بخصوص الانيمال كت وتخفيض الدهون مع الاحتفاظ بالعضل

معلومات المتقدم بالاستفسار :
العمر : 28 , الجنس : ذكر

الطول :193 متر
الوزن : 90 كيلوجرام



و الاستفسار كالتالي :
اخواني الكرام اعذروني على السؤال لاكثر من مرة لكن ابي استفيد من خبراتكم

اخواني انا ضخمت عضلاتي ببروتينات صافية مع الاهتمام بالتغذية لكن عندي مشكلة انه الشحوم عندي زايدة شوي لكن ابي احرقها ومسألة الحرق وصلت لمرحلة اصبحت فيها مكينة هوندا اكورد شغالة سفريات كل يوم

يعني ساعة تمرين جري مع هرولة يعني تقريبا الجري فيها يقارب اكثر من 25 دقيقة

والسيكل فقط 15 دقيقة

لي شحوم في جسدي والضخامة انا ما ابيها كثير وهدفي هو جسم فرنسي بدون كورس هرموني

طبعا اللي اخذه فقط بروتين ايزو 100 بدون فات وبدون سكر ونسبة 1% كارب والتمرين لمدة4 ايام في الاسبوع

الشحوم بسيطة نسبيا لكن ابي اوصل لجسم ناشف بدون اي شحم عليه بحيث ان عظمة الخد عندي تبان والانف حتى يصغر وتبان معي عظمة الفك اكثر من الحين لذلك هل الانيمال كت مناسب لي ويعطيني النتيجة المطلوبة ؟؟؟؟


مثل اللي في الصورة كمثال ؟؟؟

وعليكم السلام .. الانيمال كت حلو + الاوكسي ايليت .. على ما اعتقد هم افضل حوارق دهون من خلال تجربه ...وانصحك تبتعد عن الجري والهروله ... واستمر على المشي السريع او السيكل او الابتيكال (الي تحرك ايدك ورجلك) ..واستخدم جلوتامين +بي سي ايه ايه قبل وبعد المرين على شان ما تفقد عضل ... ولا تنسى النضام الغذائي الصارم ..والكارديو يكون بع تمارين الحديد .. بلتوفيق

هل البايسون او الباور هورس والمشروبات هذه ممكن تؤدي عمل الليبو 6 او حوارق الدهون ولو بشكل قليل ؟؟؟؟؟؟؟؟؟

لا طبعا !
بالعكس تزيد الطين بله كلها سكر

اخوي اهم شي بالتنشييييييف هو نظام اكلك
الحارق مساعد فقط
ويفترض انك ماتاخذه الا بعد ماتمضي وقت بالتنشيف بدونه
ليش اقولك ليش : لان البداية بالتنشيف راح تحس بنزول الدهون والمياه بشكل اسرع من النهاية فعشان توافق بينهم ابدا بنظام تنشيف من ناحية الاكل والتمارين واذاا حسيت ان النتايج بدأت تخف ابدا بالحارق
وممكن من البداية الى النهاية تستعين بال كارنتين