حياه مواطن سعودي

~*~ يـــــــــــوم فــــــي حــيــــــاة مــواطــــن ســـعــــودي~*~


في المطار....
كان الدختور فيصل في طريقه عشان يركب الطياره وابتسامه على وجه <<-- فاقن خشته
ومعه حرمته وعياله, فرحان انه بيرجع لديرته عقب غيبه طويله قضاها في امريتسه يدرس الدختورات حقته.. وطبعن من شوقه لاهله واهل ديرته ما حجز الا في خطوطنا المحترمه(السعوديه) وكانت هذي بداية السالوفه ...
يوم وصلوا اكتشف فيصل أن حجزه مهوب اوكي وبعد طقاق ومهاوش حطوه على الانتظار<<-- فيه شين جديد وهو يقول لحرمته : يمكن علشان خدمتهم زينه ، عندهم زحمه<<-- ماعندك سالفه ومن حظه صاروا فيه ناسن كنسلوا حجزهم وطلعوه هو وعياله بدالهم .

ركبوا الطياره وقعدوا في الفرست كلاس على خبره بحجزهم الاول ، ومادرا الا والمضيفه جايته تقول : اسكيوزمي .. قمت قامت عصبك .. انت فيس درجه اولى .. انت محلك في السياحي من زينك انت وذا الخشه
الا الرجال مرتاع : ووووووت ؟؟؟
( تشوفه تقل احدن صابن عليه بريق شاهي بس بدون سكر )
صارت الله يسلمكم الدعوه وما فيها ان واحد من (( طويلين العمر )) جاي على نفس الرحلة بدون حجز!!
وطويل العمر متعود على هالمكان ومايبي غيره<<-- حركات بزارين

قاموا على انهم بيغيرون اماكنهم .. قالت المضيفه : وييييين؟؟ تحسب نفسك في بيتكم ؟ انت لحالك والبادزين يقعدون فيذاااا
قال فيصل: شلون اروح واخليهم لحالهم جمب الرجال ؟
قالت : خلاص بندبر لكم مقاعد مع بعض........
وما انتهوا الا وواحدن من عياله قعد في الاولى وحرمته وولده الثاني في الافق وهو الضعيف نطلوه في ذنب الطياره .. أأخر شي في السياحي <<--قلنا لك بس مافيه فايده


وصل الدختور هو وعايلته تافلين العافيه وظهره مسيكين متمصع من ذا المطبات وحرمته تدعي على السواق العليمي اللي مخلينه يسوق طيارتهم

خذوا ليموزين .. لو تشوفه تقل توه متسدحن في تربان الثمامه لين قال بس ، يمشي على ثلاث كفرات والرابعه منسمه
وماتدري الا وانت شايفن غبرتهم (حشى طياره صارت ) المهم ..
وهم في الطريق مروا على الفيصليه والمملكه قال فيصل : شوفوا يا عيالي هذي اعلى ناطحات سحاب في الخليج <<-- يقالك مفتخر الحين
سأله ولده : يبه وش ذا الكوره اللي فوق الفيصليه وراهم حاطينها فيذاك ؟ <<--سعودي ماراح بعيد .. وراح يشرح لهم عنها

وفي غمرة انسجامه ( جديده غمره ذي ) مادرا فيصل الا ومرته وعياله متربعين عنده قدام في السياره ؟؟؟
طارت بوهته وقام يصايح :وجع وش جابتس فيذا انتي وعيالتس ؟؟
بعدين استوعب الرجال انهم مروا من تحت تريله وهم مايدرون ..وطاحوا في حفرتن منسيه من حفر البلديه <<-- الخير واااااجد

والا يقوم فيصل ويلتفت ذيك الالتفاته كنه مصفوقن بكفن على خشته فتقع عيناه على سواق اللموزين وهو يسبح في دمانه ويسبح ويسبح ويسبح (لاحظوا انه توه مابعد غرق ) <<-- لا يفوتكم الوصف بس
طلع فيصل جواله يبي يدق على الطوارئ 911 الا ويذكر ذيك امريتسه مهيب فيذا الله يقطع الشيطان
وش السوات الحين ؟؟
الا ولده يصرخ : يبه يبه دق على 905 ( وش دخلهم في السالفوه لا تسألونا ) تدرون وش قاله اللي رد عليه ؟؟؟
.
.
.
- أن جميع المأمير مشغولين الحين حاول الاتصال مرتن ثانيه -
حمق فيصل ..يووووووه لين الحين وانتوا مشغولين
من قبل ما اروح لأمريتسه وانتوا مابعد فضيتوا??<<-- امحق شغل
قاله الهندي وهو مازال يسبح .. بابا مافي سوي قرقر فاجد ، خود هازا رقم سوي علاج حق انا
ويدق على 998 ويعطيهم البلاغ ..
ويحتري ساعه .. ثنيتن .. ثلاث ولا يمك احد
قالت مرته: وينهم عسى ماجاهم شي وهم في الطريق بس ؟ <<-- ياليل ما اطولك
ثمن قام الهندي وهو يقول : خلاص بابا انا في اسبح فاجد هنا .. انا خلاص تعبان جيب فوطه نشف انا عشان ابغى روح بيت مال انا جيب اكل


عقب ما ارتاحوا في بيتهم قالت مرت فيصل انها تبي تروح للسوق .. قالها فيصل يالله قدااام
قرروا انهم يروحون لسوق المملكه <<--اكيد سوق اجل وشو
نطلها فيذاك هي وعيالها وهو راح لمقهى انترنط يشيك على ايميلاته <<-- ايميلاته على سنع مهوب مثل بعض الناس

في الســــــوق ...

عربجي ناسف شماغه على كتفه : يا حلو يا مربى عطنا وجه <<-- ليه ماعندك واحد
مرت فيصل : وش يبي ذا ؟ يمكن مشبه علي ؟<<-- يحليل اللي على نياته
قروي لابس بنطلون رياضه ابو خطين وزبيريه ولابس طاقيه ( يقالك كاشخ في المملكه ) : امووووت على ذا العيون .. ارووووح وطي <<--رح احد ماسكك
مرت فيصل : يا قليل الادب هذا وانا معي بزراني
القروي : أحلى شي البزران .. ترى الونيت معي يشيلتس انتي وبزرانتس <<-- ذا وجه مملكه ؟ هذا حده الحراج ويخب عليه بعد

عاد هي يوم شافت ان الحتسي معهم ماعاد ينفع قالت احسن شي اطلع لمملكة الحرمه( هذي للحريم بس يعني الشباب محرم عليهم دخولها ) يوم قعدت شوي قالت كودهم الحين طسوا ذا السمرمد .. وما امداها تنزل الا والله بذيك الزبيريه اللي كامختن راسها مكتوبن عليها الرقم
وتجيك عاد هي صايله .. وخر عنها .. وتفصخ ذيك الجزمه اللي كعبها وش طوله وتنطلها عليه الا هي فاضختن راسه وهي تسب وتشتم <<--تربيت امريكان
القروي : تراني مانيب مرجع لتس الكندره لين تكلميني
وتقوم مرت فيصل وتدق على رجلها تقوله يجي ياخذها بسرعه ..
ومادرت الا بذيك الصقعه في راسها ( يا صبر ذا الراس ) الا هو واحدن صاقعها بجواله وعليه الرقم <<-- ولد عز ويبي يبتكر طريقه جديده
مرت فيصل: الله يلعن الساعه اللي طبيت فيها ذا السوق هذا وانا متستره ومتغطيه يحليلي يوم اني في امريتسه وانا كاشفه ولا احدن يطالع فيني

وفي مـقـهـى الانـتـرنـط ..

فيصل دخل واستلم واحدن من ذا الاماكن يبي يشوف ايميلاته ويراسل الجامعه اللي يدرس فيها..
طق طق على الكيبورد( هذي لوحة مفاتيح للي ثقافتهم فرنسيه ) توه ما امداه يدخل الا انقطع الا تصال ... .. مايخالف نحاول مرتن ثانيه ... حط اول حرفين من العنوان الا قطع الاتصال مرتن ثانيه وش السالفه ؟
شبك الخط ... كمل اول كلمتين الا و الخط منقطع
عصب فيصل ونادا الرجال المسؤول قاله : ياخوي عندكم مشكله في اجهزتكم انتو خدمتكم تعبانه مره <<-- تووووك مابعد شفت شي
قاله الرجال : لا ياعمي شو هاد .. انتا مابتعرف انو المشكله من الاتصالات مو من عندنا ؟ حنا ماالنا اي علاقه بهيك شي ، شكلك جديد هون مابتعرف
ايه طول بالك هلا بتشتغل معك .. حنا تعودنا على هالوضع من زمان <<-- الله من الفشيله
قعد شوي الا رجع الاتصال ..قال : زين الحين الوضع تمام.. خلني الحق ادخل العنوان قبل لا يقطعون الخط في وجهي مرتن ثانيه

دخل العنوان .. انتر ... ويقعد يحتري ويحتري ويحتري وين العنوان ؟؟ مافيه شي
طيب نحاول من جديد ..نفس المشكله !! نادا المسؤول ... قاله الرجال : مو قلت لك لساتك جديد على هالشغلات .. ايه ياعمي اطلب لك شي خروف تاكلوه ولا ترمس شاي تشربوه على بال ما يفتح معك .. الشغله لساتها مطوله
فيصل : يؤ لو اني داري كان مريت فيذا قبل حطيت العنوان ورحت السوق مع حرمتي ولين خلصنا اعود القاه يمكن يكون فتح ( هذا يمكن بعد )
وبعد ما غابت الشمس بساعتين .. فتح الموقع قام يناقز من الفرحه .. اخيرا مابغى يفتح معه ..

الايطالع في الشاشه ويلصق خشته فيها ... وشذااا وش صاير ؟؟ وين الموقع ؟؟؟
اثاريه مسكين طلع له ... الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
( لا تلومونه في امريتسه ما عندهم ذا السوالف )
وينادي المسؤول .. ويشرح له السبب
قال فيصل : طيب ليش وش دخل هذا في هذاك هذا موقع جامعه مافيه شي ؟

لحووووووول .. اروح انا اشوف ايميلي اصرف لي
ماعاد فيني اعصاب ..
يدخل على ايميله ويلقى ..الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
فيصل فقد اعصابه .. وقام يسب وبلعن والله لو اني رايح مع مرتي للسوق كان اصرف من مقابلكم انتو وذا الانترنط حقكم <<-- بلاك ماتدري عن اللي صار في حرمتك

طيب هين والله لا اوريهم
فكر انه يدخل على موقع مدينه الملك عبدالعزبز علشان يعترض عليهم .. دخل الموقع الا والمفاجأه ..الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
هاااااه



مر فيصل واخذ حرمته وعيالها في السوق وهم يحتسون لبعض وش اللي صار معهم .. وهم في الطريق قال له ولده : يبه خلنا نروح للبحر ترى ذبحنا ذا الحر تكفى خلنا نروح نسبح <<--متعودين على العز
قام فيصل يضحك : مصدقن نفسك انت تحسب اننا لين الحين في امريتسه ؟ حنا بالرياض يا بعد تسبدي مابه بحرن فيذا ولا حتى بحيرتن صغيره
قال الثاني : طيب يبه خلنا نروح للسينما فيه فلم جديد نازل يهبل وش زينه ودنا نشوفه
رجع فيصل يضحك :بردتوا على تسبدي عقب اللي صار فيني .. ذ

~*~ يـــــــــــوم فــــــي حــيــــــاة مــواطــــن ســـعــــودي~*~


في المطار....
كان الدختور فيصل في طريقه عشان يركب الطياره وابتسامه على وجه <<-- فاقن خشته
ومعه حرمته وعياله, فرحان انه بيرجع لديرته عقب غيبه طويله قضاها في امريتسه يدرس الدختورات حقته.. وطبعن من شوقه لاهله واهل ديرته ما حجز الا في خطوطنا المحترمه(السعوديه) وكانت هذي بداية السالوفه ...
يوم وصلوا اكتشف فيصل أن حجزه مهوب اوكي وبعد طقاق ومهاوش حطوه على الانتظار<<-- فيه شين جديد وهو يقول لحرمته : يمكن علشان خدمتهم زينه ، عندهم زحمه<<-- ماعندك سالفه ومن حظه صاروا فيه ناسن كنسلوا حجزهم وطلعوه هو وعياله بدالهم .

ركبوا الطياره وقعدوا في الفرست كلاس على خبره بحجزهم الاول ، ومادرا الا والمضيفه جايته تقول : اسكيوزمي .. قمت قامت عصبك .. انت فيس درجه اولى .. انت محلك في السياحي من زينك انت وذا الخشه
الا الرجال مرتاع : ووووووت ؟؟؟
( تشوفه تقل احدن صابن عليه بريق شاهي بس بدون سكر )
صارت الله يسلمكم الدعوه وما فيها ان واحد من (( طويلين العمر )) جاي على نفس الرحلة بدون حجز!!
وطويل العمر متعود على هالمكان ومايبي غيره<<-- حركات بزارين

قاموا على انهم بيغيرون اماكنهم .. قالت المضيفه : وييييين؟؟ تحسب نفسك في بيتكم ؟ انت لحالك والبادزين يقعدون فيذاااا
قال فيصل: شلون اروح واخليهم لحالهم جمب الرجال ؟
قالت : خلاص بندبر لكم مقاعد مع بعض........
وما انتهوا الا وواحدن من عياله قعد في الاولى وحرمته وولده الثاني في الافق وهو الضعيف نطلوه في ذنب الطياره .. أأخر شي في السياحي <<--قلنا لك بس مافيه فايده


وصل الدختور هو وعايلته تافلين العافيه وظهره مسيكين متمصع من ذا المطبات وحرمته تدعي على السواق العليمي اللي مخلينه يسوق طيارتهم

خذوا ليموزين .. لو تشوفه تقل توه متسدحن في تربان الثمامه لين قال بس ، يمشي على ثلاث كفرات والرابعه منسمه
وماتدري الا وانت شايفن غبرتهم (حشى طياره صارت ) المهم ..
وهم في الطريق مروا على الفيصليه والمملكه قال فيصل : شوفوا يا عيالي هذي اعلى ناطحات سحاب في الخليج <<-- يقالك مفتخر الحين
سأله ولده : يبه وش ذا الكوره اللي فوق الفيصليه وراهم حاطينها فيذاك ؟ <<--سعودي ماراح بعيد .. وراح يشرح لهم عنها

وفي غمرة انسجامه ( جديده غمره ذي ) مادرا فيصل الا ومرته وعياله متربعين عنده قدام في السياره ؟؟؟
طارت بوهته وقام يصايح :وجع وش جابتس فيذا انتي وعيالتس ؟؟
بعدين استوعب الرجال انهم مروا من تحت تريله وهم مايدرون ..وطاحوا في حفرتن منسيه من حفر البلديه <<-- الخير واااااجد

والا يقوم فيصل ويلتفت ذيك الالتفاته كنه مصفوقن بكفن على خشته فتقع عيناه على سواق اللموزين وهو يسبح في دمانه ويسبح ويسبح ويسبح (لاحظوا انه توه مابعد غرق ) <<-- لا يفوتكم الوصف بس
طلع فيصل جواله يبي يدق على الطوارئ 911 الا ويذكر ذيك امريتسه مهيب فيذا الله يقطع الشيطان
وش السوات الحين ؟؟
الا ولده يصرخ : يبه يبه دق على 905 ( وش دخلهم في السالفوه لا تسألونا ) تدرون وش قاله اللي رد عليه ؟؟؟
.
.
.
- أن جميع المأمير مشغولين الحين حاول الاتصال مرتن ثانيه -
حمق فيصل ..يووووووه لين الحين وانتوا مشغولين
من قبل ما اروح لأمريتسه وانتوا مابعد فضيتوا??<<-- امحق شغل
قاله الهندي وهو مازال يسبح .. بابا مافي سوي قرقر فاجد ، خود هازا رقم سوي علاج حق انا
ويدق على 998 ويعطيهم البلاغ ..
ويحتري ساعه .. ثنيتن .. ثلاث ولا يمك احد
قالت مرته: وينهم عسى ماجاهم شي وهم في الطريق بس ؟ <<-- ياليل ما اطولك
ثمن قام الهندي وهو يقول : خلاص بابا انا في اسبح فاجد هنا .. انا خلاص تعبان جيب فوطه نشف انا عشان ابغى روح بيت مال انا جيب اكل


عقب ما ارتاحوا في بيتهم قالت مرت فيصل انها تبي تروح للسوق .. قالها فيصل يالله قدااام
قرروا انهم يروحون لسوق المملكه <<--اكيد سوق اجل وشو
نطلها فيذاك هي وعيالها وهو راح لمقهى انترنط يشيك على ايميلاته <<-- ايميلاته على سنع مهوب مثل بعض الناس

في الســــــوق ...

عربجي ناسف شماغه على كتفه : يا حلو يا مربى عطنا وجه <<-- ليه ماعندك واحد
مرت فيصل : وش يبي ذا ؟ يمكن مشبه علي ؟<<-- يحليل اللي على نياته
قروي لابس بنطلون رياضه ابو خطين وزبيريه ولابس طاقيه ( يقالك كاشخ في المملكه ) : امووووت على ذا العيون .. ارووووح وطي <<--رح احد ماسكك
مرت فيصل : يا قليل الادب هذا وانا معي بزراني
القروي : أحلى شي البزران .. ترى الونيت معي يشيلتس انتي وبزرانتس <<-- ذا وجه مملكه ؟ هذا حده الحراج ويخب عليه بعد

عاد هي يوم شافت ان الحتسي معهم ماعاد ينفع قالت احسن شي اطلع لمملكة الحرمه( هذي للحريم بس يعني الشباب محرم عليهم دخولها ) يوم قعدت شوي قالت كودهم الحين طسوا ذا السمرمد .. وما امداها تنزل الا والله بذيك الزبيريه اللي كامختن راسها مكتوبن عليها الرقم
وتجيك عاد هي صايله .. وخر عنها .. وتفصخ ذيك الجزمه اللي كعبها وش طوله وتنطلها عليه الا هي فاضختن راسه وهي تسب وتشتم <<--تربيت امريكان
القروي : تراني مانيب مرجع لتس الكندره لين تكلميني
وتقوم مرت فيصل وتدق على رجلها تقوله يجي ياخذها بسرعه ..
ومادرت الا بذيك الصقعه في راسها ( يا صبر ذا الراس ) الا هو واحدن صاقعها بجواله وعليه الرقم <<-- ولد عز ويبي يبتكر طريقه جديده
مرت فيصل: الله يلعن الساعه اللي طبيت فيها ذا السوق هذا وانا متستره ومتغطيه يحليلي يوم اني في امريتسه وانا كاشفه ولا احدن يطالع فيني

وفي مـقـهـى الانـتـرنـط ..

فيصل دخل واستلم واحدن من ذا الاماكن يبي يشوف ايميلاته ويراسل الجامعه اللي يدرس فيها..
طق طق على الكيبورد( هذي لوحة مفاتيح للي ثقافتهم فرنسيه ) توه ما امداه يدخل الا انقطع الا تصال ... .. مايخالف نحاول مرتن ثانيه ... حط اول حرفين من العنوان الا قطع الاتصال مرتن ثانيه وش السالفه ؟
شبك الخط ... كمل اول كلمتين الا و الخط منقطع
عصب فيصل ونادا الرجال المسؤول قاله : ياخوي عندكم مشكله في اجهزتكم انتو خدمتكم تعبانه مره <<-- تووووك مابعد شفت شي
قاله الرجال : لا ياعمي شو هاد .. انتا مابتعرف انو المشكله من الاتصالات مو من عندنا ؟ حنا ماالنا اي علاقه بهيك شي ، شكلك جديد هون مابتعرف
ايه طول بالك هلا بتشتغل معك .. حنا تعودنا على هالوضع من زمان <<-- الله من الفشيله
قعد شوي الا رجع الاتصال ..قال : زين الحين الوضع تمام.. خلني الحق ادخل العنوان قبل لا يقطعون الخط في وجهي مرتن ثانيه

دخل العنوان .. انتر ... ويقعد يحتري ويحتري ويحتري وين العنوان ؟؟ مافيه شي
طيب نحاول من جديد ..نفس المشكله !! نادا المسؤول ... قاله الرجال : مو قلت لك لساتك جديد على هالشغلات .. ايه ياعمي اطلب لك شي خروف تاكلوه ولا ترمس شاي تشربوه على بال ما يفتح معك .. الشغله لساتها مطوله
فيصل : يؤ لو اني داري كان مريت فيذا قبل حطيت العنوان ورحت السوق مع حرمتي ولين خلصنا اعود القاه يمكن يكون فتح ( هذا يمكن بعد )
وبعد ما غابت الشمس بساعتين .. فتح الموقع قام يناقز من الفرحه .. اخيرا مابغى يفتح معه ..

الايطالع في الشاشه ويلصق خشته فيها ... وشذااا وش صاير ؟؟ وين الموقع ؟؟؟
اثاريه مسكين طلع له ... الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
( لا تلومونه في امريتسه ما عندهم ذا السوالف )
وينادي المسؤول .. ويشرح له السبب
قال فيصل : طيب ليش وش دخل هذا في هذاك هذا موقع جامعه مافيه شي ؟

لحووووووول .. اروح انا اشوف ايميلي اصرف لي
ماعاد فيني اعصاب ..
يدخل على ايميله ويلقى ..الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
فيصل فقد اعصابه .. وقام يسب وبلعن والله لو اني رايح مع مرتي للسوق كان اصرف من مقابلكم انتو وذا الانترنط حقكم <<-- بلاك ماتدري عن اللي صار في حرمتك

طيب هين والله لا اوريهم
فكر انه يدخل على موقع مدينه الملك عبدالعزبز علشان يعترض عليهم .. دخل الموقع الا والمفاجأه ..الوصول إلى هذه الصفحه غير مسموح به ... اذا كان لديك اعتراض على حجب الصفحه .... الخ
هاااااه



مر فيصل واخذ حرمته وعيالها في السوق وهم يحتسون لبعض وش اللي صار معهم .. وهم في الطريق قال له ولده : يبه خلنا نروح للبحر ترى ذبحنا ذا الحر تكفى خلنا نروح نسبح <<--متعودين على العز
قام فيصل يضحك : مصدقن نفسك انت تحسب اننا لين الحين في امريتسه ؟ حنا بالرياض يا بعد تسبدي مابه بحرن فيذا ولا حتى بحيرتن صغيره
قال الثاني : طيب يبه خلنا نروح للسينما فيه فلم جديد نازل يهبل وش زينه ودنا نشوفه
رجع فيصل يضحك :بردتوا على تسبدي عقب اللي صار فيني .. اي فلم واي سينما يا حليلكم والله مابعد تعودتوا على الرياض ولا عرفتوها
قال انا اوديكم تتمشون ..

طبعن اذا انتوا من اهل الرياض بتعرفون وين تمشيتهم فيه اما اذا منتب من اهل الرياض ولا تدري .. خلك احسن لا تدري

طقوا لهم خيمتن فوق طعس من طعوس الثمامه وخلا فيصل عياله يلعبون ...
لكن العيال معيين
وامهم مسنتره في السياره معييه تنزل منها ..ليش ؟؟؟
ولكم وجه تسألون عقب كل هذا ؟؟؟؟؟؟؟؟؟؟؟
الحين عقب البحر والرحلات والغابات والسينما والبرطخه في امريتسه تبونهم ينبسطون على ذا الخيام وذا التربان
<<-- لا تعليق


وفي نهاية اليوم رجعوا كلهم تعبانين لبيتهم يدورون الراحه ..
يوم رقدوا البزران .. قال فيصل لحرمته ..
والله اني مشتهي شاهي من يديتس ذا الزينه <<-- شهوات انصاص الليالي
مرت فيصل : ولو اني تعيبانه وراسي يعورني وفيني النوم بس ابشر والله من عيوني
طبعن علشان تصلح الشاهي لازم تولع النار علشان تسخن المويه ( هذا للي ماعندهم علم بامور المطبخ )
عاد مرت فيصل من تعبها ولعت النار على المويه قالت بأمدد رجلي فوق الكرسي لين تفوح المويه ..
هي مدت ذا الرجلين ... وراحت في نومه
ولا حست بالهوا يحرك الستاره ويجيبها على الفرن وتولع النار في الستاره ..
والا يشب المطبخ كله
يوم حست بالحراراه وتقوم تصارخ وتركض تعلم رجلها ..وينقز مع الروعه ويلقط عياله ومرته ويطلعهم في الشارع ويطلع فوق يبي يجيب جواله علشان يكلم النجده الا وهو نازل ويتكرفس مع ذا الدرج <<<-- ومسوي لنا فيها بطل
ما عاد عنده الا انه يهج مع عياله للشارع .
ويلقط الجوال ويدق على المطافي وهو يصارخ ويقول الفزعه الحقوني ..
ويطمن عياله .. انشالله مافيه الا الخير دقايق وجايين المطافي <<-- ياليل ما اطولك

وهالدقايق صارت ساعات .. وساعات .. وساعات
وما وصولو الا والبيت كله صار فحم

وفيصل يقول وهو يصيح : توكم مبكرين ورا ما قعدتوا لين بكره
الغلطه غلطتي انا ... انا اللي غلطان يوم فكرت ارجع هنا مره ثانيه والله انا المقرود اللي رجعت ولا ما كان صارت لي كل هالمصايب والمشاكل الله لا يبارك في الساعه اللي جيت فيها <<--قلبه محتر

وما طلعت شمس اليوم الثاني الا وفيصل وحرمته وعياله في المطار ( بس هالمره على غير خطوط )
ومعهم اوراق الهجره الى امريتسه )

الــــنـــــهــــايـــــــه