لماذا لاتنمو العضلات , وبالاخص عضله البــاي سيبـس

معلومات المتقدم بالاستفسار :
العمر : 20 , الجنس : ذكر

الطول :171 متر
الوزن : 61 كيلوجرام

نسبة الدهون : 20

و الاستفسار كالتالي :
السـلام عليـكم


لماذا لاينمو لدي العضلات وخاصتاً عضله بـاي .. ضعيفه جداً


وعمري 20 سـنة

+

اي مكملات تنصحوني للعضـل الصـافي

معنى اني جربت مكملات عديدة لاكن بدون فايـده

مثـــــل : بروكومبلكس قينر + نايتروتيك + امينو 2222 وسوبر امينو

والله ولا شي نفع

اول شي كنت ابي ضخامه في الزياده فستخدمت اشياء للقينر .. ولين طلعت لي الكرشه هديتها وبدون عضل
واتجهت للعضل الصافي + الاكل بدون دهون مثل صدور الدجاج والتونة

شنو تنصحوني اسوي

مع العلم اني اللعب حديد من 4 اشهر

التمرين + التغذية السليمة + الراحة الكافية + الصبر والمواصلة = عضل 100% تاكد انك ماشي على هذي الامور تمام او هناك خلل بجدولك
البروتين + الكرياتين + امينو جدول مناسب استمر عليه وخد وقتك

4 شهور مده قليله
احذف اول شهر لانه تسخين وتجهيز للعضل
لذلك
لاتستعجل النتائج

وعليكم السلام .. بلنسبه للعضل الصافي استخدم واي بروتين .. بس البروتين مش هو الي يحدد اذا راح تزيد دهون او عضل صافي .. يعني جدولك الغذائي هو الي يحدد الشي هذا ..بلنسبه لعضلة الباي حاول تمرنها مره وحده بالاسبوع ... اسبوع وزن ثقيل 3 جولات 8.6.4 تكرارات ..والاسبوع الي بعده وزن متوسط 3 جولات 12.12.12 تكرارات وتعيد مره ثانيه كل اسبوع ..وتكون ثلاث تمارين كافيه لكن باوزان محترمه

واستمر على هلكلام شهرين الى ثلاث شهور .. وان شاء الله تدعيلي ...وعليك بلانيمال بمب ...بلتوفيق

اقتباس:

---

المشاركة الأصلية كتبت بواسطة the rock 911

التمرين + التغذية السليمة + الراحة الكافية + الصبر والمواصلة = عضل 100% تاكد انك ماشي على هذي الامور تمام او هناك خلل بجدولك
البروتين + الكرياتين + امينو جدول مناسب استمر عليه وخد وقتك

---

+1

بيض الله وجهك ياوحش

ومؤفق اخوى ..

حبيبى لزم تنوع فى التمرين وتمرين العضله الصغيره من 3 تمرين الى 4تمرين لزم تنوع علشان العضله تزيد وغير نظامك الغذائى

اخوي طيب يوم اتجهت للعضل الصافي
ممكن تقولنا نظامك الغذائي بالتفصيل
لانه لاتظن بس صدور الدجاج والتونه
ايضا الكارب مهم

هذا وكله بالاساس انت فترة تمرينك قصيرة
ومع الوقت ان شاءالله راح تستفيد اكثر وتعلم اكثر

اقتباس:

---

المشاركة الأصلية كتبت بواسطة بردان1

اخوي طيب يوم اتجهت للعضل الصافي
ممكن تقولنا نظامك الغذائي بالتفصيل
لانه لاتظن بس صدور الدجاج والتونه
ايضا الكارب مهم


هذا وكله بالاساس انت فترة تمرينك قصيرة
ومع الوقت ان شاءالله راح تستفيد اكثر وتعلم اكثر

---

سلمك الله
انا ما انام الا عقب صلاة الفجر يعني 4
وما اصحى الا 12:30 او 1:00

يعني وجباتي ماتكون كثيره

ساعات اخذلي

نص دجاجه مشوي او 2 سمك مقلي بدهن

وبعد سلطة فواكه مثل : الكوي و الموز والتفاح والاناناس

الوجبه الثالثه : تونه كبيره على الماء + عصير برتغال

والساعه 5 : اتجه للنــادي

وعقب النادي : اكل يا تونة اة صدرين دجاج او بياض البيض


+ عندي سـوبر امينو 4800
لاكن احسه مايمشي معاي