مشكلتي الوزن الثابت ونحولي

معلومات المتقدم بالاستفسار :
العمر : 25 , الجنس : ذكر

الطول :179 متر
الوزن : 50 كيلوجرام



و الاستفسار كالتالي :
السلام عليكم ورحمة الله

مبارك عليكم الشهر..

أخواني مشكلتي في الوزن الثابت حيث دخلت الجيم من شهر 11 الي طااف الى الان.. ولم يزيد وزني الا من 43 الى 50 .. ما ادري يمكن هوو شي طيب لكن شوفوا الانواع الي أخذتها..

اول شي بخصوص

البروتين فات.. اخذت
True mass طبعا ما زاد ولا شي
و
Mucle Juice زاد لي 3 كيلوو على 4 اشهر ..
الدب الروسي.. اخذته شهرين مازاد وزني الا نقص وقتها
والاخير اخذت أزوو ووصل وزني الى ما بين 49 و 50 .. وثبت .. مع العلم اني استخدمه من 3 اشهر..

وباخذ وياه احماض امينية ( امينو ) وو منتج باور وو جلوتامين بألتزام.. مع التمرين الملتزم يوميا ما عدى يوم الجمعه راحه..

والان اخذت methandienone امس اول جرعه يعني حسب الجدول الي عطاني اياه المدرب 23455432.. ووو من قريت المواضيع المكتوبه عنه صراحة خفت حييييييييل..

فااا أبي الحل منكم ياا هل الخبره الله يجزيكم خير.. لان اهم شي عندي صحتي انا من دشيت الجيم دشيت عشان ارتب جسمي واحافظ على صحتي ..

وشكرا

وعليكم السلام ورحمة الله

لاحول ولا قوة الله بالله
اهم شي عندك صحتك اجل ابعد عن هالسم ومدربك نذل ومايخاف ربه ولا كان ع الاقل علمك بمضاره قبل
اضراره كثيره وبالاساس هو غير مفيد لوحده
راح يعبيك اغلبه ماء وبعدين يرجع جسمك مثل ماكان
والاضرار تبقى وارده بأي وقت
والاضرار مهي بسيطة مثل العقم لاسمح الله لانه يوقف التست الطبيعي ومثل امراض الكبد وغيررره


اخوي تعوذ من الشيطان واترك عنك هالامور لو كنت تحب تحافظ على صحتك لان هالامور يبقى اثره


انت ذكرت لنا عدة مكملات
لكن ماجبت طاري النظام الغذائي
مع انه هو الاهم
فياليت تكلمنا عنه لان لو كان النظام مش ولا بد فا طبيعي هالشي انك ماتزيد ولا تستفيد من المكملات ولا حتى الهرمونات

يعطيك العافية يالغالي ...

والله ما ادري شقول لك اليوم انا كلمته عن مضاره والخ.. وقال انه مع كثرة الماء ما راح يكون له تأثير يعني اكثر من شرب الماي.. وووو وعلى فكرة عطاني اياه لفترة أسبوعين فقط..!!!

بخصوص النظام الغذائي.. 3 وجبات في اليوم مع جرعتين بروتين يومين.. طبعا الحين رمضاااان فطور وسحور وبينهم مره بروتين..

النوم مخربط يعني مرات انام من 6 الي 7 ساعات ومرات بصراحة مو اقل من 12 ساعه :(... اذا كنت مرهق..

طبعا يمكن تقول اني في عيب هرمونات او خلافه ... فأقول لك تطمن لاني قبل لا ادخل النادي كنت متواصل مع طبيب التغذيه وهو الي اقترح علي ادخل الجيم... وووو كان معاي فقط نقص في الماء .. لاني كنت قليل ما اشرب الماي.. اما باقي الامور طبيعيه..

والحين شرايك اكمل الاسبوعين واتركه!!

انتظر ردك..

وجزاك الله الف خير..

الراي هو انك في البدايه تبتعد عن الهرمون نهااائيا لانه توك مبتدئ

ثانيا في رمضان ما راح تزيد ولكن بعد رمضان ان شاء الله رتب اكلك خله خمس وجبات من غير البروتين واضغط على نفسك في انك تاكل هالوجبات

تغير في نظامك الغذائي

نوع في الاكل لا تظل على اكل معين حتى لو كان الاكل مليئ بالبروتين والكربوهيدرات غيره ، الجسم اذا اعتاد على وجبات معينه يوقف عن النمو

والله ياخوي مدربك كذاب

الهرمونات بعمرها ماصارت مشكلتها مع الماء وبس تشرب ماء وخلاص تنتهي المشكلة
اذا انت تبي صحتك انا ااقولك لاتاخذه
خاصة مثل الداينبول وهالطقة والله ماشفت احد مدحهم لحالهم كله حق ينفخك ماء وبعد كذا يبدا الجسم ينزل بسرعه
ثانيا اضراره
الي خذها لابد خلال فترة الكورس راح يوقف عندك هرمون التست مباشرة .. وبعد الكورس توقع اي شي لاسمح الله .
ومنها ايضا قوته وسميته على الكبد سام جدا على الكبد واعتقد والخبراء بهالامور افهم مني يلزم معه مدعمات للكبد وماهي ضمان مية بالمية


والامر اولا واخيرا راجع لك

وحسسسسسسن نظامك الغذائي
وربي اقولك هالكلام اتحسر من داخلي
شف انا فترة سنه والله بدون اكل ماستفدت شي ابد
كل الي سويته وبصراحة
اني ضليت اكل الغدا مع الاهل + العشاء مع الاهل
+
فطور الصبح احرص على الفطور 4 بيضات مع خبز بر وحليب
+ وجبة بروتينيه قبل التمرين ووجبة اخرى مثل علبة تونه فقط قبل العشاء احيانن اخذها لو صار فيه وقت بعيد عن العشاء


يعني الامر بسيط بسسسسس احررررررص على اكلك
خلها خمس وجبات
الصبح
وجبة فطور + بعده بساعتين سكوب بروتين
وغداء
وقبل التمرين وجبة
وبعد التمرين بروتين وبعده وجبة
ووبعده وجبة عشاء اخيره

وبإذن الله بتشوف نتايج تسرك


ولو لو لو حسيت ان هالشي ايضا مايفيد تحتاج للتدخل الهرموني
قبل لاتبدا بالهرمونات جرب المحفززززات مثل التست والستاك والام ستاك وغيرهم



وموفق يالغالي

[COLOR="#0000FF"][SIZE=4]]والله لو تنظم أكلك وتنظم مكملاتك صرح ليطلع جسمك تغير في أكلك كل مدة وتمارينك تنوع فيها من ناحيه التكتيكات وكل شيء ..... واضف مع كورسك محفز من غير البروتين وفيتامينات وحامض أمينه واصبر ونام كويس فيه واحد بالمنتدى يعجبني كثيييييير ما شاء الله عليه الله لا يضره نكه بالأنقلش ليون شوف صوره واحكم بنفسك اهتم بنفسه سنه كامله بسس وطلع جسمه كانه مأخذ هرمون أنا لو ما عندي ظروف تحدني كان انتظمت بكل شيء الحمد لله على النعمه

اعذروني على الأخطاء الأملائيه لان اكتب على الايباد

يمكن المشكله في جدولك الغذائي ..

يمكن البروتين مش اصلي << حصلت معي

خذ لك bcaa وامشي على جدول غذائي محترم واستعمل برو كمبكلس أو بروكمبلكس جينر

ممتازين لزياده الوزن