Guild Wars 2 | Professions & Skills & Traits - نظرة من تجربتي مع البيتا -

http://desmond.imageshack.us/Himg820...pg&res=landing

اتمنى انه الموضوع يكون مفيد و يعطي فكرة عن الـ Professions او الاختصاصات الموجودة في اللعبة و بقدر الإمكان بحاول اختصر في الشرح و التركيز على الجوانب العامة لانه ممكن تصير تغييرات بعد موعد صدور اللعبة (بعد 22 يوم).

ملاحظة : اللي بتكلم عنه يعبر عن رأيي الشخصي في البروفيشنس و تجربتي في البيتا لا أكثر! و اسمحولي لو الموضوع شويه مب مرتب كتبته بسرعة و اذا في اي معلومه مش صحيحة خبروني.


المقدمة

اللعبة فيها 8 اختصاصات و كل اختصاص له اسلوب خاص في اللعب و الاختصاصات هذه تعرف في الألعاب الثانية كـ Classes. و كل اختصاص عنده القدرة انه يساهم بشكل كبير في الـ Damage/Heal/Control & Support. فلا تتوقع يكون في اختصاص يقدر يصير تانك او هيلر او دمج بشكل خاص و هالشي مش موجود مثل ما تعودنا نشوفه في أغلب ألعاب الـ MMORPG. في البداية ببدا بالـ Skills و الـ Traits. و عقب بتكلم عن الكلاسات او البرفيشسنس

Skills

الحركات توزيعها نوعا ما مشابه لكل كلاس مع اختلافات بسيطة في بعض الكلاسات مثل Engineer وElementalist. عالعموم هذه صورة توضيحية عن الحركات اللي عند كل لاعب و تقسيماتها

http://img833.imageshack.us/img833/7089/skillsb.jpg

1- المجموعة الأولى اللي هي من رقم 1-3 بالكيبورد هذه حركات تخص السلاح في الـ Main Hand و غالبا تكون هي الحركات الرئيسية اللي تستخدمها ضد الخصم علشان و اهي اقواها (Damage skills/Conditions). اما اذا كان عندك سلاح Two Hands المجموعة الأولى إلى المجموعة الثانية كلها بتصير للسلاح نفسه لانه ما عندكم مجال يكون عندك Off-Hand.
2- المجموعة الثانية اللي هي من رقم 4-5 بالكيبورد هذه حركات تخص السلام في الـ Off Hand و هذه الحركات بحكم تجربتي ممكن تكون حركات Damage أو Control أو Support. ممكن واحد يسألني يقول شو الفرق بين Control و Support ! الفرق انه Control يستخدم في مواقف معينة علشان تحد او تسيطر على الخصم و الضربة ممكن تكون ضعيفة لكن مهمة في واقف كثيرة علشان تنقذ نفسك (مثال Stun/Snare/Daze). أما Support هذه حركات تخدم فيها الفريق مثال انك تحطي حاجز تحمي فيه فريقك من الضربات الموجهة :).
3- المجموعة الثالثة هي عبارة عن Heal خاص بالكلاس و اللي يعتبر مصدر اساسي علشان ترفع طاقتك
4- المجموعة الرابعة مثل ما يسمونها "Utility skills" هذه حركات متعددة الاستخدامات بين Damage/Support/Control/Boons/Conditions. الحين بتطلع اسألة أكثر شو هو الـ Boon و شو هو الـ Condition!. الـ Boon هي بنفس معنى Buffs اللي متعارف عليها في لعبة WoW (مثال تحطي على نفسك Boon يزيد قوة الضربات اللي تستخدمها لمدة 5 ثواني).الـ Conditions هي بنفس معنى DoTs/Disease (مثال انك تحطي Condition على الخصم تبطىء حركته بنسبة 50% لمدة 3 ثواني).
5- المجموعة الخامسة هي Elite Skills هذي اقوى حركة في كل كلاس و لانها اقوى حركة اول ما تستخدمها تحتاج تقريبا الى دقيقتين عشان تقدر تستخدمها للمره الثانية. و الـ Elite Skill ممكن يكون Damage/Support/Control/Boons/Conditions.
6- المجموعة السادسة حركات خاصة لكل كلاس و تختلف استخداماتها من كل كلاس حتى طريقة استخدامها مختلفة و هي من الحركات القوية او فيها الآلية الرئيسية لإمكانيات الكلاس.
7- رقم 7 تسمح لك انك تغير السلاح على طول و تغير لك المجموعة الأولى و الثانية من الحركات اللي عندك. يعني لو كنت Warrior و عندي Two Handed Sword اقدر احول لـ Two Handed Mace أو اصير Ranged و يكون عندي Riffle. و طبعا مهما جدا انك تعود نفسك تبدل السلاح بسرعة علشان تعصر الشخصية مالتك و تستفيد من تنوع الحركات اللي عندك بناء على الموقف اللي انت فيه.

Traits

Traits ممكن تقول عنها Talent tree تحسن من قوة الحركات اللي ذكرناهن و تضيف نقاط للـ Attributes على حسب وين تختار تحطي Traits points. الـ Attributes مقسمة لقسمين Primary Attributes و Secondary Attributes.
الـ Primary Attributes هي عباره عن Power اللي تضيف لقوة الضربات المباشرة فقط, Precision ترفع احتمالية الـ Critical Hits, و Toughness تضيف لتحمل الشخصية للضربات علشان ما تخسر طاقتك بسرعة و Vitality اللي هي تزيد طاقة الشخصية (Health Bar)
أما Secondary Attributes هي عبارة عن Boon Duration اللي تزيد مدة الـ Boons اللي تستخدمها على نفسك او على اي حد من الفريق , Condition Damage تزيد قوة الـ Conditions على الخصم , Condition Duration تزيد مدة الـ Condition على الخصم , Critical Damage تزيد قوة ضربات Critical Hits للحركات اللي تستخدمها, و Healing Power تزيد من قوة الـ Heal اللي تسويه على نفسك او اي حد من الفريق.

و بالصورة رسمة توضيحية عن الـ Traits

http://img138.imageshack.us/img138/277/traits.jpg

1- الـ Traits تنقسم لثلاث مستويات Adapt, Master, Grand Master و كل مستوى من اليسار لليمين تأثير الـ Traits على الحركات تصير أكبر (مب شرط أقوى)
2- علشان تحطي نقاط اولا تضيف نقاط بعدد معين بمجرد انك تضغط على علامة + و تسحب النقاط اللي عندك و توزعهن اي مجموعة أفقية تريدها بناء على اختيارك كيف تبي تلعب في شخصيتك
3- هنا الـ Attributes اللي تتأثر بمجرد انك تحطي نقاط في مجموعة أفقية و دايما كل ما تحطي نقطة في اي مجموعة أفقية ترتفع عندك وحدة من Primary Attributes و وحدة من الـ Secondary Attributes.
4- Minor Traits دايما تكلف 5 نقاط اضافية تحسن من الحركات اللي عندك بشكل بسيط
5- Major Traits دايما تكلف 10 نقاط تحسن الحركات اللي عندك بشكل أكبر من الـ Minor


الإختصاصات

Elementalist

Elementalist نوعا ما برفيشن مختلف عن الباقين أو في تنوع كبير في الحركات اللي بتكون عندك و هالبروفيشن يعتمد على الـ attunement و هي عبارة عن 4 عناصر تكون موجودة فوق الحركات الخمسة الأولى. العناصر هي Water, Fire, Earth, Air (موضحة بالصورة بالمربع الأحمر)

http://img820.imageshack.us/img820/3262/eleel.jpg

بالمربع الأحمر اللي هن بالـ F1 - F4 بالصورة انا قاعد العب بالـ Fire Atun ممكن احول لـ Water لو اضغط على F2 و بتتغير الحركات اللي عندي من 1 - 5 بالكامل. على حسب تجربتي
Fire - يعطيك ضربات قوية و اغلبهن AoE (يعني اكثر من خصم واحد بنفس الوقت) و يترك على الخصم Conditions
Water - تكتسب حركات Heal و Support حق الفريق
Air - أغلبه Control مثل زيادة سرعة الحركات و سرعة الانتقال

اما بالنسبة للـ Elite skill بنفس الوقت عندك 4 Elites اذا اخذت Glyph of Elementals عكس باقي البروفيشنس اللي عندهم Elite واحد بنفس الوقت ! و الـ Elite يعتمد على اي عنصر انت فيه Fire, Air, Earth, Water

إيجابيات : تنوع كبير في الحركات و نوعا ما مختلف و تقدر تلعب أكثر من دور بفاعليه كبيرة و خاصة Support و Control و ضربات AoE قوية
العيوب : ما تقدر تغير السلاح و انت "In combat" و نوعا ما كرستال بسرعة يتكسر يعني تقدر تموته بسهولة اذا كنت بطىء او ما تستغل الكلاس بالشكل الصحيح و طبعا ما عندك وايد حركات Focused Single target و اغلبهن AoE صعب في البداية الين ما تتعود تصير سريع بالحركة و التغيير بين العناصر الأربعة


Guardian

لعبت بهالكلاس تقريبا لمدة 20 ساعة او اكثر و كان من الكلاسات اللي يتميز بقوة دفاعية كبيرة و اغلب الحركات اللي عنده تساعده على انه يقاوم الضربات بشكل اسهل من باقي البرفيشنس و اكثر بروفيشن عنده Support abilities و بالأخص الـ Elite skill اللي عنده يهيل بشكل خيالي و الفريق كله يستفيد من وجوده.

http://desmond.imageshack.us/Himg195...pg&res=landing

الـ F1 - F3 هي ضربات الخاصة اللي هن Virtues. كل Virtue له تأثيرين التأثير الأول بشكل افتراضي (Passive) يكون مفعل و يعطيك Boons و التأثير الثاني تقدر تفعل لو ضغطت (Activate) على الحركة يعطيك Boons اقوى لك و لفريقك.

Virtue of Courage يعطيك Boon كل 40 ثانية تحصل على Aegis اللي يساعدك تسوي Block حق ضربة الخصم, و اذا ضغط عليه يعطيك و اللي حواليك Aegis يحميكم من الضربة اللي بتييكم خلال 5 ثواني
Virtue of Justice يخلي كل خامس ضربة تطلع منك تحطي Burning Condition على الخصم, و اذا ضغط عليه يخليك انت و كل اللي حواليك تحطون Burning Condition على الخصم من أول ضربة
Virtue of Resolve يعطيك Heal خفيف كل كم ثانية اذا كان على Passive اما اذا ضغط عليه يصير Activate و يعطيك Heal اقوى بنفس اللحظة لك و لفريقك

طبعا مثل ما ذكرت هالبروفيشن من أفضل البروفيشنس في الـ Support في أغلب الفرق اللي تلعب sPvP تحصل عندهم Guardian و بالأخص الـ Elite له يغير مجريات الفريق Tome of Courage او ما تستخدمه تتغير اول 5 حركات عندك و تزيد طاقتك و تصير Immune لاي نوع من Stun/Daze/Interrupt و في نفس الـ Elite Skill عندك حركة اسمها Light of Deliverance (اذا ما كنت مغلط بالإسم) يعطي Heal لـ 5 لاعبين قراب منه و بما فيهم الـ Guardian نفسه يرجع طاقاتهم بالكامل

الإيجابيات : في رأيي الشخصي من أهم البروفيشنس من ناحية Support و ممتاز ضد البروفيشنس اللي تعتمد على Conditions لانه عنده كذا حركة تشيل Conditions و طبعا بصعوبه يموت و بروفيشن سهل , اتوقع بنشوف كثيرين يلعبون Guardian في البداية :).
السلبيات : اللي ما حبيته حسيته شويه بطيء و ضرباته ضعيفة نوعا ما و في بعض الحركات محتاجة انك تثبت الخصم مكانه علشان تكون فعالة و هذا للأسف صعب في الـ PvP



Engineer

إذا كنت تحب تستخدم بروفيشن يعتمد على الآلات و القنابل و المركبات الكميائية و تلعب على نوعين من الأسلحة Pistols أو Riffles. مثل حالة الـ Elemintalist ما تقدر تغير سلاحك لكن تقدر تستخدم حركات ثانية تعوضك اللي هي Kits.

http://img515.imageshack.us/img515/5151/engd.jpg

بالصورة التوضيحية لو تلاحظ الضربات عنده من 1-5 مختلفة عن اللي موجود بالصورة اللي بعدها. بالصورة الأولى هذه الضربات لاني استخدم Pistol + Shield و بالصورة الثانية لبست Med Kit اللي هي عندي بالرقم 6 تغيرلي الحركات من 1-5 لحركات خاصة في الـ Med Kit.
1- Bomb Kit - بتكون عندك 5 حركات من 1-2 هي حركات أساسية حق الـ Damage و Conditions أما 3-5 هي حركات Blind/Confusion/Immobilize/Cripple اللي تستخدم في الـ control علشان تبطىء حركة الخصم او تتفادى ضرباته. طبعا تحطي قنابل على الأرض و تنفجر خلال ثانيتين تقريبا. ميزته قوة ضرباته قوية و تعطيك شوية Control.
2- Med Kit - من 1-3 هي حركات تعطيك Heal, و 4 تشيل لك Condition, أما 5 تعطيك Swiftness و Fury.
3- Grenade Kit - الحركات من 1-2 و 5 هي ضربات تسوي Damage أو Condition, اما الحركة رقم 3-4 تعطيك Blind/Chill. ميزته انه عندك مرونة اكبر من الـ Bomb Kit لانك تقدر ترميها لمسافات اطول بدل ما تحطها جنبك و خاصة ضد الـ Ranged.
4- Elixir Gun - اغلب حركاته تفيد الفريق ككل مثل الحركة رقم 5 تعطيك AoE Heal حق كل اللي قراب من المنطقة اللي حددتها, و الحركة رقم 3 تحطي Condition على خصمك و تشيل Condition من اي احد من الفريق. بشكل عام اشوفه انه مفيد على مستوى الفريق اكثر علشان تعطيهم شوية Support.
5- Flame Thrower - الحركات من 1-2 و الحركة رقم 4 مخصصة حق الـ Damage و Burning Condition, اما الحركة رقم 3 مخصصة تبعد الخصم للخلف و اذا في ضربة من Ranged تبعده عنك اما الحركة الأخيرة تسوي Blind. هالـ Kit كنت استخدمه قبل لكن بعد التعديل اللي سووه احسه نوعا ما ضعيف او ما منه فايدة (من وجهة نظري).
6- Tool Kit - اغلبهن حركات على نطاق قصير Melee , الحركة رقم 1 ميزتها تصلح الآلة (Turrets) اذا كنت مطلع وحده اما الحركة الثانية تحطي Conditions Cripple + Bleedو الحركة الثانية Confusion الحركة رقم 4 عبارة عن درع. ميزته انه يصلح Turrets و تقدر تحطي Conditions على الخصم و خاصة اذا كان Melee.

بالمربع الأحمر بالصورة اللي فوق عبار عن حركات Tool belt و هي 4 حركات اضافية للحركات الموجودة بالرقم 6-9

ايجابيات : في تنوع كبير بالحركات بسبب وجود الـ Kits و Tool Belt و بروفيشن قوي في جانب الـ Control تقدر تطلع ضد 2 - 3 و تهزمهم اذا كنت سريع و منتبه للي حواليك و يبرز بقوة ضد Melee و اغلب حركاته ممتعة.
سلبيات : و لو انه Ranged بروفيشن الا انه المدى متوسط ! يعني لازم تكون قريب من الخصم و لاحظت بصعوبة ضد Ranged بروفيشنس و اغلب ضرباته ضعيفة و متعتمد بشكل كبير على Conditions فاذا في لاعب يشيل الـ Conditions توقع انك بطول الين ما تهزمه.


Mesmer

من اكثر البروفيشنس اللي حسيته شويه مختلف في لمسة ابداعية في تصميمه و ما قد لعبت شي مثله حبيت فكرته و اسلوب اللعب فيه من اول مره. خيارات الأسلحة في هالبروفيشن نوعا ما كبيرة و تقدر تختار اللي يعجبك و اكثر شي يميز هالبروفيشن هم الـ Illusions اغلب الحركات تسوي نسخة عنك. في نوعين من الـ Illusions النوع الأول Clones و النوع الثاني Phantasms و النوعين ما تقدر تتحكم فيهم هم يتصرفون.

-Clones : نسخة مطابقة للشخصية بكل شي فيه حتى علامة الـ Mesmer محطوطة على الفريم للنسخة (بعد التعديل في البيتا) و لها السبب ممكن تخربط منو فيهم هو اللاعب الأساسي. الحركات اللي تستخدمها الـ clones تعتمد على نوع السلاح اللي عندك, يعني لو عندك Pistol النسخة تطلع تصير Ranged و معاها Pistol.
- Phantasms : نسخة يسهل انك تفرق بينه و بين الشخصية نفسها لسبب انه Phantasms دايما يكون لونه وردي و شفاف, لكن اقوى و طاقته اكبر من Clones و طبعا نوع السلاح اللي عندك تحدد نوع السلاح اللي بيحمله و نوع الضربات اللي عنده.

http://img802.imageshack.us/img802/4554/mesmer.jpg

بالصورة التوضيحية الدوائر تعبر عن عدد النسخ الموجودة (3 نسخ كحد أقصى) كل ما تطلع منك نسخة تضوي دائرة علشان تكون منتبه. أما الحركات من F1 - F4 هي حركات Shatter
F1 - الحركة الأولى اسمها Mind Wrack : على كل Illusion عندك (اقل شي 1 و كحد أقصى 3) تدمره تسوي Direct Damage على الخصم و كل اللي قراب منه.
F2 - الحركة الثانية Cry Frustration : كل Illusion عندك تدمره تحطي Confusion لمدة 4 ثواني على الخصم. Confusion عبارة عن Condition أو Dot في كل مرة الخصم يستخدم حركة ياخذ Damage و كل ما كان عندك Illusions أكثر مدة الـ Confusions ما تزيد لكن قوته تزيد.
F3 - الحركة الثالثة Diversion : مع كل Illusions عندك تدمره تسوي Daze حق الخصم لمدة ثانية. Daze هو عبارة عن Interrupt (تمنع الخصم انه يستخدم اي حركة) لمدة من 1-3 ثواني.
F4 - الحركة الرابعة Distortion : مع كل Illusions عندك تدمره يصير عندك Distortion لمدة ثانية. Distortion هو عبارة عن Boon أو Buff خاص للـ Mesmer يقدر عن طريقه يتفادى الضربات.

مهم لكل واحد يلعب بهالبروفيشن يفهم الـ Clones و Phantasms و ينتبه لحركات الـ Shattering اللي هي مفيدة و لاحظت اغلب اللاعبين ينسون الحركات بالـ F1 - F4.

ايجابيات : المرونة في الحركة و ممتاز في تفادي الضربات و فعال كلاعب هجومي او دفاعي و بالأخص الـ Phantasms ضرباتهم قوية و الـ Clones تعطيك مساحة تخدع الخصم و تفك نفسك من الخصم.
سلبيات : اول نقطة سلبية الـ Clones بسرعة يموتوا !! احيانا بضربة وحدة في الـ PvE و خاصة اذا بغيت تستخدم Shatter ما يمديك لانه النسخة تكون راحت! و في وجهة نظري بروفيشن صعب ممكن تموت بسهولة اذا ما كنت سريع في استخدام الحركات.




Necromancer

Necromancer هو بروفيشن قريب للـ Warlock اللي يعتمد على ضربات من المدى المتوسط الى الطويل و يستخدم انواع كثيرة من الأسلحة بالإضافة الى Minions اللي تقدر اطلعه. القدرة الخاصة بالبروفيشن هو الـ Life Force اللي يستخدمه علشان يقوي نفسه او يرجع طاقته.

http://img29.imageshack.us/img29/3707/necrooo.png

بالصورة الأولى بالمربع الأحمر هذا هو الـ Life Force يزيد كل ما تستخدم حركة (حركة وحدة فقط لكل سلاح تعطيك Life Force) معينة لكل سلاح و 3 حركات أساسيسين بالـ Utility اللي هم Blood is Power أو Signet of Undeath أو Spectral Armour. أو اذا في خصم مات قريب منك.
الفايدة من الـ Life Force انك تقدر تاخذ هيئة مختلفة (بعد ما تضغط على F1 بالصورة الأولى) اسمها Death Shroud (اللي هي بالصورة الثانية) في هذي الهيئة تتبدل كل حركاتك و تصير عندك 4 حركات فقط (بالصورة الثانية) و تصير طاقتك في هذه الحالة هي نفسها الـ Life Force و اي Damage تاخذه ينقص من الـ Life Force الين ما يخلص ترد للهيئة الطبيعية و ترجع طاقتك مثل ما كانت قبل لا تدخل Death Shroud.

1- أول حركة و انت في هيئة Death Shroud هي Life Blast الضربة عبارة عن ضربة Ranged ميزتها انها تكون اقوى كل ما كان عندك Life Force أكثر.
2- Death Pact تعطيك القدرة على انك تنتقل باتجاه الخصم توجه ضربة نوعا ما ضعيفة لكن تبطىء الخصم و كل اللي حواليه بنسبة 66% لمدة 5 ثواني.
3- Doom الحركة هذي باختصار Fear تبعد الخصم عنك
4- Life Transfer هي ضربة AoE و بنفس الوقت تزيد Life Force

و عيبني حركة الـ Elite اللي اسمها Lich Form تتحول لمخلوق اضعاف حجم اللاعب و يصير عندك Stability و طاقتك تدبل و ضرباتك طبعا تكون قوية توقع اللي يقاومك يشرد منك و انت في متحول لـ Lich Form

الايجابيات : أولا انك تتحول للـ Death shroud و ضرباتك تكون بنفس قوة هيئتك الأصلية و في بعض الحالات أقوى (اذا كان عندك Life Force أكثر) و اي ضربة تاخذها و انت في هذه الهيئة ما تنحسب لطاقتك الاصلية! و الشي الثاني يلعب دور كبير كـ Support و خاصة انه عنده القدرة يحول Conditions لـ Boons و العكس و يوزعهم على مستوى الفريق .البروفيشن عنده أكبر Health pool في اللعبة بجانب الـ Warrior. وطبعا عندك Minions في ناس وانا منهم احب يكون معاي Minion :) تقدر تطلع 5 بنفس الوقت !!.
السلبيات : أول سلبية انك ما تقدر ترجع طاقة الـ Minions لازم تطلعلهم من أول و يديد (20 ثانية Cool down)! و الشي الثاني انك ما تقدر تسيطر عليهم شوية يصير الموضوع مزعج اذا كانو عندك Minions. و من ناحية الـ Damage ضعيف نوعا ما الا اذا كنت بتعتمد على Conditions أو Lich Form و Death shroud على كمية كبيرة من Life force و خلال اخر بيتا nerf للبروفيشن فخلوه اضعف.

Warrior

مثل ما هو معروف في اغلب الـ MMO البروفيشن دايما يلبس اثقل الدروع فالضربات اللي ياخذها تكون اخف و عنده Health Pool أكبر من باقي البروفيشن بجانب الـ Necromancer و اكثر بروفيشن متاحة له انواع كثير من الأسلحة .و البروفيشن عنده Burst damage بمعنى ضربات قوية في فترة قصيرة خاصة و بالأخص لتوفر آلية اسمها Adrenaline.

http://img515.imageshack.us/img515/6725/warru.png

بالمربع الأحمر عبارة عن مستوى الـ Adrenaline تقدر ترفعه مع كل ضربة الى اقصى شي 3 مستويات طبعا كل ما كان مرتفع كانت الضربة الخاصة أقوى. و الضربة الخاصة تعتمد على نوع السلاح اللي عندك و تكون افتراضيا على F1.

بشكل عام آلية البروفيشن مألوفه و سهلة ممكن أي حد يفهمها بسرعة و مافيها تعقيد. و من الحركات اللي يتميز فيها البروفيشن هي الـ Stances عبارة عن Boons تسرع لك ضرباتك او تسرع تزايد الـ Adrenaline او تعطيك Stability أو انك تتفادى كل الضربات اللي اتييك لمدة 5 ثواني.

الايجابيات : بروفيشن سهل (بجانب الـ Gaurdian) و في تنوع كبير بالأسلحة و عنده ضربات قوية بمعنى الكلمة في مدة قصير (Burst Damage) و تقدر تلعب فيه كـ Ranged اما Riffle , Bow و تكون بنفس الفاعليه ! و عندك كل انواع Control من Stun/Immobilize/ Charge.
السلبيات : الصراحة عن نفسي ما اشوف البروفيشن فيه اي مشكلة حاليا مع انه في ناس كانت تشتكي من Long bow ! اما غير هذا ما حسيت فيه اي سلبية ثانية.

Thief

من الإسم متوقع يكون عنده Stealth و هالشي صحيح لكن محدود لـ6 ثواني كحد اقص ما تقدر تصير Stealth بدون مدة محددة. و طبعا ضرباته قوية و هو البروفيشن الوحيد اللي ما عنده Weapon Cool down بمعنى الحركات اللي عندك من 1-5 تقدر تستخدمهم و ما يكون عليهم وقت معين تنتظر الين ما تستخدمهم للمرة الثانية لكن في شي اسمه Initiative (بالصورة التوضيحية) كتكلفة لكل حركة تستخدمها و دايما أول حركة (رقم 1) مالها اي تكلفك اي Initiative. و بسبب هذه الفكرة الـ Thief عنده Burst damage عالي و كل نقطة Initiative ترجع لك بعد 1.67 ثانية يعني تقريبا ثانيتين و في البداية تكون عندك 12 نقطة و تقدر تزيدهن لحد اقصى لـ 15 نقطة اذا استخدمت الـ Trait الخاص فيه.

http://img593.imageshack.us/img593/3239/thiefcf.jpg

الحركة الخاصة في الـ Thief اللي هي على F1 اسمها Steal الـ Cool Down طويل تقريبا 45 ثانية. لو استخدمته على اي خصم تتغير الحركة من Steal الى حركة خاصة تكون نسختها من الخصم و تقدر تستخدمها لو تضغط على F1 .

الحركة رقم 3 عند البروفيشن تعرف بـ Dual Wield skill بمعنى انه الحركة رقم 3 مش ثابته مثل باقي البروفيشنس على حسب نوع الـسلاح بالـ Main hand , الحركة تتغير بتغير تركيبة نوع الأسلحة بالـ Main hand و Off-hand. يعني لو عندك Pistol/pistol الحركة رقم 3 تصير Unload اما اذا عندك Pistol/Dagger تصير الحركة Shadow strike.

الايجابيات : من اقوى البروفيشنس من ناحية قوة الضربات, و لأول مره احس انه كلاس فعلا "Thief" بمعنى الكلمة ! تقدر تنسخ الحركة Steal و تقدر تستخدم Double Pistol شو بتطلب اكثر من جذه !! حتى الثوب اللي يلبسه شكله جميل ممكن نعتبرها نقطة ايجابية. و عنده مرونه بالحركة سريع مع تخفي مؤقت.
السلبيات : أولا نظام الـ Initiative نوعا ما يحكرك بالحركات اللي تقدر تستخدمها و خاصة انه في حركات مكلفة تاخذ نص الـ Initiative اللي عندك و نظام الـ Cool Down ممكن يكون ارحم من ناحية المرونة في استخدام الحركات. و الشي الثاني Steal ! المشكلة فيه انك ما تعرف شو هي الحركة اللي ممكن تنسخها من كل خصم احيانا تتفاجأ بحركة ممكن ما تستفيد منها شي او انك ما تعرفها بالأساس و استخدامك يكون هدر للـ Steal و الوقت! فالحل الوحيد في هذه الحالة انك تدرس كل الحركات اللي ممكن تنسخها علشان تكون عندك فكرة و هالشي مب سهل دام ان الحركات كثيرة ! و الشيء الثالث الـ Elite abilities اللي عنده ما شفت اي حركة مستاهل غير الـ Thieves guild لكن مشكلتهم انهم عشوائيين و ما عندك التحكم عليهم. و الـ utility skills ممكن احيانا تحصل حركة ما منها فايدة او ما تشكل فرق كبير و احيانا تحصل حركة قوية وايد يعني مشكلتها نوعا ما في Balancing.

لكن باختصار الـ thief كلاس ممتع و قوي جدا في الوضع الهجومي و خاصة بعد التعديلات اللي سووه بالبيتا باخر اسبوع.


Ranger

اقل بروفيشن لعبت فيه فما اقدر احكم عليه بشكل عادل من جذه بكون مختصر فيه. الـ Ranger برفيشن متوازن و قوي في الحاليتين سواء Melee أو Ranged و خاصة انه في حالة الـ Ranged مدى الضربات طويلة وايد و ممكن تكون الأطول بالمقارنة مع البروفيشنس الثانية.و للي يحب تكون عنده حيوانات (Pets) خاصة انه عنده مجموعة كبيرة من الـ Pets متاحة في الـ PvE لازم تمسك الـ Pet علشان يكون عندك اما في الـ PvP كل الـ Pets تكون متاحة لك (بالصورة الحيوانات اللي متاحة) و الحلو انك تقدر تبدل الحيوان اللي عندك (كحد أقصى 2 حيوانات برية و 2 حيوانات مائية) و انت بالماي يكون عندك كمثال قرش ! و هذا بحد ذاته ممتع.

http://desmond.imageshack.us/Himg850...pg&res=landing

مثل ما باين بالصورة المجموعة كبيرة على حسب اللي كان موجود بالبيتا 38 حيوان مائي و بري ممكن تختار بينهم.

http://desmond.imageshack.us/Himg854...pg&res=landing

الحركات الخاصة للبروفيشن كلها علشان تتحكم بالحيوانات اللي عندك
1- الأداة الأولى اللي هي F1 علشان تثبت الحيوان اللي عندك يهاجم خصم معين
2- الحركة الثانية F2 هي الحركة الخاصة للحيوان اللي عندك اللي ممكن انت تتحكم فيه ! لكن الحيوان نفسه عنده 3 حركات مختلفين يستخدمهم لحاله بدون ما انت تتدخل
3- الأداة الثالثة F3 علشان تتحكم في حالة الحيوان اما يكون عدائي Aggressive او ودي ما يهاجم Passive
4- هنا تقدر تشوف الحيوان اللي معاك حاليا
5- الحركة الأخيرة او الرابعة F4 تعطيك القدرة انك تغير الحيوان الحالي بالاحتياطي اللي موجود معاك (حيوانين كحد اقصى بالبر و بالماي يتغير لاختيارين مختلفين ممكن تبدل بينهم)

بشكل عام الـ Ranger كلاس متوازن و كان اقوى بمراحله الأولى بالبيتا الين ما اجروا في التغيرات و بروفيشن ممتاز في الـ support و خاصة بالـ Spirit اللي هي ارواح تستخرجها تساعدك انت و الفريق بالـ Heal او Control.

الايجابيات : بروفيشن الى حد كبير متوازن من ناحية الـ Damage و الـ Support اذا كنت تبي ضربات Ranged قوية تقدر تستخدم Long bow او اذا كنت حاب تكسر اللي حواليك و تضرب بدون تفكير تقدر تاخذ Short bow الـ AoE و الـ Condition damage منه قوي او تروح بالـ Melee weapons اللي انا شفتهم اصلا Ranged بنفس الفاعلية.
السلبيات : اكبر مشكلة كانت الحيوانات اللي معاك (Pets) مستوى الذكاء 0!! و بعضهم عندهم cast time يعني لو الخصم تحرك عاد الـ pet ضربته تروح عالفاضي ! و Long bow (فقط في structured PvP) ما كان ذاك الزود الشي الوحيد الزين فيه المدى الطويل اما ضرباته ما تنفع و تعرقل مرونة الحركة اللي عندك (و هذي المشكلة طلعت بعد التغيرات اللي سووها خلال البيتا 2 و 3)

-----------------------------------------------------------------------------------------------------------------------------------------------------------------------------------------------------------------------------
بعض الأسئلة و الأجوبة للاستفسارات

- هل تجربتك كانت مبنية على جانب PVE أم جانب PVP
تجربتي معظمها مبنية على جانب sPvP المنافسات المنظمة 5 لاعبين ضد 5 لاعبين و اللي كتبته ممكن ما ينطبق على جانب الـ PvE

- بس 10 حركات لكل بروفيشن ؟!
أولا كل بروفيشن عنده أقل شي 15 حركة. و في برفيشنس عندها 20 حركة مثل الـ Elementalist و في بروفيشن مثل الـ Engineer ممكن يكون عندك ما يقارب 30 حركة ! و المهم انك تستخدم معظم الحركات و كل حركة لها وزنها و ما تترك مهملة و تطلب جهد كبير علشان تضبطهن و تحس بالتنوع الموجود! اذا كنت لاعب سيء ما بتستخدم اكثر من 6 حركات! و ما اظني في العاب عطتك عدد كبير من الحركات (اكثر من 15 حركة) و استخدمتهن كلهن!

- شو تنصحني اسوي علشان اصير لاعب على مستوى جيد
اولا عمرك لا تستخدم الماوس علشان تستخدم اي حركة الماوس فقط للكيمرا و تغيير اتجاه حركتك! استغل الأزرار الموجوده عندك على الكبيورد و استخدم خاصية الـ Key binds الموجودة يعني استغل الحروف هذي قدر الامكان و تعود عليهن عشان تستغل لاعبك بطريقة جيدة اما الماوس فاسمحلي ما بتقدر تأدي بنفس الكفاءة.

انا شخصيا استخدم
1-5 للحركات الأساسية
F حق الـ Heal (بدل 6)
Q, E, R حق الـ Utility skills (بدل 7, 8, 9)
G حق الـ Elite ( بدل 0)
Z, X, C,V حق الـحركات الخاصة ( بدل F1, F2, F3,F4)
- شو احسن بروفيشن حق الـ Heal/DPs/Support/Control
مافي شي اسمه بروفيشن افضل في جانب محدد و كلا بروفيشن ممكن تخليه اقوى في اي جانب انت حابه لو تغير في Weapons/Skils/Traits لكن ممكن يكون في بروفيشن يمتيز في جانب اكثر من غيره و ابدا ما بيكون خاص فيه لانه القصد في اللعبة هي التكافأ فكل بروفيشن ممكن يكون بنفس القوة في جانب محدد ! و للمرة الأخيرة مافي شي اسمه Healer أو Tank أو DPS بروفيشن.

- في Rotation معين او Build معين ممكن استخدمه و هو الأفضل للكلاس س او ص
مافي شي اسمه Rotation معين بتستخدمه و انت واقف مكانك ! هالشي ما اعتقد بتحصله لكن اغلب الحركات تعتمد على الموقف اللي انت فيه و خاصة التنوع في الحركات و كثرتها تمنعك انك تلتزم لـ Rotation معين ! و نفس الكلام ينطبق على الـ Builds

جرب تبني الشخصية حقك بنفسك استخدم هالموقع علشان تبني

http://www.gw2build.com/builds/simulator.php

اما اذا كنت تبي مواقعك تساعدك شوف هذي المواقع (ما انصحك تستخدم Builds بشكل عشوائي !)
http://en.gw2codex.com/
http://www.gw2builds.org/browse
http://www.gw2build.com/builds/


____________________________________________________________________________________________________ _________________

و اللي عنده اي سؤال عن اي بروفيشن او اي شي يخص اللعبة من اللي تكلمت عنه يسألني و بجاوبه الأسئلة تثري الموضوع أكثر


و اللي يريد معلومات عامة أكثر يرجع للموضوع اللي كتبته قبل
Guild Wars 2 - تغطية شاملة


و شكرا على قراءة الموضوع

ما شاء الله، و شكرا على المجهود الكبير في عمل الموضوع!