أصدرت CAPCOM المزيد من العروض لـ RESIDENT EVIL 6

السلام عليكم ورحمة الله وبركاته ..

اطاب الله اوقاتكم أعزائي اعضاء منتدى المنتدى .. اولا حبيت اباركم لكم بالشهر الفضيل .. وعساه يتبارك عليكم وينعاد بالصحه والعافيه

اصدرت شركة كابكوم 3 عروض جديده لـ مصدر ربحهم الشهيره .. رزدينت ايفل 6 .. التي عرضوها بـ مؤتمر سان ديغو بـ امريكا ولكن بتقنيه أوضح من قبل ... !



Leon

http://youtu.be/iJ3Rjz9cmIY


Chris

http://youtu.be/sFWh9fcXZCA


Jake

http://youtu.be/Z2mDr2POMK8



صراحه من ناحيتي عاجبتني اللعبه وماشوف فيها اي خلل

re1
re2
re3
re4
re5

حطوهم بخلاط وانتجو Re6

والي ميز الاجزاء 1 + 2 + 3 شي واحد بس !!

الي أهو : تلعب بمكان واحد بالمعنى ! قصر او مركز شرطه يخليك تكمل ثلاث ارباع اللعبه بنفس المكان ومن ثم تنتقل لمكان النهايه

بعكس الجيل هذا .. المراحل والجرافيكس تعبانين عليه بشكل كبير كل خمس دقايق مكان جديد .. وهذا ابداع اشوفه ( وجهة نظر )

اتمنى ما اطلت عليكم .. لكن الفرصه يستحقها الاحمق قبل الحكم عليه !! .. عطو لكل شي فرصه

سمعت انهم نزلو ديمو جديد بعد ماعدلو كم عيب ازعج الفانز

هل هاي نفسه ولا غير ؟؟

ومشكووووور عالفيديوات

لا ماتغير الديمو الي نزل مؤخرا ع الاكس بوكس ولكن حصلت بعض الانتقادات منهم يقول اصبحت سريعه ومبالغ بالسرعه ومنهم يقول الشخصيه اصبحت اكبر وتاخذ نص الشاشه .. ماشوف اي عيب فيها

بخصوص الديمو الي بينزل ع بلاستيشن 3 اتوقع انه غير عن الاكس بوكس .. لو تلاحظ اول مره يعرضون ديمو ع بلاستيشن يكون بمكان مختلف عن الاكس بوكس كل من جاك وليون وكريس ..

انا مو فان حق ريزدينت ايفل بس الفان منزعجين من سالفة health regeneration و ان اللعبة صارت more of an action game than survival

^^

انا جتني صدمه من الي صار بالجزء الـ4 + 5 .. انهم خرجو من نمط اللعبه الاساسي الي تعودنا عليه ب اول 3 اجزاء وتعجبت من الجرافيكس وطريقة اللعب كانت مذهله وحلوه .. لو تجربونها كـ لعبه ليست ب مسمى re راح تعجبكم !

اما بخصوص الجزء 6 صدقني راح تتغير نظرتهم كليأ بنمط ليون .. كابكوم مايقدرون يردون اللعبه لجذورها ولا يقدرون يكملون بنمط الاكشن بسبب الفانز الي عجبهم الاكشن وعجبهم الرعب
ف مايبون يخسرون الاثنين .. وجمعو كل الود بمكان واحد (( ضربو عصفورين بحجر واحد )) عساس توازن الجمهور وانا اشوفها خطوه مذهله وعجيبه منهم ... ولايغرك ردود الفانز بـ اكثر المواقع رغما عن الي يقولونه راح يشرفون المحلات التجاريه ويشترونها بوقت صدورها ..

شباب تكفون متا ينزل ديمو رزدت ايفل 6 ويصير مفتوح للجميع على بلاستيشن ستور

تاريخ الديمو موجود ع غلاف دراجون دوغما 1 - 9 - 2012

اما ع الاكس بوكس نزل من وقت قصير

طيب هل الديمو راح يكون متاح للكل على ستور ولا بس للي عندهم دراجون دوجما

اقتباس:

---

المشاركة الأصلية كتبت بواسطة كريس909

طيب هل الديمو راح يكون متاح للكل على ستور ولا بس للي عندهم دراجون دوجما

---

راح ينزل على الستور للجميع يوم ٥ سبتمبر
http://en.m.wikipedia.org/wiki/Resid...il_6#section_2

شكرا على المعلومه متحمس للديمو

انا معاك التصوير قوي ومساحات كبيره باللعبه بس مع كل اسف اللعبه خسرت المتعه باللعب اصبحت لعبة رمايه فقط وفعلا الشخصيه ماخذه نص الشاشه هل انا اريد ان العب او ارى ظهر الشخصيه ؟ ولو تلاحظون لا تستطيع ان ترى اي شخص خلفك كأني العب لعبة gears of war

اقتباس:

---

المشاركة الأصلية كتبت بواسطة Hollaco

انا معاك التصوير قوي ومساحات كبيره باللعبه بس مع كل اسف اللعبه خسرت المتعه باللعب اصبحت لعبة رمايه فقط وفعلا الشخصيه ماخذه نص الشاشه هل انا اريد ان العب او ارى ظهر الشخصيه ؟ ولو تلاحظون لا تستطيع ان ترى اي شخص خلفك كأني العب لعبة gears of war

---

اللعبة من الجزء الخامس وهي تقلد Gears
عموما قد تتحسن الأوضاع مع الجزء السادس خصوصا وأن الرعب متوفر في مراحل ليون

تسلم حبيبي على طرح واللعبة شكلها حلوة :)

اقتباس:

---

راح ينزل على الستور للجميع يوم 5 سبتمبر

---

اقتباس:

---

http://en.m.wikipedia.org/wiki/Resid...il_6#section_2

---

مشكور
كنت خايف ان الديمو يكون حصري لملاك دراجونز دوجما

عندي اضافة بعد اذنكم
ممكن RE5 قلدت جيرز ولكن لاتنسوا ان جيرز قلدت RE4
يعني الدنيا دوارة