايضا 3 كيلو ايضا
يعني عندك خطا وركز بالاكل عدل
لانه هالشي يعني كل الزيادة الي زدتها دهون
اخوي بردان صادق يوم دورت في النت طلعلي الفري فات ماس
بس هل يعني العضل ولاشي ثاني
و اخوي بردان هذا اول فحص كنت راجع من تايلند بعد 35 يوم اجازه
و نزل وزني 76 كنت اتمنى يثبت هههههههههه
و بعد ماتمرنت شهر سويت الفحص و هذي النتيجه و بعد تمرين شهرين تقريبا الفات نفس ماهو و زياده
في الفري فات ماس فقط
الفري فات ماس
يعني وزن الجسم الكلي بدون الدهون
يعني عضل ومياه واعضاء وكل ابو شي : )
وحافظ على وزن الدهون وخل الزيادة اغلبه بالفري فات ماس
وان شاءالله موفق اخوي
شكرا اخوي بس اشلون ازيد الفري فات ماس و انزل الفات ماس ؟ انا حاليا ماشي ع دايت موقف عيوش و غازيات و حلويات بس فواكه ومشوي و سب وي و مرات اروح الجيم مرتين مره هروله جري مشي على الريق و ثاني مره حديد و نزلت 2 كيلو و نص بس مادري من الفات ولا الفري فات ماس
وسوال ثاني ابي اشد الصدر لانه حوله دهون خفيفه
و نفس الشي للارجل فيها عضل و الحجم اوكي بس احرق الدهون
مع البطات
اخوي ركز على هدف واحد
الحاق على هدفين راح تضيع الهدفين كلهم
اما خسس او ابدا ضخم
وانصحك اذا عندك دهون تخسس افضل
ويكون نظامك فقط مركز ع التخيسي وطبعا ما اقصد بهالشي انك ماتلعب حديد لا بالعكس الحديد مفيد
لكن اكلك يكون نظيف وطريقة تمرينك تعتمد ع الكارديو والتمارين الحركية
موفق
اخوي بردان جزاك الله خير يالغالي كفيت و وفيت
بس مع الكارديو و الاكل السليم
الصدر بينشد و الدهون الي حوله بتختفي ؟ و نفس الشي للرجل
اوكي اذا انت تشوف هالشي مناسب توكل على الله وموفق ان شاءالله يتحقق هدفك
لكن للمعلومية جميع اللاعبين بفترات التنشيف يحاول جاهدا أن لا يخسر من الحجم العضلي شي ومع ذلك لابد يخسر
والحريص منهم هو الي يثبت وزن العضل وينزل بالدهون فقط هذا يسمى بطل
ولو كانت فيه هناك طريقة انك تزيد حجم العضل وبنفس الوقت تنقص الدهون كان الكل فك عمره وسار على هالهدف
هذي وجهة نظري وممكن الاخوان لهم وجهات نظر اخرى
وانت جرب وان شاءالله تقدر